1 Timoti 4:10 - Maləmce Məfele mala Ɓakuli: Kurcau Məbəshe

¹⁰ Nda gir mǝnana tsǝa sǝ sǝm nggǝ pak turo kǝrkǝr, sǝm nggǝ lidǝmbǝa nǝ ɓariki, acemǝnana tsǝkɓalǝu ma'sǝm ngga, nda amur Ɓakuli mǝyilǝmuì, yì Mǝ'amsǝban mala aɓwana kat, nggeamurǝmi ka aɓwana mǝnana à paɓamuria abani ka.

1 Timoti 4:10 ပူးပေါင်းရင်းမြစ်များ

Matiu 16:16

Shiman Bitǝrus pa eare ama, “A nda Kǝrǝsti, Muna mala Ɓakuli mǝyilǝmuì.”

Matiu 27:43

Yì ka, guli arǝ Ɓakuli, sǝ na ama yì ka, Muna mala Ɓakuli na. Ɓǝ̀ Ɓakuli earce nǝ̀ amsǝi ka, ɓǝ̀ amsǝi ado sǝm nǝ̀ sǝni.”

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 4:42

Pǝlǝa yia ka à ne mǝno yì mɓwama ka ama, “Ado ka pa ace cau mo sǝ sǝm pà ɓamur sǝm abani ka ɗang, nggearǝ sǝm ngga sǝm ongŋǝni nǝ kir sǝm. Sǝm sǝlǝna ama, aɓa mǝsǝcau ka, yì nda Mǝ'amsǝ ɓanza.”

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

2 Amǝ Korinti 1:10

Amsǝna sǝm aɓalǝ amǝnia yì anggurlú ka, sǝ nǝ̀ amsǝ sǝm ɗǝm. Tsǝkɓalǝu ma'sǝm ngga, nda àkǝ̀ rǝì, sǝ yì ka, nǝ̀ lidǝmbǝa nǝ amsǝ sǝm.

1 Timoti 2:3

Mǝnia ka ndanǝ ɓoaro, sǝ kǝ pwasǝbum Ɓakuli Mǝ'amsǝ sǝm,

1 Timoti 2:4

mǝnana eare male na koyan ngga, ɓǝ̀ kum auwa sǝ ɓǝ̀ surǝ mǝsǝcau ka.

1 Timoti 2:6

mǝnana pa yilǝmi, ace akmúr ɓwapǝndǝa kat ka. Mǝnia yì cau ka à yì pe ɓanza a kārǝa mala pwari ama Ɓakuli ka earǝna ce ama aɓwana kat ɓǝa kum amsǝban.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

1 Timoti 6:17

Kwarkir amǝkume mǝnana a ɓanza man ngga, ɓǝa kǝa twalɓamuria ɗang, sǝ ɓǝa kǝa tsǝkɓalǝia arǝ agǝna malea mǝnana à kǝ kuti nǝ kutio ka ɗang. Tsǝkɓalǝu malea ka, ɓǝ̀ do amur Ɓakuli, yì ɓwa mǝnana kǝ pa sǝm nyangsang agir mǝnana kat sǝm nggǝ earce ace banɓoarnado ma'sǝm ngga.

Amǝ Ibǝru 11:26

Abani ka, ɓangginǝban ace Kǝrǝsti ka, kuti kume mǝnana a Masar ka, acemǝnana tsǝk mǝsǝì arǝ tangnakusǝi mǝnana kǝ yiu ka.

Amǝ Ibǝru 13:13

Ace mani ka, ɓǝ̀ sǝm puro abani anzǝm agumli, ace mǝnana ɓǝ̀ sǝm kya twal mǝno yì gir kǝsǝkya mǝnana yiu amuri ka.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Yohana 2:2

Yì nda gir'nkila mǝnana yinǝ twalban mala acauɓikea ma'sǝm ngga, sǝ acauɓikea ma'sǝm nǝmurǝia ɗang, nda andǝ mala ɓanza kat.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.