1 Timoti 3:16 - Maləmce Məfele mala Ɓakuli: Kurcau Məbəshe

¹⁶ Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

1 Timoti 3:16 ပူးပေါင်းရင်းမြစ်များ

Matiu 1:23

“Nsari nǝ̀ kum muna-bum, nǝ̀ ɓǝl muna-ɓwabura, à nǝ̀ tunǝi ama Immanuyel,” ɓālǝi ama, “Ɓakuli na ata sǝm.”

Matiu 13:11

Yesu earia wia ama: Surǝ gir-ɓasǝmbǝra mala Domurǝm mala kuli ka à pana wuni, sǝ yia ka à pea wia ɗang.

Matiu 28:2

Lang ngga, kara nzali dǝurǝo kǝrkǝr. Mǝturonjar mala Mǝtalabangŋo pur a kuli yi sulǝo, ramta tali mana à girna kun ɓembe nǝi ka, pǝlǝa do amuri.

Matiu 3:16

Lang Yohana malǝna pakki Yesu batisǝma, sǝ Yesu eapi mur ani ka, kara kuli mǝnna sǝ sǝn Bangŋo mala Ɓakuli aban sulǝo kǝla kutu, yi do amuri.

Matiu 4:11

Nda sǝ Shetan ɗekina Yesu ka, sǝ amǝturonjar yiu à yì bwali wi kam.

Markus 1:13

Nda kano a ɓabondo, nongŋo lumi-ine, Shetan na aban karǝke. Yesu ka nda nǝmurǝì andǝ anyam ɓabondo mana abanì ka. Amǝturonjar mala Ɓakuli yiu à yì bwali wi kam.

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Markus 16:5

À nǝ̀ kutio a ɓembe ka, à sǝn ɓe lagga nǝ daura mǝpwasǝe dumǝna ata bu-mǝli. Ɓangciu pakkia wia.

Luka 2:32

Tǎlaban na ace mǝn mǝsǝ aɓwana mala acili anzali, sǝ aban aɓwana mo amǝ Isǝrayila ka gulo na.”

Luka 20:44

Dauda ka tunǝ Kǝrǝsti ama ‘Mǝtalem.’ Sǝ palang ado sǝ Kǝrǝsti duk muni ɗǝm?”

Luka 22:43

Kara mǝturonjar sulǝo abani, ɓak ɓabumi.

Luka 24:4

À ndaban ndali nǝ mǝnia yì gir ka, kara aɓwana ɓari nǝ agir-nggurǝu mǝnana à kǝ tànzama pǝlilip ka, à came abania.

Luka 24:51

Nda rǝ tsǝkia wia bu ka, kara nyia, pǝlǝa à twali aban ká a kuli.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 15:26

Nǝ nzǝmo ka mǝ nǝ tasǝa wun Mǝbwali aɓwana, yì Bangŋo mala mǝsǝcau mǝnana nǝ̀ pur nǝban Tar sǝm aban yiu aban wun ngga, nǝ̀ yia bang kuni kat a muram.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 17:5

Sǝ ado ka, Dâ, nyesǝam gulo a ɓadǝmbǝo, gulo mǝnana mǝ ndanǝi sǝnǝ we ɗiɗyal sǝ a yi pusǝ ɓanza ka.

Yohana 20:12

Kara sǝn amǝturonjar mala Ɓakuli ɓari nǝ agir pwasǝa a rǝia, aban do, aban mana à nongsǝ lú Yesu kam ɗiɗyal ka. Mwashat ka do nǝ ban ɓamuri, sǝ ɓe mǝnia mwashat ka nda a bu ban akusǝi.

Yohana 6:62

Mana nǝ̀ duk ɗenyicau ma'wun yi mǝnana ɓǝ̀ wu sǝn Muna mala Ɓwa aban o a kuli aban mǝnana pur kam ngga?

Amǝ Mishan 1:19

Aɓwana mǝnana à do a Urǝshalima kat ka, à ok ce, nda tsǝa sǝ à tunǝ banì nǝ kun malea ama, Akeldama ka, ɓālǝi nda “Nzali Nkila.”)

Amǝ Mishan 10:34

Pǝlǝa Bitǝrus tita na cau ama: Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.

Amǝ Mishan 14:27

Lang à bingŋǝna ka, pǝlǝa à rambǝa amǝkwaɗi abanɓwáná, sǝ à banggia wia agir mǝnana kat Ɓakuli pe nǝ ta buia, andǝ njar mala paɓamuru mǝnana Ɓakuli mǝnmbi aɓwana mana amǝ Yahudi na raka gbal.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Roma 10:12

Aɓa mǝnia ka kǝgir gakita ɓwa Yahudi andǝ ɓwa mǝnana ɓwa Yahudi na raka ɗang. Yia kat ka, à ndanǝ Mǝtalabangŋo mwashat mǝnana nda Mǝtalabangŋo amur aɓwana kat, sǝ atsǝkbu male mǝnana nyangsang ngga kǝ soapia aɓwana mǝnana kat à kǝ warinǝ ɓua malea abani ka.

Amǝ Roma 10:18

Sǝ ǝn ɗiban nǝma: nggearǝì ka, à ok ce re? E, à ongŋa. Malǝmce ka bang ama: “Cau ka angŋǝna ɓanza kat, acau malea kutikina arǝ aban, kya bwal masǝlǝata ɓanza.”

Amǝ Roma 16:25

Ɓǝ̀ sǝm pe Ɓakuli gulo! Acemǝnana nǝ̀ gandǝ tsǝk wun, wu nǝ̀ cam nǝ rǝcandǝa aɓa paɓamuru ma'wun, kǝla mǝnana ǝn nggǝ hamnǝi aɓa Cau Amsǝban ngga. Mǝnia yì cau amur Yesu Kǝrǝsti ka, yi lǝmndǝ kane male Ɓakuli, yì kane male mǝnana à sǝmbǝrǝ ce ɓara-ɓara.

Amǝ Roma 16:26

Sǝ adyan ngga, mǝnia yì kane ka, amalǝmce mala amǝ'ɓangna mala Ɓakuli mǝnana à gilǝia ka, à yì pusǝna ce a banfana. Ado ka, aɓa nê mala Ɓakuli mǝnana te malkiyi raka, mǝnia yì cau ka à yì bǝlǝna ɓālǝi aban acili akún mala ɓanza kat, à surǝni, ace mǝnana yia gbal ka ɓǝa paɓamuria, ɓǝa kpate.

Amǝ Roma 3:4

Ko bǝti! Sǝ ɓǝ̀ koyan ngga mǝ'nyir na ka, Ɓakuli ka mǝ'mǝsǝcau na. Kǝla mǝnana Malǝmce bang ngga: “À nǝ̀ kumo nǝ mǝsǝcau, aɓa cau mana a na ka, sǝ ɓǝa wulio ka, a nǝ li ɓashi.”

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Roma 9:5

A Ibǝrayim, andǝ Yakupu, andǝ Ishaku ka à ndaka keà mǝnana nǝ bania sǝ tau ɓǝlban aɓa nggūrǝu mala Kǝrǝsti pur ka. Ɓwangsǝban mǝnana málá male pà kàm raka ɓǝa pè Ɓakuli mǝnana nda amur aɓwana kat ka! Amin.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

1 Amǝ Korinti 2:7

Sǝlǝe mǝnana sǝm nggǝ hamnǝi ka, sǝlǝe mala Ɓakuli na, mǝnana sǝmbǝrǝi ɗiɗyal ka. Sǝ mǝnia yì sǝlǝe ka, Ɓakuli pe ace ɓoaro ma'sǝm, twal a share ta ɓanza.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

Amǝ Galati 2:8

Kǝ Ɓakuli mǝ'mwashati, mǝnana pak turo nǝ Bitǝrus, ci mǝ'mishan na aban ká aban amǝ Isǝrayila ka, nda mǝnana pak turo nǝ mim, ciem mǝ'mishan aban ká gbal aban aɓwana mala acili anzali ka.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

Amǝ Afisu 1:9

Adyan ngga, Ɓakuli lǝmndǝna sǝm kane male mǝnana lǝmndǝi aban kǝɓwa ɗiɗyal raka, mǝnana kani ace lumsǝ banɓoarnado male nǝ bu Kǝrǝsti ka.

Amǝ Afisu 6:19

Wu pak hiwi acem gbal. Wu zǝmbǝi Ɓakuli, ɓǝ̀ pam cau mǝnana mǝ nǝ na ka, ɓǝ̀ ǝn mǝn kunam mǝ nǝ bǝlki ɓa mǝsǝcau mǝnana Ɓakuli lǝmndǝa sǝmi aɓa Cau Amsǝban ngga.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

Amǝ Kolosi 1:6

mana à yinanǝi aban wun ngga. Mǝnia yì Cau Amsǝban ngga, nda ban mǝsǝe a ɓanza kat. Nda ban pusǝ ɓealǝu a koya ban, kǝ nggaɗi do mala aɓwana kǝla mǝnana nggaɗi do ma'wun, a pwari mǝnana wu tita o sǝ wu bwalta mǝsǝcau amur ɓwamuru mala Ɓakuli ka.

Amǝ Kolosi 2:2

Ən nggǝ pak mǝnia ace mǝnana ɓǝa kum ɓak ɓabum, sǝ ɓǝa duk mwashat aɓa earcearǝu. Ən nggǝ earce nǝma ɓǝa kum lumsǝo mala ɓabumcandǝa ama à bwalǝna ta kane mala Ɓakuli mana sǝmbǝrǝ ce ɗiɗyal ka, yì Kǝrǝsti nǝ ɓamuri.

2 Amǝ Tasalonika 1:10

a pwari mǝno nǝ̀ yiu nǝi ace ak gulo andǝ ɓwangsǝkiban a bu aɓwana male mǝnana tària andǝ amǝnana kat à pà ɓamuria abani ka. Wun gbal ka wu nǝ̀ pa aɓalǝia, acemǝnana wu earnǝ cau mǝnana sǝm bangga wun amuri ka.

2 Amǝ Tasalonika 2:7

Rǝcandǝa mala ɓealɓikea ka, angŋa dǝmbǝa nǝ̀ nggǝ pak turo aɓa sǝmbǝrǝa, sǝ anggo ka, nǝ̀ ueo aɓa sǝmbǝrǝa she ɓǝa gǝshina ɓwa mǝnana akiyì njar male ka.

1 Timoti 3:9

Dumǝna pup à nǝ̀ bwal gir mana à lǝmndǝi nda mǝsǝcau mǝlime mala do paɓamuru mala amǝkwaɗi nǝ ɗenyicau mǝɓoarnsari.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 7:7

Makgir pà kàm a rǝì ɗang ama ɓwa mǝnana nǝ gulo ka, nda nǝ̀ tsǝki ɓwa mǝkyauwe bu ka.

Amǝ Ibǝru 8:1

Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

1 Yohana 1:2

Mǝnia yì ɓwa mǝnana nda yilǝmu nǝ nggearǝì ka, yi pusǝrǝi, sǝ sǝm sǝnǝni. Sǝ ado ka sǝm na ce sǝ sǝm hamba wun ama yì ka, nda yilǝmu mǝnana málá male pà kàm raka. Yì ka, à nda a tarǝia andǝ Ɓakuli Tarrû, sǝ yi pusǝrǝi aban sǝm.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

1 Yohana 3:8

Ɓwa mǝnana lidǝmbǝa aɓa cauɓikea ka, ɓwa mala Shetan na, acemǝnana twal a tite ka, Shetan ngga mǝ'cauɓikea na. Tǝr yiu mala Muna mala Ɓakuli ka, nda ace kiɗiki aturo mala Shetan.

Sǝna 17:5

Lullǝu na kam à gilǝì a kundǝmbǝi mǝnana ɓālǝi ka girsǝmbǝrǝa na. Lullǝui ama: BABILA, NGGEALA MƏGULE, NGGEAU MALA KOYA KÌƊÌKÌ MALA NONGGINƏ-RƏARƏU ANDƏ KOYA GIR ƁEAMI A ƁANZA.

Sǝna 17:7

Pǝlǝa mǝturonjar nam ama, “Palang sǝ a pak ndali? Mǝ nǝ banggo gir ɓa-sǝmbǝrǝa amur mǝnia yì mɓwama, andǝ mala yì nyamɓikea mǝno nǝ aɓamuru tongno-nong-ɓari andǝ anjawe lum, mǝnana mɓwame dukiyi a nzǝmi ka.

Sǝna 7:9

Anzǝm mǝnia ka ǝn sǝn nggea rambǝa mala ɓwabunda kǝrkǝr, mǝnana kǝɓwa pà nǝ̀ gandǝ ɓalǝia raka. À pur arǝa koya nzali, andǝ akûn, andǝ aɓwana mala atau ɗàngɗáng, andǝ alasǝu, sǝ à came a ɓadǝm bunomurǝm andǝ ɓadǝm Mǝgam. À oasǝ anggea-daura pwasǝa a rǝia sǝ à bwal ambu nkangga a buia.