1 Yohana 1:10 - Maləmce Məfele mala Ɓakuli: Kurcau Məbəshe

¹⁰ Ɓǝ̀ sǝm ne ɓamur rǝ sǝm ama sǝm pàk cauɓikea raka, sǝm nyesǝ Ɓakuli ama yì ka, mǝ'nyir na, sǝ lǝmndǝ ama cau male pà aɓalǝ sǝm ɗang.

1 Yohana 1:10 ပူးပေါင်းရင်းမြစ်များ

Yohana 3:33

Sǝ ɓwa mǝnana kat ak cau male ka earǝna ama cau mala Ɓakuli ka mǝsǝcau na.

Amǝ Kolosi 3:16

Ɓǝ̀ cau mala Kǝrǝsti, nǝ ɓoaro male kat ka, ɓǝ̀ lumsǝ ɗenyicau ma'wun. Wu kǝ kania rǝ wun gir sǝ wu kwarkir rǝarǝ wun, nǝ sǝlǝe mǝnana kat Kǝrǝsti pa sǝm ngga. Wu kǝ tuka anggyal ɓa Malǝmce mala Anggyal, andǝa mǝnana à cia nǝ tsǝa ka, andǝ anggyal ɓabangŋo, aban Ɓakuli nǝ ɓabum mana lumsǝ nǝ pak yàwá ka.

1 Yohana 1:8

Ɓǝ̀ sǝm nggǝ ne ɓamur rǝ sǝm ama sǝm pànǝ cauɓikea raka, sǝm nda ban swarki ɓamur rǝ sǝm, sǝ mǝsǝcau pà aɓalǝ sǝm ɗang.

1 Yohana 2:14

Ən nggǝ gilǝa wun, wun atárru, acemǝnana wu surǝna rǝ ɓwa mǝnana ndakam ɗiɗyal a tite ka. Ən nggǝ gilǝa wun, wun alo-ɓwa, acemǝnana wu ndanǝ rǝcandǝa, cau mala Ɓakuli na aɓalǝ wun, sǝ wu lina murǝm amur mǝɓealɓikea.

1 Yohana 2:4

Ɓǝ̀ ɓwa twali ɓamuri ama: “Ən surǝna rǝ Ɓakuli,” sǝ kǝ kpata anzongcau male raka, mǝ'nyir na, sǝ mǝsǝcau pa aɓa mǝno yì ɓwa ka ɗang.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:10

Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.

2 Yohana 1:2

Sǝm nggǝ earce wun àkǝ̀ ce mǝsǝcau mǝnana nda aɓalǝ sǝm, sǝ nǝ̀ do ata sǝm, málá male pà kàm raka.