1 Timoti 3:11 - Maləmce Məfele mala Ɓakuli: Kurcau Məbəshe

¹¹ Anggo gbal, sǝ duk pup ama, amamǝna mǝnana amǝ'bwalturo ɓa ndahiwi na ka, ɓǝa kumia nǝ ɓealɓoarna, ɓǝa kǝa duk amǝ twalki alullǝu ɗang, ɓǝa dum nǝ bwalrǝu andǝ mǝsǝcau aɓa koya gir.

1 Timoti 3:11 ပူးပေါင်းရင်းမြစ်များ

Matiu 4:1

Pǝlǝa Bangŋo Mǝfele loasǝ Yesu um nǝi a ɓabondo ace mǝnana Shetan ɓǝ̀ kya karǝki ka.

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Amǝ Roma 1:29

Yia ka, do malea lumsǝ nǝ koya ulang turo ɓealɓikea, andǝ mɓali, andǝ ɓinǝmuru andǝ mwararǝu, andǝ walki-alú, andǝ munǝki-amunǝo, andǝ swarkiban, andǝ ce'shiria, andǝ twal lullǝú.

1 Timoti 1:12

Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 6:2

Amuna-ɓala mǝnana amǝtala-ɓala malea ka amǝkwaɗi na ka, ɓǝa kǝa ci ate ama amǝ'eambǝu na à nǝ̀ ɗwanyi pea wia gulo ɗang. Akuni ka, ɓǝa pakkia wia turo anjar mǝnana ɓoaribanì ka, acemǝnana amǝtala-ɓala malea mana à kǝ li mǝɓoarne aɓalǝ aturo malea ka aɓia amǝkwaɗi na, sǝ aɓwana na mǝnana Ɓakuli kǝ earcea ka. We Timoti ka, wu kǝ kani aɓwana mǝnia yì mǝsǝtacau ka, sǝ wu kǝ kwarkiria ɓǝa kǝ kpatea.

2 Timoti 3:3

Ɓwapǝndǝa nǝ̀ dum nǝ ɗwanyi earcearǝu, à nǝ̀ duk amǝ ɗwanyi twalbani, amǝ twalki alullǝ aɓwana, amǝ ɗwanyi bwalrǝu, amǝ bum tǝra, à pà nǝ̀ earce gir mǝɓoarne ɗang.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

Titus 2:3

Anggo gbal, kanî amamǝna mǝnana à gulna ka ɓǝa duk nǝ aɓealǝu mǝnana nǝ̀ pè Ɓakuli gulo ama à ndaka male ka. Ɓǝa kǝa duk amǝ naki acau mala kìdìki lullǝ aɓwana ɗang, sǝ ɓǝa kǝa duk aguro mala mba ɗang. Ɓǝa kǝ kani aɓwana gir mǝnana nda pepe ka.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.