1 Timoti 4:3 - Maləmce Məfele mala Ɓakuli: Kurcau Məbəshe

³ À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

1 Timoti 4:3 ပူးပေါင်းရင်းမြစ်များ

Matiu 14:19

Pǝlǝa tsǝk aɓwana ɓǝa do amur munabondo. Sǝ twal abǝredi mǝnia tongno andǝ anji ɓari ka, loasǝ mǝsǝì a kuli pakki Ɓakuli yàwá, sǝ ɓwanggia, pǝlǝa pe alaggana male, sǝ yia gbal ka à gakia aɓwana.

Matiu 15:11

Gir mana kǝ kutio a kun ɓwa ka nda kǝ pǝndǝkì ka ɗang, cau mana purkiyi a kuni ka, nda mana kǝ tsǝi sǝ kǝ pǝndǝki ka.”

Matiu 15:36

Sǝ twal abǝredi tongno nong-ɓari andǝ anji, lang pangŋǝni Ɓakuli yàwá ka, pǝlǝa ɓwanggia sǝ pe alaggana male. Sǝ yia gbal ka, à gaki aɓwana.

Luka 24:30

À yì dumǝna amur girlina ka, yi twal bǝredi, pakki Ɓakuli yàwá, sǝ ɓwani pea wia.

Yohana 6:23

Aɓea waru mǝnana à pùr a Tiberiya ka à yiu à kya kpashi tu nǝ́ ban mǝnana Mǝtalabangŋo pak yàwá amur girlina sǝ pè ɓwapǝndǝa à li kam ngga.

Amǝ Mishan 27:35

Anzǝm mǝnana Bulǝs bangŋǝna cau anggo ka, pǝlǝa twal bǝredi, sǝ pak yàwá aban Ɓakuli a ɓadǝmbǝia kat, ɓwan bǝredi, sǝ tita she.

Amǝ Roma 14:17

Acemǝnana Domurǝm mala Ɓakuli ka, cau mala li girlina na andǝ nuki agir ɗang. Nda ace do nǝ cauɓoarna, andǝ dorǝpwala, andǝ banɓoarnado aɓa Bangŋo Mǝfele.

Amǝ Roma 14:3

Ɓwa mǝnana kǝ li koya gir ka, ɓǝ̀ kǝa ɓǝsǝki ɓwa mǝnana kǝ li raka ɗang. Sǝ ɓwa mǝnana gbal kǝ li koya gir raka, ɓǝ̀ kǝa ɓǝsǝki ɓwa mǝnana kǝ li ka ɗang; acemǝnana Ɓakuli ka, angŋǝnia yia kǝm.

Amǝ Roma 14:6

Aɓwana mǝnana à gusǝlǝ ɓe pwari ace peri aban Mǝtalabangŋo ka, à pa anggo ace pe Mǝtalabangŋo gulo. Aɓwana mǝnana à nǝ̀ gandǝ li ko ya ulang girlina nani ka, à pè ace gusǝlǝ Mǝtalabangŋo, acemǝnana à kǝ pakki Ɓakuli yàwá ace girline. Sǝ aɓwana mǝnana à ɓinǝ li ka aɓea girlina ka, à pa anggo gbal, ace pe Mǝtalabangŋo gulo, andǝ pak yàwá aban Ɓakuli.

1 Amǝ Korinti 6:13

“Girlina ka nda ace bum, sǝ bum ngga nda ace girlina.” Sǝ yia kǝm ngga Ɓakuli nǝ̀ kiɗikia. Nggūrǝu ka pà ace do kìɗìkì mala nonggi nǝ rǝarǝu ɗang, nda ace pakki Mǝtalabangŋo turo; sǝ Mǝtalabangŋo ka kǝ ɗenyi nǝ nggūrǝu.

1 Amǝ Korinti 7:28

Kat andǝ amani ka, ɓǝ̀ a al mɓwama a dukɓala ka, a pak cauɓikea ɗang. Sǝ ɓǝ̀ nsari al bura ka, pak cauɓikea ɗang. Mim ngga mǝ ndaban bangga wu anggo, ace mǝnana ɓǝ̀ wu usǝlǝi kutio aɓalǝ atanni mala acau mala doɓala.

1 Amǝ Korinti 8:8

Sǝ girlina ka ndá nǝ̀ yinǝ sǝm tu aban Ɓakuli ka ɗang. Kǝgir pà nǝ̀ amsǝa arǝ sǝm ɗang, yi mǝnana ɓǝ̀ sǝm lì raka, sǝ pà sǝm nǝ̀ kum ɓe kǝgir gbal ɗang, yi mǝnana ɓǝ̀ sǝm lì ka.

Amǝ Kolosi 2:16

Ace mani ka, wu kǝa eari kǝɓwa ɓǝ̀ tsǝka wun nzongcau amur agir mǝnana wu nǝ̀ li ko wu nǝ̀ nu ka, ko amur cau mala pakki alamsan mala aɓea kunacau, ko mala came mala bǝsa zongŋo, ko mala Pwari Sabbat ɗang.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

1 Timoti 2:4

mǝnana eare male na koyan ngga, ɓǝ̀ kum auwa sǝ ɓǝ̀ surǝ mǝsǝcau ka.

1 Timoti 4:4

Sǝ acemǝnana koya gir Ɓakuli pusǝì ka mǝɓoarne na ka, ɓǝ̀ sǝm ngga na ama sǝm nǝ̀ ɓinǝ kǝ ɓe ɗang. Ɓǝ̀ sǝm e nǝ ɓabum yàwá,

1 Timoti 5:14

Ən nggǝ kwarkir amamǝna mǝnana aburria pangŋǝna lú, sǝ a malaká gul raka, ɓǝa albura ɗǝm, ɓǝa ɓǝl amuna, ɓǝa tsǝk kir aɓala malea. Anggo sǝ ɓiumǝbura pa nǝ̀ kum njar na mǝɓane amur sǝm ɗang.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

Amǝ Ibǝru 13:9

Ɓǝa kǝa ɓosǝki wun nǝ ambalang abǝri kanigir ɗang. Ndanǝ ɓoaro ɓǝ̀ rǝcandǝa mala ɓabum wun yiu nǝ ban ɓwamuru mala Ɓakuli, ɓǝ̀ kǝa yiu nǝ ban kpata anzongcau mala liki agirlina ɗang; aɓwana mǝnana à kǝ kpata amǝnia yì anzongcau ka, à kǝ kum kǝgir aɓalǝi ɗang.