1 Timoti 5:5 - Maləmce Məfele mala Ɓakuli: Kurcau Məbəshe

⁵ Man-lú mǝɓafoe, mǝnana nda nǝmurǝì, kǝɓwa pà amuri a ɓanza man raka, kǝ tsǝk ɓalǝi arǝ Ɓakuli, sǝ kǝ lidǝmbǝa du andǝ pwari, aban zǝmbǝi Ɓakuli ɓǝ̀ bwali wi kam.

1 Timoti 5:5 ပူးပေါင်းရင်းမြစ်များ

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 18:7

Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Amǝ Mishan 26:7

Mǝnia ka nda kǝ gir mǝnana atau ma'sǝm lum-nong-ɓari mala amǝ Isǝrayila tsǝk ɓalǝia aban kúndǝo à nǝ̀ sǝn lumsǝo male ka. Nda tsǝa sǝ à kǝ peri a ɓadǝm Ɓakuli du andǝ pwari nǝ rǝɓǝla ka. Ɓǝ̀ rǝo pwalo Murǝm, kat andǝ mǝno ka, à tsǝkam acau a rǝam, à yinǝ mim aban ɓashi ace bwal mǝnia yì tsǝkɓalǝu ka!

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Amǝ Mishan 9:39

Pǝlǝa Bitǝrus lo o atea. À yiu à yì bwalǝna ka, à kuti nǝi aɓa ndakuli. Aman-lú kat à kàrǝì aɓalǝu à kǝ ɓua, sǝ à kǝ lǝmndǝki wi adaura andǝ acili agir-nggurǝu mǝnana Dokas pakkia wia mana malaká wu raka.

Amǝ Mishan 9:41

Bitǝrus bwali a garabui, loasǝi tamsǝi amur akusǝi. Pǝlǝa tunǝ amǝkwaɗi andǝ aman-lú, sǝ pea wia Tabita nǝ yilǝmu.

Amǝ Roma 1:12

Gir mana ǝn nakiyi nda mana ama, ǝn nggǝ earce ɓak ɓabum wun nǝ paɓamuru mem, sǝ mim gbal ka mǝ kum ɓakɓabum nǝ ma'wun yì paɓamuru.

Amǝ Roma 1:5

Nǝ ban Kǝrǝsti sǝ Ɓakuli pa sǝm ɓwamuru andǝ ɓoro mala do mǝ'mishan, ɓǝ̀ sǝm ne aɓwana arǝ anzali a koya ban ngga, gir mǝnana Ɓakuli pa acea ka, ace mǝnana ɓǝa paɓamuria, ɓǝa oki wi sǝ anggo ka lullǝi ɓǝ̀ kum gulo.

1 Amǝ Korinti 7:32

Ən earce nǝma wu kǝa wu ɓuanǝbum wun amur agir mala do ɓanza ɗang. Ɓwa mǝnana dukɓala raka, ɗenyicau male ka nda amur turo mala Mǝtalabangŋo, ace mǝnana ɓǝ̀ pwasǝ bumi ka.

1 Amǝ Korinti 7:34

mǝnia ka tsǝk ɗenyicau male gakia. Sǝ mɓwama ko nsari mǝnana malaká dukɓala raka, kǝ tsǝk ɓamuri arǝ turo mala Mǝtalabangŋo, acemǝnana kǝ earce ɓǝ̀ do ama, pana rǝì andǝ ɓabumi kat. Sǝ mɓwama mǝnana dumǝna ɓala ka, kǝ ɗenyicau arǝ agir do ɓanza, acemǝnana kǝ earce pwasǝ bum burri.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Filipi 4:6

Ɓǝ̀ kǝgir ɓǝ̀ kǝa tsǝk wun a do-tiki nǝ muru ɗang. Aɓa koya gir ka, wu pak hiwi nǝ zǝmbǝa, wu lǝmndǝì Ɓakuli agir mǝnana wu earkiyi cea ka, sǝ wu kǝ pak yàwá.

1 Timoti 2:1

A dǝmbǝa nǝ agir kat ka, ǝn nggǝ pa kwarkiru ama, wu kǝ pak hiwi ace aɓwana kat. Wu kyan nǝ ɓua ma'wun aban Ɓakuli amuria, wu zǝmbǝi wi ɓǝ̀ bwalia wia kam kat nǝ ɓwamuru male, sǝ wu kǝ pakki wi yàwá acea.

1 Timoti 5:16

Ɓǝ̀ ɓe kǝ mɓwama mǝkwaɗi ndanǝ aɓǝla mǝnana aman-lú na ka, ɓǝ̀ kǝ tsǝk kiria, ɓǝ̀ kǝa na ama nǝ̀ nyinggi ikǝlisiya mǝnia yì twalo ka ɗang, ace mǝnana ɓǝ̀ ikǝlisiya tsǝk kiri arǝ aman-lú mǝnana kǝɓwa pa amuria raka.

1 Timoti 5:3

Ɗenyi nǝ aman-lú mǝnana kǝɓwa pa muria raka, tsǝkiria.

2 Timoti 1:3

Du andǝ pwari ka, ǝn nggǝ ɗenyi nǝ we aɓalǝ ahiwi mem. Ən nggǝ pakki Ɓakuli yàwá, yì Ɓakuli mǝnana ǝn nggǝ kpate nǝ ɓabum mǝɓoarnsari, kǝla mǝnana akêm pak ka.

1 Bitǝrus 3:5

Amamǝna mǝnana a pwaryan à dukdo yal ɓamuria ace Ɓakuli sǝ à guli a rǝì ka, anggo sǝ à gilǝki ɓoarnsari malea. À nongsǝ muria aɓata aburria,