1 Timoti 1:9 - Maləmce Məfele mala Ɓakuli: Kurcau Məbəshe

⁹ Sǝ ɗǝm ngga sǝm sǝlǝna ama nggurcau ka, à ci ace aɓwana mǝnana à kǝ pak mǝɓoarne ka ɗang. Nda ace amǝ yàl nzongcau, andǝ amǝ'mgbikiru, andǝ amǝ ɗwanyi ɓanggi Ɓakuli, andǝ amǝ'cauɓikea. Nda gbal ace amǝ ɗwanyi dukdo mǝfele, andǝ amǝ nyesǝ ce kpata Ɓakuli ɓà, andǝ amǝ wal-lú ka tárria andǝ nggea.

1 Timoti 1:9 ပူးပေါင်းရင်းမြစ်များ

Matiu 10:21

Mǝ'eambǝu nǝ̀ mak mǝ'eambǝi ɓǝa wali. Tarrû nǝ̀ mak muni ɓǝa wali. Amuna nǝ̀ pǝlǝa arǝ atárria andǝ anggea sǝ à nǝ̀ tsǝa ɓǝa walia.

Amǝ Roma 1:30

Yia ka à kǝ na cau mǝɓane anzǝm aɓwana, amǝɓinǝ mur Ɓakuli na, à kǝ okban ɗang, à ndanǝ twalmuru, andǝ nggori. Ɗenyicau malea ka nda aɓa pusǝki abǝsa njar mala pakkia agir mǝɓane, sǝ à kǝ oki amǝɓǝlia ɗang.

Amǝ Roma 4:13

Mǝnana Ɓakuli pacau aban Ibǝrayim andǝ amǝkè ama nǝ̀ tsǝkia wia bu sǝ ɓanza kat nǝ̀ duk malea ka, pa acemǝnana Ibǝrayim bwal Nggurcau mala Ɓakuli ka ɗang. Nda acemǝnana yì ka, earnǝ Ɓakuli, guli a rǝì ama nǝ̀ pak gir mǝnana bang ngga. Sǝ ace mǝno ka Ɓakuli é mǝ'cauɓoarna na.

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.

Amǝ Roma 6:14

Cauɓikea ka pà nǝ̀ duk gbani amur wun ɗang, acemǝnana wu pa ɗǝm aɓata Nggurcau ɗang, wu nda aɓata ɓwamuru mala Ɓakuli.

Amǝ Galati 3:19

Sǝ mana ɗe nda tǝr pa Nggurcau? Ɓakuli pa Nggurcau nǝ nzǝmo, ace mǝnana ɓǝ̀ lǝmndǝì ɓwapǝndǝa acauɓikea malea. Sǝ Nggurcau ka à ci ama ɓǝ̀ pak turo ɓǝ̀ kya bik pwari yiu mala mǝno yì muna mala Ibǝrayim, mǝnana Ɓakuli pacau ace ka. Ɓakuli pa Nggurcau male nǝ bu amǝturonjar aban Musa, mǝnana do a nre ka aɓwana andǝ Ɓakuli ace banggia wia cau mala Nggurcau ka.

Amǝ Galati 5:18

Sǝ ɓǝ̀ wu nying Bangŋo mala Ɓakuli ging nǝ wun ngga, wu pa aɓata pe-púp mala Nggurcau mala Musa ɗǝm ɗang.

Amǝ Galati 5:21

andǝ shamgir mala ɓwa, andǝ wal-walo gir, andǝ ká kpapí mǝɓane mala nukiagir andǝ nongginǝban, andǝ acili acauɓikea kǝla amǝnia ka. Mǝ ɓǝsǝlǝa wuni ɗǝm kǝla mǝnana ǝn na wun a dǝmbǝa ka, ama ɓwa mǝnana kat kǝ do aɓata a'ulang mǝnia yì ado ka, pà nǝ̀ kutio a Domurǝm mala Ɓakuli ɗang.

Amǝ Galati 5:23

andǝ ɓukɓuka, sǝ bwalrǝu. Ɓe kǝ nggurcau pà kàm amur amǝnia yia agir ka ɗang.

2 Amǝ Tasalonika 2:8

Sǝ à nǝ̀ yia lǝmndǝi, yì Ɓwa mala Cauɓikea, mǝnana Mǝtalabangŋo Yesu nǝ̀ wal-lui nǝ yálí kuni, sǝ nǝ̀ kiɗiki rǝcandǝa male nǝ̀ nyesǝi ɓà, nǝ́ tǎ mala ɓoarɓwa mala yiu male ka.

1 Timoti 4:7

Tārǝto arǝ naki acauɓana andǝ anjarnzǝne mala aɓwagula. We ka, pa rǝcandǝa mo arǝ pe ɓamuro kanigir mala do pepe aɓa Bangŋo.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

2 Timoti 2:16

Tārǝto arǝ naki acauɓana andǝ amǝnana à pà nǝ̀ yinǝi Ɓakuli gulo raka, acau ɓanggea mǝnana à kǝ tasǝta aɓwana nǝ tasǝa aɓa ɗwanyi surǝ Ɓakuli ka.

2 Timoti 3:2

Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

Titus 1:10

Aɓwana na kana pas mǝnana amǝ'mgbikiru na, sǝ amǝ'fekicau na andǝ amǝ swarkiban. Banggulea ka à nda ka amǝ Yahudi mǝnana à pǝlǝ amǝkwaɗi sǝ à ɓinǝ kingging nǝ kania aɓwana gir ama, ɓǝa kasǝo ɓato raka, we ka a malaká kum amsǝban ɗang.

Titus 1:16

Amǝnia yia aɓwana ka, à kǝ bang nǝ mburkunia ama à surǝ Ɓakuli, sǝ pakkiagir malea ka lǝmndǝ ama à surǝ Ɓakuli ɗang. Aɓwana na à nǝ̀ ɓinǝia, amǝ ɗwanyi okiru na, à kārǝa à nǝ̀ pak kǝgir mǝɓoarne ɗang.

Titus 1:6

ɓwamǝgule aɓa turo mala Ɓakuli ka, dumǝna púp ama nǝ̀ duk ɓwa mǝ'ɗwanyi cau a rǝǔ. Yì ka, nǝ̀ duk bura mɓwama mwashat, sǝ amuna male gbal ka, amǝkpata Ɓakuli na, mǝnana à surǝia nǝ ɓealǝu mala mgbikiru andǝ gandǝban raka.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

Amǝ Ibǝru 11:31

Nda ace paɓamuru mala man-gung man yì Rahap ka, sǝ à amsǝi à wali wú ata amǝla malea, mǝnana à mgbiki Ɓakuli kiru ka raka. Kum auwa acemǝnana ak amǝ shenzǝ-nzali mala amǝ Isǝrayila nǝ akban dotarǝu.

Amǝ Ibǝru 12:16

Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.

1 Bitǝrus 2:7

Sǝ wun mana wu guli a rǝì ka, ɓoaro male aban wun ngga ulang yi pà kàm ɗang. Sǝ aban aɓwana mǝnana à earnǝi raka dumǝna, “Tali mǝnana amǝɓa ginǝki ka, nda yi duk Tali kwakita kusǝɓa ka.”

1 Bitǝrus 3:20

Amǝnia ka, à ndaka abangŋo mǝnana à mgbiki Ɓakuli kiru a pwaryan a nza mala Nuhu, a baku mǝnana Nuhu na aban shar nggea waru male, sǝ Ɓakuli na arǝ kundǝo nǝ́ munyi ka. Kǝ aɓwana tongno-nong-tārú na à amsǝia amǝno yì nggea-murgula ka.

1 Bitǝrus 4:18

Ɗǝm ngga, “Ɓǝ̀ nda bǝti sǝ amǝ'ɓealɓoarna nǝ̀ au ka, mana nǝ̀ kum amǝ'ɗwanyi kpata Ɓakuli andǝ aɓwana mǝnana amǝ'cauɓikea na ka?”

Yahuda 1:15

ace yinǝ ɓashi amur ɓwapǝndǝa kat. Nǝ̀ yia mak aɓwana kat mǝnana à surǝ Ɓakuli raka nǝ ɓashi, ace agir mǝnana kat à pea aɓa do malea mala ɗwanyi surǝ Ɓakuli ka, andǝ acau mǝɓike mǝnana amǝ'cauɓikea, amǝ ɗwanyi surǝ Ɓakuli ne amuri ka.”

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.