1 Timoti 2:10 - Maləmce Məfele mala Ɓakuli: Kurcau Məbəshe

¹⁰ Gilǝkirǝu malea ɓǝ̀ duk pakki agir-ɓoarna mǝnana dupi amamǝna mana à bang ama à kǝ ɓanggi Ɓakuli ka.

1 Timoti 2:10 ပူးပေါင်းရင်းမြစ်များ

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Mishan 9:39

Pǝlǝa Bitǝrus lo o atea. À yiu à yì bwalǝna ka, à kuti nǝi aɓa ndakuli. Aman-lú kat à kàrǝì aɓalǝu à kǝ ɓua, sǝ à kǝ lǝmndǝki wi adaura andǝ acili agir-nggurǝu mǝnana Dokas pakkia wia mana malaká wu raka.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

1 Timoti 2:11

Amamǝna ka, ɓǝa kǝ kwaki kiria arǝ kanigir nǝ do ɗǝong andǝ nongsǝmuru.

1 Timoti 2:9

Anggo gbal sǝ amamǝna ka ɓǝa gilǝki rǝia nǝ agir-nggurǝu ulang amǝnana à nǝ̀ yinǝ pagulo ka. Gilǝkirǝu malea ɓǝ̀ kǝa yàl nzong ɗang sǝ ɓǝa bwal ɓamuria. Pà nǝ ɓolǝkia anyang, ko nǝ zǝnariya ko nǝ agir twal mǝsǝu andǝ agir boalo ɗang.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Titus 3:8

Mǝnia yì cau ka, cau na à nǝ̀ guli a rǝì. Ən nggǝ earce nǝma wu cam nǝ rǝcandǝa amur amǝnia yì akanigir ka, acemǝnana aɓwana mana à nyingŋǝna ɓabumia aban Ɓakuli kat ka, ɓǝa pà ɓamuria arǝ pakki agir mǝɓoarne. Amǝnia yì akanigir ka nggea mǝɓoarne na, sǝ à ndanǝ mbweban mala bwali ko yana ka kam.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

2 Bitǝrus 3:11

Sǝ acemǝnana koya gir nǝ̀ kiɗiki anggo ka, ya ulang aɓwana na ɓoaro ɓǝ̀ sǝm pǎ? Ɓoaro ɓǝ̀ sǝm do aɓa do mǝfele andǝ do ulang mǝnana Ɓakuli earkiyice ka!

Sǝna 2:19

Ən surǝ aturo mo. Ən sǝna earcearǝu mo, andǝ paɓamuru mo abanam, andǝ turoperi mo, andǝ munyi mo aɓa gandǝrǝu. Sǝ ǝn sǝna lidǝmbǝa mo aɓalǝ amǝnia yì agir kat ka.