1 Timoti 6:4 - Maləmce Məfele mala Ɓakuli: Kurcau Məbəshe

⁴ ɓwe ka, twalɓamuru akini, sǝ surǝ kǝgir ɗang. Ulang mǝnia yì ɓwa ka, ndanǝ ɓabum mǝɓane mala makgir andǝ loasǝkiaban amur acau mana à kǝ yinǝ mɓali, andǝ kúnɓuana, andǝ kiɗiki ɓwa, andǝ nusǝban nǝ mǝɓane.

1 Timoti 6:4 ပူးပေါင်းရင်းမြစ်များ

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 18:15

Sǝ acemǝnana ce ka nda amur aɗikiaban amur acau, andǝ alullǝu, andǝ anggurcau ma'wun ngga, wu mal nǝ ace nǝ ɓamur rǝ wun. Pa mǝ nǝ do mǝɓashi amur ulang agir kǝla amǝnia ka ɗang!”

Amǝ Mishan 8:9

A mǝno yì nggeala ka, ɓeɓwa na kam lullǝi ama Shiman, yì ka, mǝɗikalu na. Kǝ pe aɓwana mǝnana a Samariya ka ndali. Kǝ twali ɓamuri ama yì ka, nggea ɓwa mǝcande na.

Amǝ Roma 12:16

Wu do aɓa dotarǝu mala amǝ'eamrǝarǝu; wu kǝa twal ɓamur wun ɗang; wu dum nǝ earce kpapi ɓamuru wunǝ aɓwana mǝnana acili aɓwana twali à pà kun ɓe kǝgir raka. Wu kǝa twali kǝla wu kuti aɓwana nǝ sǝlǝe ɗang.

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Roma 14:1

Mǝkwaɗi mǝnana pànǝ rǝcandǝa aɓa paɓamuru male aban Ɓakuli raka, wu é, sǝ wu kǝa kutia makgir andǝi amur agir mǝnana aɓwana kat sǝ à eare amuri raka ɗang.

Amǝ Roma 2:8

Sǝ bumlulla andǝ bumpina male ka nǝ̀ sulǝo amur amǝ'earce ɓamuria, andǝ amǝɓinǝ kpata mǝsǝcau ace gya ata ɓealɓikea.

1 Amǝ Korinti 11:16

Sǝ ɓǝ̀ ɓwa na ama nǝ̀ yinǝ makgir amur mǝnia ka, kǝgir mǝnana mǝ nǝ gandǝ ne ka nda mǝnana ama, sǝm pànǝ ɓe kǝ kuncau ɗang, ko a'ikǝlisiya mala Ɓakuli ka, à pa nǝi gbal ɗang.

1 Amǝ Korinti 11:18

A tite ka, ǝn o ama ɓǝ̀ wu yiu abanarǝ wun ngga, kun wun kǝ gakì tàrǝia, sǝ mim ngga, ɓǝ́ mǝ nǝ eare ama anggo sǝ ce pa.

1 Amǝ Korinti 3:18

Ɓǝ̀ kǝɓwa ɓǝ̀ kǝa swarki ɓamuri ɗang. Sǝ ɓǝ̀ ɓe kǝɓwa aɓalǝ wun kǝ sǝni kǝla ndanǝ sǝlǝe mala ɓanza man ngga, yì ka, ɓǝ̀ kpata njar mǝnana amǝɓanza twali ɓanggea na ka, sǝ yì ka, nǝ̀ duk mǝsǝle aɓa mǝsǝcau.

1 Amǝ Korinti 3:3

acemǝnana gir mana nggūrǝu earkiyice ka nda wu ginggi ate ka piu. Yi mǝnana mɓali na kam arǝarǝ wun andǝ ɓikido ka, mǝno ka lǝmndǝ ama wu ndaka mala ɓanza re? Wu pa aɓa do ulang do mala amǝɓanza re?

2 Amǝ Korinti 11:20

Ɓafo, wu kǝ twal gandǝa nǝ ko ya ɓwa mǝnana kǝ pak guro nǝ wun, kǝ pwan agirkuma ma'wun, ko kǝ tǝpǝri wun, ko kǝ lǝmndǝa wun ama kuti wun, ko kǝ pakka wun gir kyauwikiban aɓa ɓwa ka.

Amǝ Galati 5:15

Sǝ ɓǝ̀ akuni lǝmndǝì arǝ wun earcearǝu, wu camarǝ munǝo andǝ loasǝban a rǝarǝ wun ngga, wu parkir wun, ɓǝ̀ a na raka wu nǝ̀ kiɗiki rǝarǝ wun.

Amǝ Galati 5:26

Ɓǝ̀ sǝm ngga gusǝlǝ mur sǝm, ko ɓǝ̀ sǝm nggǝ altacau arǝarǝ sǝm, ko ɓǝ̀ sǝm nggǝ pak mɓali arǝarǝ sǝm ɗang.

Amǝ Galati 6:3

Ɓǝ̀ kǝ ɓwa twalî ɓamuri ama ndanǝ gulo, sǝ pà nǝ̀ nyesǝ ɓamuri nǝ̀ bwali kǝ ɓwa kàm raka, ɓwe kǝ swarki ɓamuri nǝ swarkio. Yì ka, pà a kun ɓe kǝgir ɗang.

Amǝ Filipi 1:15

Mǝsǝcau na ama aɓea ɓwana kǝ̀ hamnǝ cau mala Kǝrǝsti ace mwararǝu andǝ mɓali, sǝ aɓea ka, à kǝ hamnǝi nǝ ɓabum mǝɓoarne.

Amǝ Filipi 2:14

Wu pusǝ nggwani andǝ makgir aɓalǝ agir mǝnana kat wu pakkiyi ka.

Amǝ Filipi 2:3

Gir mǝnana kat wu nǝ̀ pè ka, wu kǝa pe nǝ earce-ɓamuru, ko twalɓamuru ɗang; wu nongsǝ ɓamur rǝ wun, wu twal aɓi wun kǝla à kuti wun.

Amǝ Kolosi 2:18

Wu kǝa eare ɓǝ̀ kǝ ɓwa mǝ'earce pakkiagir nyesǝmuru mǝ'nyirì andǝ mǝperi aban amǝturonjar nyesǝ ce wun ɓà nǝ na cau gula ama sǝna na sǝn amur amǝnia yì agir ka ɗang. Acau mala ɓwa kǝla mǝno ka amǝɓane na, acemǝnana yì ka, lumsǝ nǝ twalɓamuru, sǝ ɗenyicau male ka, mala earce gir mala ɓamuri na.

2 Amǝ Tasalonika 2:4

Yì ka, nda ɓiumǝbura mǝnana kǝ loasǝ ɓamuri amur Ɓakuli andǝ agir mǝnana kat aɓwana kǝ peri abania ka. Yale nǝ̀ kutio a Ndàmǝgule mala Ɓakuli nǝ̀ duk kam, nǝ̀ na ama yì nda Ɓakuli.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 1:7

À kǝ earce ɓǝa surǝia ama à ndaka amǝ kanî aɓwana Nggurcau mala Musa, sǝ à surǝ gir mǝnana à nakiyi cau amuri ka ɗang, kat andǝ amani ama à kǝ ne nǝ rǝcandǝa malea kat ka.

1 Timoti 3:6

Ɓwamǝgule mur ikǝlisiya ka, ɓǝ̀ kǝa duk ɓwa mǝnana loa paɓamuri aban Ɓakuli ka ɗang, acemǝnana nǝ̀ nggǝ twalɓamuri. Sǝ twalɓamuru nǝ̀ ci nǝ̀ kpa aɓa ulang ɓashi mǝnana à nǝ̀ pakki mǝɓealɓikea ka.

2 Timoti 2:14

Wu kǝ kasǝ ɓalǝ aɓwana arǝ amǝnia yì agir ka, sǝ wu nunkiria a ɓadǝm Ɓakuli, ɓǝa ɗeki makgir amur acau. Amǝno yì amakgir ka, à pànǝ ɓoaro ɗang, à nǝ̀ kiɗiki aɓwana mǝnana à kǝ okia ace ka.

2 Timoti 2:23

Kǝa kánǝ ɓamuri aɓalǝ agǝmi makgir andǝ mana sǝlǝe pà aɓalǝia raka ɗang, acemǝnana we ka a sǝlǝna ama, kǝ yinǝ munǝo.

2 Timoti 3:4

Ɓwapǝndǝa nǝ̀ duk amǝ mak aɓea, amǝ ɗwanyi tsǝkiru, amǝ gusǝlǝ-muru, andǝ amǝ earce banɓoarnado amur earce Ɓakuli.

Titus 3:9

Kǝa kutio aɓa makgir mǝɓane amur bǝlkikusǝ atau mala akáu mǝnana a pwaryan ngga, andǝ nunggirǝu, andǝ munǝki amunǝo amur Nggurcau mala amǝ Yahudi ɗang. Amǝno yì amakgir ka à nda ɓà, kǝgir mǝɓoarne pà aɓalǝia ɗang.

Jemis 1:19

Wun amǝ'eambǝam aɓa earcearǝu, wu parkir wun arǝ mǝnia ka: koyan ngga ɓǝ̀ kaurǝa ta okcau, ɓǝ̀ dǝndi arǝ nacau, sǝ ɓǝ̀ dǝndi arǝ pak bumlulla.

2 Bitǝrus 2:12

Amǝnia yì amǝkanigir mǝ'nyirì ka, à kǝ gyata oe malea a rǝǔ, kǝla anyamɓikea mǝnana à pànǝ ɗenyicau raka, mana à pusǝia ace mǝnana ɓǝa bwalia ɓǝa wallia ka. À kǝ na mǝɓane amur gir mǝnana à bwalta kusǝì raka, sǝ acemǝnana à nda kǝla agirkusǝu ka, à nǝ̀ kiɗikia.

2 Bitǝrus 2:18

Nǝ́ naki acau mǝɓangge mala twalɓamuru malea, à kǝ swár aɓwana mǝnana à ndarǝ puro à nǝ̀ api ɓalǝ aɓwana mǝnana a do aɓa ɓwarkio mala cauɓikea ka. À kǝ ɓariki à nǝ̀ nunnia aɓalǝ asuno mǝɓane mala nggurǝ ɓwapǝndǝa mǝ'earce kìɗìkì mala cauɓikea.

Yahuda 1:10

Sǝ amǝnia yì aɓwana ka, à kǝ bangcau nǝ ɓǝsǝkiban amur agir mǝnana à bwaltea raka. Sǝ agir mǝnana à bwaltea nǝ gyata oe malea a rǝǔ, andǝ ɗwanyi ɗenyicau kǝla agirkusǝu ka, à ndaka kǝ gir mǝnana à kǝ kiɗikia ka.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.

Sǝna 3:17

A kǝ ne ɓamuro ama a nda mǝkume, a rambǝna gǝna, sǝ a ɗwanyi kǝgir ɗang! Sǝ a sǝlǝ ɗang ama we ka a nda mǝtapwasǝa, gir-mǝsǝswatǝr, mǝtǝr, nte, sǝ a ndanǝ ɓato.