1 Timoti 5:3 - Maləmce Məfele mala Ɓakuli: Kurcau Məbəshe

³ Ɗenyi nǝ aman-lú mǝnana kǝɓwa pa muria raka, tsǝkiria.

1 Timoti 5:3 ပူးပေါင်းရင်းမြစ်များ

Matiu 15:6

ɓwe nǝ̀ gandǝ ginǝ pe tarrí ko nggè gulo nǝi. Anggo ka wu nyesǝna cau mala Ɓakuli ɓà ace pakkiagir ma'wun.

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Luka 2:37

Anggo sǝ do man-lú apǝlǝa lumi-tongno-nong-tārú nǝ mǝsǝì ine. Gapiyi tarǝia andǝ Ndàmǝgule mala Ɓakuli ɗang, du andǝ pwari nda aban peri aban Ɓakuli nǝ gilmur andǝ hiwi.

Luka 7:12

Lang gbashina kun la ka, à je andǝ aɓea ɓwana mǝnana à twalǝna lú-mǝlagga à nǝ̀ nggǝ purni ka. Yì lú ka ndà kǝ̀ muna-ɓwabura mwashat a bu ngge. Sǝ ngge ka man-lú na. Ɓwabunda pas mǝnana a le ka à puro ate.

Yohana 1:47

Lang Yesu sǝn Nataniyel aban yiu ka, na cau amuri ama, “Mǝnia ka ɓwa Isǝrayila mǝɓafoe na, mǝnana pànǝ nyir a rǝì raka.”

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Amǝ Mishan 9:39

Pǝlǝa Bitǝrus lo o atea. À yiu à yì bwalǝna ka, à kuti nǝi aɓa ndakuli. Aman-lú kat à kàrǝì aɓalǝu à kǝ ɓua, sǝ à kǝ lǝmndǝki wi adaura andǝ acili agir-nggurǝu mǝnana Dokas pakkia wia mana malaká wu raka.

Amǝ Mishan 9:41

Bitǝrus bwali a garabui, loasǝi tamsǝi amur akusǝi. Pǝlǝa tunǝ amǝkwaɗi andǝ aman-lú, sǝ pea wia Tabita nǝ yilǝmu.

1 Amǝ Tasalonika 2:6

Sǝm pà aban alta ɓwangsǝban aban ɓwapǝndǝa, ko aban wun, ko a bu kǝɓwa ɗang.

1 Timoti 5:2

Tsǝk kir aɓwagula kǝla mǝnana a nǝ tsǝk kir anggeau ka. Sǝ ansarina ka, tsǝk kiria kǝla amǝ'nggaulǝo, nǝ ɓabum mǝɓoarnsari.

Jemis 1:27

Kwaɗi mǝɓoarnsari, mǝɓafoe mǝnana Ɓakuli Tár sǝm earkiyice ka, nda tsǝkir akawa andǝ aman-lú aɓalǝ atanni malea, andǝ ɓanggi pǝndǝkiban mala ɓanza.

1 Bitǝrus 2:17

Wu pe koyana le ka gulo, sǝ wu earce amǝ'eamrǝarǝu. Wu kǝ ɓanggi Ɓakuli, sǝ wu kǝ pe murǝm gulo.

1 Bitǝrus 3:7

Anggo gbal, sǝ wun aburala ka, wu lǝmndǝ sǝlǝe aɓa doɓala ma'wun. Amālá wun ngga wu kǝ ɗenyi nǝia kǝla aɓwana mana rǝcandǝa malea bwalta ma'wun raka, sǝ wu bwalia nǝ pagulo acemǝnana yia ka, aɓiwun na aɓa ɓwamuru mala bǝsa do mana Ɓakuli pà ka. Wu bwalia pepe, ace mǝnana kǝgir ɓǝ̀ kǝa tamsǝ ahiwi ma'wun raka.