1 Timoti 2:5 - Maləmce Məfele mala Ɓakuli: Kurcau Məbəshe

⁵ Ɓakuli ka, nda mwashat ɓǝrɓǝr, sǝ Ɓwa mǝnana a nre ɓwapǝndǝa andǝ Ɓakuli ka, nda mwashat, yì Ɓwa kǝla Kǝrǝsti Yesu,

1 Timoti 2:5 ပူးပေါင်းရင်းမြစ်များ

Matiu 1:1

Aɓa malǝmce ka tau mǝnana Yesu Kǝrǝsti, Mǝkà Dauda, Mǝkà Ibǝrayim, pur kam ngga ndya ka:

Matiu 1:23

“Nsari nǝ̀ kum muna-bum, nǝ̀ ɓǝl muna-ɓwabura, à nǝ̀ tunǝi ama Immanuyel,” ɓālǝi ama, “Ɓakuli na ata sǝm.”

Luka 14:22

Pǝlǝa guro nyare yi ne wi ama, “Ɓwamǝgule, gir mǝnana a na ce ka à pangŋǝni, sǝ cili ban nakam.”

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Amǝ Mishan 4:12

Amsǝban ngga à kǝ kumi aban Yesu nǝmurǝì, Ɓakuli pa ma ɓe kǝ lullǝu aɓa ɓanza, mǝnana nǝ yì sǝ aɓwana nǝ̀ kum amsǝban ngga ɗang.

Amǝ Roma 1:3

Cau Amsǝban ngga, ndá amur Muni, mǝnana do ɓanza male ka à ɓǝli a tau mala Dauda.

Amǝ Roma 10:12

Aɓa mǝnia ka kǝgir gakita ɓwa Yahudi andǝ ɓwa mǝnana ɓwa Yahudi na raka ɗang. Yia kat ka, à ndanǝ Mǝtalabangŋo mwashat mǝnana nda Mǝtalabangŋo amur aɓwana kat, sǝ atsǝkbu male mǝnana nyangsang ngga kǝ soapia aɓwana mǝnana kat à kǝ warinǝ ɓua malea abani ka.

1 Amǝ Korinti 8:4

Ace mani ka, amur cau mala li girlina mǝnana à ɗarǝna ankúl nǝi ka, sǝm sǝlǝna ama kǝ nkúl pà kàm a ɓanza mǝnia mǝnana à nǝ̀ na kàngkàng ama ndanǝ yilǝmu ka ɗang. Sǝ Ɓakuli ka, kǝ nda mwashat, kǝ ɓe pà kàm ɗang.

1 Amǝ Korinti 8:6

Ma'sǝm ngga, kǝ Ɓakuli na mwashat sǝm nggǝ peri abani, yì Tarrû mǝnana abani sǝ agir puro, sǝ àkǝ̀ ce sǝ sǝm pak ka. Mǝtalabangŋo ka nda mwashat, yì Yesu Kǝrǝsti, mǝnana nǝ bui sǝ agir kat puro, sǝ nǝ yì sǝ sǝm pa.

Amǝ Galati 3:20

Ɓǝ̀ aɓwana ɓari kurcau ka, à kǝ alta ɓwa mǝnana nǝ̀ cam a nrea ka. Sǝ Ɓakuli mana nda mwashat ka, alta kǝɓwa ate aɓa pàcau male aban Ibǝrayim ɗang.

Amǝ Afisu 4:6

Ɓakuli na mwashat sǝ nda Tár ɓwapǝndǝa kat, nda amur girbunda kat, nda aɓa girbunda kat, sǝ ndanǝ do aɓalǝ sǝm kat.

1 Timoti 6:13

Ado ka mǝ nda ban tsǝko nzongcau a ɓadǝm Ɓakuli mǝnana pākiyi ko man ngga yilǝmu, sǝ a ɓadǝm Kǝrǝsti Yesu, mǝnana nakuni pepe a ɓadǝm Buntu Bilatus ka.

Amǝ Ibǝru 12:24

Wu yina aban Yesu, yì ɓwa mǝnana nda mǝkutio a nre-rǝarǝu mala bǝsa kurcau a nre Ɓakuli andǝ aɓwana male ka. Wu yina aban yì nkila à watsǝki, mǝnana kǝ bangcau mǝɓoarne kuti mala nkila mala Habila ka.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Amǝ Ibǝru 8:6

Sǝ turo-pǝris mǝnana à pè Yesu ka, karmur turo-pǝris mǝ'e nǝ ɓoaro. Kǝla mǝno gbal ka, bǝsa kurcau mǝnana Yesu yinǝi nǝban Ɓakuli aban aɓwana male ka, kuti mǝ'e. Nda acemǝnana yì bǝsa kurcau ka, à kwakite amur apacau ace agir mǝnana à ɓoari mala kurcau mǝ'e ka.

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

1 Yohana 2:1

Wun amunem mǝ keke, ǝn nggǝ gilǝa wun mǝnia yì cau ka ace mǝnana wu kǝa pak cauɓikea ɗang. Sǝ ɓǝ̀ kǝɓwa pak cauɓikea ka, sǝm ndanǝ mǝ pwan-nzali ace sǝm aban Tár sǝm, Yesu Kǝrǝsti Mǝɓealɓoarna.

Sǝna 1:13

Aban came aɓalǝ agir tamsǝ pitǝla ka, ɓeɓwa nakam “kǝla Muna mala Ɓwa.” Ɓwe oasǝ daura mǝlime mǝnana yi sulǝo arǝ akusǝi, sǝ marǝ bugir zǝnariya a kikili.