1 Timoti 6:5 - Maləmce Məfele mala Ɓakuli: Kurcau Məbəshe

⁵ Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

1 Timoti 6:5 ပူးပေါင်းရင်းမြစ်များ

Matiu 12:33

Ɓǝ̀ nggun ɓoar ka ɓǝle gbal ka nǝ̀ ɓoaro, sǝ ɓǝ̀ nggun ngga mǝɓane na ka, ɓǝle gbal ka nǝ̀ duk mǝɓane; nggun ka à surǝ́ki arǝ ɓǝle.

Matiu 21:13

Nea wia ama, “Malǝmce mala Ɓakuli bangŋa ama, “ ‘Ɓala mem ngga à nǝ̀ tunǝi ama ndà ace pak hiwi,’ sǝ wu nyesǝi duk mpu mala amǝ'ɓǝmbǝriban!”

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

1 Amǝ Korinti 11:16

Sǝ ɓǝ̀ ɓwa na ama nǝ̀ yinǝ makgir amur mǝnia ka, kǝgir mǝnana mǝ nǝ gandǝ ne ka nda mǝnana ama, sǝm pànǝ ɓe kǝ kuncau ɗang, ko a'ikǝlisiya mala Ɓakuli ka, à pa nǝi gbal ɗang.

2 Amǝ Tasalonika 3:6

Wun amǝ'eamrǝarǝu, sǝm nggǝ na wun aɓa lullǝ Mǝtala sǝm Yesu Kǝrǝsti ama, wu puri njar mala aɓwana mǝnana à na ama yia ka amǝkpata Yesu na, sǝ à kǝ dukdo nkundǝr, à kǝ kpata agir mǝnana sǝm kania wun ngga raka.

1 Timoti 1:6

Sǝ aɓea aɓwana ka à kyangŋǝni mǝnia yì mugula cau ka. À ɓwarkini tanjar mala amǝnia yì agir ka, à kutina aban naki acau mǝnana ɓamuria pà kàm raka.

1 Timoti 3:3

Yì ka, pà nǝ̀ duk mǝ'nuki agir andǝ wal-wale ɗang, pà nǝ̀ duk mǝ lullo ɗang, nǝ̀ pak ɓukɓuk, pà nǝ̀ earce loasǝkiaban ɗang, sǝ pà nǝ̀ duk mǝ rufi ata boalo ɗang.

1 Timoti 3:8

Amǝ'bwal kun turo ndahiwi gbal ka, dumǝna pup ɓǝa kumia nǝ ɓealǝu mǝɓoarne, ɓǝa kǝa duk amǝ'kunɓarina ɗang. À pà nǝ̀ duk amǝ ɓiki nu mùr ɓǝlanggun anap, ko amǝ alta kume nǝ ɓǝmbǝriki aɓwana ɗang.

1 Timoti 4:7

Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

1 Timoti 4:8

Songnǝ nggūrǝu ka ndanǝ ɓoaro, sǝa ma ɓak ɓamuru aɓa do kpata Ɓakuli ka ndanǝ gir mǝɓoarne ate a koya njari ka, acemǝnana nda bwal kum do yilǝmu mǝɓoarne mana adyan andǝ mǝno kǝ yiu ka.

1 Timoti 6:6

Sǝ yale kpata Ɓakuli a tarǝia andǝ kum ɗǝmsǝban aɓa do nǝ mo'amurbuo ka, kum gǝna mǝgule na.

2 Timoti 3:5

À nǝ̀ lǝmndǝi a nza kǝla yia ka aɓwana mala Ɓakuli na, sǝ à ɓinǝ pà ɓamuria arǝ rǝcandǝa mala Ɓakuli mǝnana nǝ̀ cia à nǝ̀ duk do mala amǝkwaɗi ka. A ulang amǝnia yì aɓwana ka, wu ɓanggi bania.

2 Timoti 3:8

Kǝla mǝnana Janis andǝ Jambǝris ɓinǝì Musa à earnǝi raka, anggo sǝ aman yì aɓwana ka, à ginǝki mǝsǝcau. Yia ka, aɓwana na mǝnana ɓabumia sharna aɓa cauɓikea, sǝ paɓamuru malea ka, mǝɓafoe na ɗang.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

2 Bitǝrus 2:15

À nyingŋǝna njar mala mǝsǝcau sǝ à ɓwarkini tanjar mǝɓoarne. À kpanata njar mala Balaam muna mala Beyo, mǝnana earce kum boalo nǝ njar gir mala cauɓikea ka.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

Yahuda 1:11

Gir'murmwana na amuria! À twalǝna kusǝ Kayinu. Rufi malea ata boalo tsǝngŋǝnia à kpana aɓa ɓwarkio mala Balaam. À mgbikiru kǝla Kora, sǝ à kpana kìɗìkea kǝla yì.

Sǝna 18:13

Aɓea gir ɗǝm mana kuria ka, à nda ka amuku nggwato-nggun mǝɓoarne mala amǝ Asiya, andǝ amuku agir mǝɓoarne mǝnana à kunǝkiyia amur girlina. Muku agir loasǝ yele mǝ'rǝmɓoarne, andǝ myang pak ɓuri wal rǝkwanggia, andǝ myang pak muru-mǝrǝmɓoarne na aɓalǝia. Acilia ka à nda mùr ɓǝlanggun anap, andǝ muru nggun-olif, andǝ muku pak bǝredi, andǝ mǝsǝbondo alkama, andǝ andá, andǝ anzur, andǝ apǝ́r, andǝ akeke-pǝr, andǝ aguro, andǝ yilǝmi ɓwapǝndǝa.

Sǝna 18:3

Aɓwana arǝ anzali kat, à nuna mùr-anap mala nshawari, andǝ kìɗìkì mala nonggi nǝ rǝarǝu male, sǝ walǝnia. Amurǝma mala ɓanza nonggina nǝi. Ace ɓiki earce do male aɓa banɓoarnado mala kume ka, tsǝngŋǝna amǝ nggaliki mala ɓanza à pǝlǝna amǝ gǝna.”