1 Timoti 4:7 - Maləmce Məfele mala Ɓakuli: Kurcau Məbəshe

⁷ Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

1 Timoti 4:7 ပူးပေါင်းရင်းမြစ်များ

Amǝ Mishan 24:16

Ace mani ka, ǝn nggǝ ɓariki a koya pwari ka ama ɓǝn ngga dum nǝ ɓamur halǝkya a ɓadǝm Ɓakuli andǝ aɓwana ɗang.

1 Timoti 1:4

Kǝa earia wia ɓǝa kǝ kiɗiki do ace naki anjarnzǝne andǝ makgir amur acau mala atau mala aɓwana a pwaryan ngga ɗang. Acemǝnana amǝnia yì agir ka, à pà nǝ̀ lumsǝ pe mala Ɓakuli ɗang, ko a na raka, à pà nǝ̀ bwali aɓwana kam aɓa do paɓamuru malea aban Ɓakuli ɗang.

1 Timoti 1:9

Sǝ ɗǝm ngga sǝm sǝlǝna ama nggurcau ka, à ci ace aɓwana mǝnana à kǝ pak mǝɓoarne ka ɗang. Nda ace amǝ yàl nzongcau, andǝ amǝ'mgbikiru, andǝ amǝ ɗwanyi ɓanggi Ɓakuli, andǝ amǝ'cauɓikea. Nda gbal ace amǝ ɗwanyi dukdo mǝfele, andǝ amǝ nyesǝ ce kpata Ɓakuli ɓà, andǝ amǝ wal-lú ka tárria andǝ nggea.

1 Timoti 2:10

Gilǝkirǝu malea ɓǝ̀ duk pakki agir-ɓoarna mǝnana dupi amamǝna mana à bang ama à kǝ ɓanggi Ɓakuli ka.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

1 Timoti 4:8

Songnǝ nggūrǝu ka ndanǝ ɓoaro, sǝa ma ɓak ɓamuru aɓa do kpata Ɓakuli ka ndanǝ gir mǝɓoarne ate a koya njari ka, acemǝnana nda bwal kum do yilǝmu mǝɓoarne mana adyan andǝ mǝno kǝ yiu ka.

1 Timoti 6:11

Sǝ we Timoti ka, a nda ɓwa mala Ɓakuli. Ace mani ka, ɓanggi agir mǝɓike mǝnia kat ka, sǝ wu kpata pakgir a njari andǝ pe mǝɓoarne, andǝ docauɓoarna, andǝ do ɓwa mala Ɓakuli, andǝ paɓamuru, andǝ earcearǝu, andǝ bwalrǝu, andǝ do ɓukɓuka.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

1 Timoti 6:3

Ɓǝ̀ kǝ ɓwa kǝ yinǝi ɓe kanigir mana nda ɗàng andǝ mǝnia, sǝ earnǝ kanigir mǝ'mǝsǝcau nì mala Mǝtalabangŋo Yesu Kǝrǝsti, andǝ kanigir mala do mǝkpata Ɓakuli raka,

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

2 Timoti 2:16

Tārǝto arǝ naki acauɓana andǝ amǝnana à pà nǝ̀ yinǝi Ɓakuli gulo raka, acau ɓanggea mǝnana à kǝ tasǝta aɓwana nǝ tasǝa aɓa ɗwanyi surǝ Ɓakuli ka.

2 Timoti 2:23

Kǝa kánǝ ɓamuri aɓalǝ agǝmi makgir andǝ mana sǝlǝe pà aɓalǝia raka ɗang, acemǝnana we ka a sǝlǝna ama, kǝ yinǝ munǝo.

2 Timoti 3:12

E, sǝ koya ɓwa na ear ama nǝ̀ duk do ɓealɓoarna aɓa Kǝrǝsti Yesu ka, à nǝ̀ pe wi tanni.

2 Timoti 3:5

À nǝ̀ lǝmndǝi a nza kǝla yia ka aɓwana mala Ɓakuli na, sǝ à ɓinǝ pà ɓamuria arǝ rǝcandǝa mala Ɓakuli mǝnana nǝ̀ cia à nǝ̀ duk do mala amǝkwaɗi ka. A ulang amǝnia yì aɓwana ka, wu ɓanggi bania.

2 Timoti 4:4

À nǝ̀ ɓinǝ mǝsǝcau, à pànǝ earce oe ɗang, à nǝ̀ o ata njarnzǝne.

Titus 1:14

Anggo ka, à pà nǝ̀ tsǝk kiria ɗǝm arǝ anjarnzǝne mala amǝ Yahudi andǝ anzongcau mala aɓwana mǝnana à ɓinǝ mǝsǝcau ka ɗang.

Titus 2:12

Mǝno yì ɓwamuru ka, kǝ kania sǝm ɓǝ̀ sǝm nying do ɗwanyi kpata Ɓakuli andǝ gyata agir mala ɓanza, ɓǝ̀ sǝm dum nǝ bwalrǝu, andǝ do-ɓealɓoarna, andǝ do pwasǝbum Ɓakuli, aɓa mǝnia yì ɓanza ka.

Titus 3:9

Kǝa kutio aɓa makgir mǝɓane amur bǝlkikusǝ atau mala akáu mǝnana a pwaryan ngga, andǝ nunggirǝu, andǝ munǝki amunǝo amur Nggurcau mala amǝ Yahudi ɗang. Amǝno yì amakgir ka à nda ɓà, kǝgir mǝɓoarne pà aɓalǝia ɗang.

Amǝ Ibǝru 5:14

Girlina mǝcande ka, nda ace aɓwana mǝnana à gulna ka, amǝnana aɓa pě ka à kǝ gandǝ gakita mǝɓoarne andǝ mǝɓike ka.