1 Timoti 3:2 - Maləmce Məfele mala Ɓakuli: Kurcau Məbəshe

² Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 3:2 ပူးပေါင်းရင်းမြစ်များ

Luka 1:6

Yia kǝm ngga amǝ'ɓealɓoarna na a ɓadǝm Ɓakuli. À kǝ kpata anzongcau andǝ angguracau mala Mǝtalabangŋo, à eare ama à nǝ̀ ɓwarkio àkǝ̀ ɓè ɗang.

Luka 2:36

Ɓe ɓwagula mǝɓangna mala Ɓakuli nakam gbal lullǝi ama, Anna, muna mala Fanuwel, a tau mala Asha. Anzǝm isǝban ngga, à do andǝ burri pǝlǝa tongno-nong-ɓari sǝ burri wu.

Amǝ Roma 12:13

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

Amǝ Filipi 2:15

Anggo ka, wu nǝ̀ duk amuna mala Ɓakuli amǝ ɗwanyi cau a rǝǔ, amǝɓabum ɓoarnsari, andǝa mǝnana à pà nǝ̀ kum kǝ mǝɓane a rǝia raka. Wu nǝ̀ dukdo anggo aɓalǝ aɓwana mala nza mǝ ɗwanyi mǝsǝcau andǝ mǝ kpata njar kiɗiki, mǝnana wu nǝ̀ nggǝ tǎ aɓalǝi kǝla anlero aɓa ɓanza ka.

1 Timoti 3:12

Mǝ'bwal kun turo ndahiwi ka, dumǝna pup nǝ̀ duk bura mɓwama mwashat, nǝ̀ bwal amuna andǝ ɓala male pepe.

1 Timoti 3:8

Amǝ'bwal kun turo ndahiwi gbal ka, dumǝna pup ɓǝa kumia nǝ ɓealǝu mǝɓoarne, ɓǝa kǝa duk amǝ'kunɓarina ɗang. À pà nǝ̀ duk amǝ ɓiki nu mùr ɓǝlanggun anap, ko amǝ alta kume nǝ ɓǝmbǝriki aɓwana ɗang.

1 Timoti 4:3

À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

1 Timoti 5:22

Ce a kaurǝa ata pe ɓwa gulo aɓa ikǝlisiya ɗang. Sǝ kǝa wu oasǝ ɓamuro aɓalǝ acauɓikea mala aɓea aɓwana ɗang. Yal ɓamuro aɓa doɓoarnsari.

1 Timoti 5:9

Man-lú mǝnana à nǝ̀ ɓalli aɓalǝ aman-lú mana à nǝ̀ tsǝk kiria ka, nda mana lumsǝna apǝlǝa lumi-tongno-nong mwashat ka. Sǝ ɗǝm ngga aɓa dolabura male ka ɓwabura mwashat na dum nǝi ka.

2 Timoti 2:24

Sǝ guro mala Ɓakuli ka, ɓoaro ɓǝ̀ kǝ loasǝban andǝ kǝɓwa ɗang. Ɓoaro ɓǝ̀ duk ɓukɓuk nǝ aɓwana kat. Ɓǝ̀ duk mǝsǝlǝ kanigir andǝ ɓwa nǝ munyi.

Titus 2:2

Kania aburana mǝnana à gulna ka do-bwalɓamuru, ɓǝa dum nǝ ɓealǝu mǝnana nǝ̀ tsǝa aɓwana kat nǝ̀ pea wia gulo ka. Kania wia ɓǝa duk aɓwana mǝnana à ndanǝ ɓabum ɓaɗenyicau ka, ɓǝa bwal kàngkàng arǝ paɓamuru mǝnana pà nǝ̀ kpa raka, andǝ earcearǝu, andǝ do munyi aɓa mǝkwane.

Amǝ Ibǝru 13:2

Wu kǝa aulǝ nǝ ak abǝri ɗang. Acemǝnana anggo sǝ aɓea aɓwana mǝnana à kǝ ak abǝri ka, à kumo à ak amǝturonjar a ɓala malea, sǝ à sǝlǝ ɗang.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 4:9

Wu ak rǝarǝ wun arǝ aɓala ma'wun, nggwani ɓǝ̀ kǝa pàk kàm ɗang.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.