1 Timoti 4:12 - Maləmce Məfele mala Ɓakuli: Kurcau Məbəshe

¹² Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

1 Timoti 4:12 ပူးပေါင်းရင်းမြစ်များ

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

1 Amǝ Korinti 11:1

Wu sǝn a rǝam, kǝla mǝnana ǝn nggǝ sǝn arǝ Kǝrǝsti ka.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

1 Amǝ Tasalonika 2:10

Sǝ wun ngga, wu nda ka amǝ nakun sǝm, kǝla mǝnana Ɓakuli kǝ nakun sǝm ama, do ma'sǝm aɓalǝ wun, wun aɓwana mǝnana wu pana ɓamur wun ngga, nda aɓa pa rǝǔ aban Ɓakuli, andǝ pak pépè, andǝ mala ɗwanyi cau a rǝǔ.

1 Timoti 1:14

Sǝ Mǝtala sǝm solǝam ɓwamuru male mǝkǝrkǝr nì a muram, a tarǝia andǝ paɓamuru andǝ earcearǝu mǝnana à nda aɓa Kǝrǝsti Yesu ka.

2 Timoti 2:15

Ɓariki nǝ pa rǝcandǝa arǝ turo kàngkàng, ace mǝnana wu lǝmndǝ rǝo a ɓadǝm Ɓakuli ɓǝ̀ earnǝ we. Duk mǝturo mǝɓoarne, mǝnana kǝsǝkya pa nǝ̀ pakki wi arǝ ture raka, mǝturo mǝnana kǝ mǝnggi ɓa cau mǝ'mǝsǝcau nì pépè ka.

2 Timoti 2:22

Ɓanggi koya suno mala lo-ɓwa, sǝ wu ɓangŋa ata ɓealɓoarna, andǝ paɓamuru, andǝ earcearǝu, andǝ do rǝpwala, ata re wun wunǝ aɓwana mǝnana à kǝ tunǝ lullǝ Mǝtalabangŋo nǝ ɓabum mǝɓoarnsari ɓǝ̀ ɓwalia wia kam ngga.

2 Timoti 2:7

Pak ɗenyicau amur agir mǝnana ǝn nggǝ banggo ka. Ɓakuli ka, nǝ̀ mǝnggio ɓalǝ amǝnia yì agir ka kat, ace mǝnana wu bwaltea.

Titus 2:15

Amǝnia ka, à ndaka gir mǝnana a nǝ kànì aɓwana ka. Ɓak ɓabumia ɓǝa kpatea. A ndanǝ rǝcandǝa mala kwarkir aɓwana, kǝa eare ɓǝ̀ kǝɓwa ɓǝsǝkio ɗang.

Titus 2:7

Aɓalǝ agir kat ka, we nǝ nggearǝo ka pak gir mǝɓoarne mǝnana yia ka à nǝ̀ sǝna a rǝo ka. Aɓa kanigir mo ka, lǝmndǝ mǝsǝcau andǝ pe nǝ ɓabumo kat.

Jemis 3:13

Ɓǝ̀ wu ndanǝ sǝlǝe sǝ wu surǝna rǝ anjargula mala Ɓakuli ka, wu lǝmndǝi aɓa do mǝɓoarne, wu kǝ pak aturo mǝɓoarne nǝ nyesǝɓamuru mǝnana kǝ pur aɓa sǝlǝe ka.

Jemis 3:17

Sǝ sǝlǝe mǝnana pur nǝ kuli ka mǝɓoarnsari na, sǝ ndanǝ earce dotarǝu, nda ɓukɓuk aɓa pa male, kǝ ɗenyi nǝ aɓwana, lumsǝ nǝ mǝsǝswatǝr andǝ aturo mǝɓoarne, kǝ lǝmndǝ tàrban ɗang sǝ kǝ pak gir aɓa mǝsǝcau.

1 Bitǝrus 5:3

Aɓwana mǝnana à tsǝk wun amuria ama wu ɗenyi nǝia ka, wu kǝa lǝmndǝia wia rǝcandǝa ɗang, wu duk girkani abania.