1 Timoti 5:14 - Maləmce Məfele mala Ɓakuli: Kurcau Məbəshe

¹⁴ Ən nggǝ kwarkir amamǝna mǝnana aburria pangŋǝna lú, sǝ a malaká gul raka, ɓǝa albura ɗǝm, ɓǝa ɓǝl amuna, ɓǝa tsǝk kir aɓala malea. Anggo sǝ ɓiumǝbura pa nǝ̀ kum njar na mǝɓane amur sǝm ɗang.

1 Timoti 5:14 ပူးပေါင်းရင်းမြစ်များ

Titus 2:5

Kania wia ɓǝa dum nǝ bwalrǝu aɓa do andǝ nacau malea, ɓǝa kǝ gya aɓa ɓoarnsari, ɓǝa duk amǝ bwal ɓala, andǝ amǝ turo-ɓoarna, andǝ amǝ oki aburria. Anggo ka, kǝɓwa pà nǝ̀ ɓǝsǝki cau mala Ɓakuli ɗang.

1 Timoti 6:1

Amǝkwaɗi mǝnana à nda ɓata twalo mala doguro ka, ɓǝa kǝ pe amǝtala-ɓala malea gulo pepe, ace mǝnana aɓwana ɓǝa kǝa na mǝɓane amur Ɓakuli andǝ kanigir ma'sǝm raka.

Titus 2:8

Acau mǝnana à kǝ pur a kuno aɓa kanigir ka, ɓǝa duk mǝsǝcau, ɓwarkio pa a rǝì ɗang, ace mǝnana kǝ ɓwa ɓǝ̀ kǝa kum mǝɓane arǝ kanigir mo ɗang. Anggo sǝ aɓwana mǝnana à kǝ ɓinǝmuro ka, à nǝ̀ kum kǝsǝkya, acemǝnana à pà nǝ̀ kum kǝ cau mǝɓane mǝnana à nǝ̀ bangŋa amur sǝm ngga ɗang.

1 Timoti 4:3

À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

1 Timoti 5:11

Aman-lú mǝnana alo-ɓwa na ka, ɓǝa kǝa oasǝ lullǝia ɗang, acemǝnana nzal dolabura nǝ̀ tsǝa à pà nǝ̀ gandǝ do anggo nǝmurǝia aban pakki Kǝrǝsti turo ɗang, à nǝ̀ nyare à nǝ̀ dukɓala ɗǝm.

1 Timoti 2:8

A koya ban peri ka, ǝn nggǝ earce aburana mǝnana à pana ɓamuria aban Ɓakuli ka, ɓǝa pak hiwi nǝ loasǝ abuia mǝfele a kuli nǝ ɓabum mǝɓoarnsari, bumlulla andǝ makgir pà kàm ɗang.

2 Amǝ Korinti 11:12

Mǝ nǝ lidǝmbǝa nǝ pak agir mǝnana ǝn pakkiyi ado ka, ace mǝnana mǝ tamsǝ aɓwana mǝnana à ndaban alta njar à nǝ̀ bangŋa ama turo mishan malea arǝ agir mana à kǝ nggori nǝia ka mǝ'mwashati na andǝ ma'sǝm ngga.

Amǝ Roma 14:13

Ace mani ka, ɓǝ̀ sǝm nying ɓashì rǝarǝ sǝm. Ɓoaro male ka, ɓǝ̀ sǝm twali a ɓabum sǝm ama pà sǝm nǝ̀ pak ɓe kǝgir mǝnana nǝ̀ tsǝki amǝ'eamrǝarǝu gir annda, ko nǝ̀ tamsǝia aɓa kwaɗi malea ka ɗang.