1 Timoti 3:3 - Maləmce Məfele mala Ɓakuli: Kurcau Məbəshe

³ Yì ka, pà nǝ̀ duk mǝ'nuki agir andǝ wal-wale ɗang, pà nǝ̀ duk mǝ lullo ɗang, nǝ̀ pak ɓukɓuk, pà nǝ̀ earce loasǝkiaban ɗang, sǝ pà nǝ̀ duk mǝ rufi ata boalo ɗang.

1 Timoti 3:3 ပူးပေါင်းရင်းမြစ်များ

Matiu 21:13

Nea wia ama, “Malǝmce mala Ɓakuli bangŋa ama, “ ‘Ɓala mem ngga à nǝ̀ tunǝi ama ndà ace pak hiwi,’ sǝ wu nyesǝi duk mpu mala amǝ'ɓǝmbǝriban!”

Amǝ Mishan 20:33

Ən sham ma kǝ boalo mala ɓwa ko agir-nggurǝu male ɗang.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

Amǝ Afisu 5:18

Wu kǝa wal-walo mùr-anap ɗang, acemǝnana nǝ̀ ká nǝ wun a do kiɗìkì. Wu lumsǝ nǝ Bangŋo mala Ɓakuli akuni.

1 Amǝ Tasalonika 5:14

Wun amǝ'eambǝam, sǝm nggǝ kwarkir wun, wu nun kir aɓwana mǝnana à ndanǝ nkundǝr ka. Wu ɓak ɓabum amǝ'ɓangciu, wu bwalia aɓwana mǝnana à pànǝ rǝcandǝa raka. Wu dum nǝ munyi arǝ aɓwana kat.

1 Timoti 3:8

Amǝ'bwal kun turo ndahiwi gbal ka, dumǝna pup ɓǝa kumia nǝ ɓealǝu mǝɓoarne, ɓǝa kǝa duk amǝ'kunɓarina ɗang. À pà nǝ̀ duk amǝ ɓiki nu mùr ɓǝlanggun anap, ko amǝ alta kume nǝ ɓǝmbǝriki aɓwana ɗang.

2 Timoti 3:2

Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Titus 1:7

Sǝ acemǝnana ɓwamǝgule amur ikǝlisiya ka, Ɓakuli panì wi turo ɗenyi nǝ aɓwana male yì Ɓakuli ka, dumǝna púp ama nǝ̀ dukdo ɗwanyi cau a rǝǔ. Pà nǝ̀ gulǝsǝmuru andǝ kaurǝ pak bumlulla ɗang. Pà nǝ̀ duk mǝ'nu'mba andǝ mǝ'munǝki amunǝo ɗang, sǝ pà nǝ̀ duk mǝ rufi ata kume ɗang.

Titus 2:3

Anggo gbal, kanî amamǝna mǝnana à gulna ka ɓǝa duk nǝ aɓealǝu mǝnana nǝ̀ pè Ɓakuli gulo ama à ndaka male ka. Ɓǝa kǝa duk amǝ naki acau mala kìdìki lullǝ aɓwana ɗang, sǝ ɓǝa kǝa duk aguro mala mba ɗang. Ɓǝa kǝ kani aɓwana gir mǝnana nda pepe ka.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Amǝ Ibǝru 13:5

Wu kǝa dum nǝ ɓealǝu mala rufi ata boalo ɗang. Agir mǝnana wu ndanǝia ka, ɓǝa ɗǝmsǝ wun. Acemǝnana Ɓakuli bangŋǝna ama, “Pà mǝ nǝ ɗekio ɗang; pà mǝ nǝ nying buam a rǝo ɗang.”

Jemis 4:1

Mana gir nì na yiki nǝ munǝo sǝ mana gir nì na yiki nǝ loasǝkiaban aɓalǝ wun ɗe? Asuno ma'wun mala earce banɓoarnado mǝnana à kǝ munǝ a ɓabum wun ngga, à nǝ̀ yiki nǝia re?

1 Bitǝrus 5:2

Wu yal domwan mala Ɓakuli mǝnana tsǝk wun a yale ka. Wu tsǝk mǝsǝ wun a rǝì nǝ eare ma'wun, kǝla mǝnana Ɓakuli earce ka, pa kǝla à tsǝk wun púp ɗang. Wu pak ture sǝ wu kǝa tsǝk ɓalǝ wun arǝ gir mǝnana wu nǝ̀ kumo a ɓalǝi ka ɗang, wu pe acemǝnana wu ndanǝ rǝɓǝla mala pakki Ɓakuli turo ka.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

Yahuda 1:11

Gir'murmwana na amuria! À twalǝna kusǝ Kayinu. Rufi malea ata boalo tsǝngŋǝnia à kpana aɓa ɓwarkio mala Balaam. À mgbikiru kǝla Kora, sǝ à kpana kìɗìkea kǝla yì.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.