1 Timoti 2:4 - Maləmce Məfele mala Ɓakuli: Kurcau Məbəshe

⁴ mǝnana eare male na koyan ngga, ɓǝ̀ kum auwa sǝ ɓǝ̀ surǝ mǝsǝcau ka.

1 Timoti 2:4 ပူးပေါင်းရင်းမြစ်များ

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Markus 16:15

Pǝlǝa nea wia ama: Wu kyane aɓa ɓanza kat, wu hamnǝ Cau Amsǝban aban ɓwapǝndǝa kat.

Luka 1:77

ace pe aɓwana male surǝ amsǝban nǝ njar mala kum twalbani mala acauɓikea malea.

Luka 14:23

Pǝlǝa mǝtala-ɓala ne guro ama, “Puro o amur anjargula mǝgulke andǝ amǝkeke, kya ɓuaki arǝ aɓwana ɓǝa yiu, ace mǝnana ɓala mem ɓǝ̀ yi lumsǝ ka.

Luka 24:47

Sǝ cau mala pwanzali a mala vwaki bu arǝ cauɓikea, andǝ twalban cauɓikea ka, à nǝ̀ hamnǝi aɓa lullǝi, arǝ anzali kat, à nǝ̀ tite a Urǝshalima.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 17:17

Tària ɓǝà duk amo nǝ mǝsǝcau mo; cau mo ka nda kǝ mǝsǝcau.

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Amǝ Roma 11:14

Aɓa mǝno anggo ka, ǝn nggǝ earce nǝma, ɓǝ̀ nǝ̀ gandǝ pa ka, mǝ nǝ tsǝk amǝ Isǝrayila, aɓwana mem aɓa nggūrǝu, ɓǝa dum nǝ mɓali mala kum gir mana wu ndanǝi ka, acemǝnana ɓǝ̀ ǝn amsǝ aɓwana aɓalǝia.

1 Timoti 4:10

Nda gir mǝnana tsǝa sǝ sǝm nggǝ pak turo kǝrkǝr, sǝm nggǝ lidǝmbǝa nǝ ɓariki, acemǝnana tsǝkɓalǝu ma'sǝm ngga, nda amur Ɓakuli mǝyilǝmuì, yì Mǝ'amsǝban mala aɓwana kat, nggeamurǝmi ka aɓwana mǝnana à paɓamuria abani ka.

2 Timoti 2:25

Aɓa pê ɓukɓuk ka, kwarkir aɓwana mǝnana à kǝ ɓinǝ earnǝ mǝsǝcau ka. Yakǝla ka, Ɓakuli nǝ̀ nggaɗi ɓabumia, sǝ à nǝ̀ vwaki buia arǝ cauɓikea à nǝ̀ pwanzali, ɓǝ̀ kyan nǝia aɓa surǝ mǝsǝcau.

2 Timoti 3:7

A ulang amamǝna mǝno ka, à kǝ kyal ata akanigir ɗàngɗáng koya pwari, sǝ ko à kǝ gandǝ bwalta mǝsǝcau ɗang.

Titus 1:1

Cautera mǝnia ka pur nǝ banam Bulǝs, guro mala Ɓakuli andǝ mǝ'mishan mala Yesu Kǝrǝsti. À turam aban aɓwana mala Ɓakuli mana tària ka ace ɓak paɓamuru malea abani, sǝ mǝ kania wia ɓǝa surǝ mǝsǝcau mǝnana kǝ lǝmndǝì aɓwana njar mala dokpata Ɓakuli ka.

Titus 2:11

Ɓakuli ka, lǝmndǝna ɓwamuru male aban ɓwapǝndǝa kat, ace mǝnana nǝ̀ amsǝia ka.

Amǝ Ibǝru 10:26

Ɓǝ̀ sǝm gine sǝ sǝm lidǝmbǝa nǝ pak cauɓikea kpakpak, anzǝm mǝnana sǝm sǝlǝna rǝ mǝsǝcau ka, kǝ ɓe gir'nkila pà kàm mǝnana ueo ɗǝm à nǝ̀ pa ace twalban acauɓikea ka ɗang.

Jemis 3:14

Sǝ ɓǝ̀ wu lumsǝ nǝ mɓali, andǝ ɓinǝmuru, andǝ earce ɓamuru a ɓabum wun ngga, wu ɗeki nggori, wu kǝa gìr mǝsǝcau nǝ nyir ɗang.

2 Bitǝrus 3:9

Mǝtalabangŋo kǝ dǝndi arǝ lumsǝ pacau male, kǝla mana aɓea ɓwana kǝ twali ka ɗang. Awo, yì ka, ndanǝ munyi ace wun. Eare ama ɓǝ̀ kǝ ɓwa ɓǝ̀ kìɗìkì ɗang. Eare male ka koyan ngga, ɓǝ̀ pwanzali ɓǝ̀ pǝlǝ nzǝmi arǝ acauɓikea male.

2 Yohana 1:1

Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

Sǝna 14:6

Pǝlǝa ǝn sǝn ɓe mǝturonjar mala Ɓakuli aban yale ɓong-ɓong a bumkuli. Ndarǝ yiu nǝ Cau Amsǝban mǝnana masǝlǝate pà kàm raka, ace mǝnana nǝ̀ yia hamnǝi aban aɓwana a ɓanza, aban koya nzali, andǝ tau, andǝ kun, andǝ ɓwapǝndǝa ka.