1 Timoti 6:3 - Maləmce Məfele mala Ɓakuli: Kurcau Məbəshe

³ Ɓǝ̀ kǝ ɓwa kǝ yinǝi ɓe kanigir mana nda ɗàng andǝ mǝnia, sǝ earnǝ kanigir mǝ'mǝsǝcau nì mala Mǝtalabangŋo Yesu Kǝrǝsti, andǝ kanigir mala do mǝkpata Ɓakuli raka,

1 Timoti 6:3 ပူးပေါင်းရင်းမြစ်များ

Matiu 22:21

À eari wi ama, “Mala Kaisar na.” Pǝlǝa nea wia ama, “Gir mǝnana mala Kaisar na ka wu pe Kaisar, sǝ mǝnana mala Ɓakuli na ka wu pe Ɓakuli.”

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Amǝ Roma 16:17

Ən nggǝ zǝmbǝa wun ɗǝm, wun amǝ'eambǝam, wu tsǝk kir wun arǝ aɓwana mǝnana à kǝ yinǝ gakia aɓalǝ wun, sǝ à nǝ̀ tsǝk wun a ɓwarki tanjar, nǝ akanigir mǝnana à nda ɗàng andǝ mǝnana à kania wun ngga. Wu nyia zak, ce wu sung abania ɗang!

1 Amǝ Tasalonika 4:8

Ace mani ka, ɓwa mǝnana kat ɓinǝ mǝnia yì kanigir ka, pa aban ɓinǝ nzongcau mala ɓwapǝndǝa ɗang, nzongcau mala Ɓakuli na ɓinǝkiyi ka, yì mǝnana kǝ pa wun Bangŋo Mǝfele male ka.

1 Timoti 1:10

Yì Nggurcau ka, nda ace amǝ nongginǝban a nza nǝ doɓala, andǝ amǝ pak cauɓikea nongginǝ rǝarǝia, aburana arǝ aburana sǝ amamǝna arǝ amamǝna. Nda ace amǝ bwalban a guro, andǝ amǝnyir, andǝ amǝ kanná amur nyir, andǝ aɓwana mǝnana kat do malea ka nda ɗàng andǝ kanigir mǝ'mǝsǝcau nì ka.

1 Timoti 1:3

Mana mǝ nǝ o a Masǝdoniya ka, ǝn no nǝ rǝcandǝa nǝma wu came a Afisu, ace mǝnana wu tamsǝ aɓwana mǝnana akanigir malea ka, à nda ɗàng andǝ mǝsǝcau ka.

1 Timoti 1:6

Sǝ aɓea aɓwana ka à kyangŋǝni mǝnia yì mugula cau ka. À ɓwarkini tanjar mala amǝnia yì agir ka, à kutina aban naki acau mǝnana ɓamuria pà kàm raka.

2 Timoti 1:13

Bwal kanigir mǝɓafoe mǝnana a kanì abanam ngga, ɓǝ̀ dupo girkani mǝnana a nǝ kpate ka, sǝ pè aɓa paɓamuru andǝ earcearǝu mǝnana ndakam aɓa Kǝrǝsti Yesu ka.

2 Timoti 4:3

Acemǝnana pwari na kǝ yiu ka, mǝnana ɓwapǝndǝa pa nǝ̀ earnǝ kanigir mǝɓoarne raka. A kun mani ka, à nǝ̀ rambǝa amǝkanigir a rǝia mǝnana à nǝ̀ pwasǝ bumia nǝ nea wia gir mǝnana kiria kǝ oākia a rǝì, sǝ à earkiyi ce oe ka.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

Titus 1:9

Dumǝna púp ama nǝ̀ bwal kàngkàng arǝ kanigir mana à nǝ̀ earnǝi, kǝla mǝnana à kani wi ka. Anggo sǝ nǝ̀ kumo nǝ̀ bwali aɓwana kam nǝ kanigir mǝɓoarne, sǝ nǝ̀ lǝmndǝì aɓwana mǝnana à kǝ ɓinǝ mǝnia yì kanigir ka, ɓwarkio malea.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.