1 Timoti 1:12 - Maləmce Məfele mala Ɓakuli: Kurcau Məbəshe

¹² Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

1 Timoti 1:12 ပူးပေါင်းရင်းမြစ်များ

Matiu 20:4

Pǝlǝa nea wia ama, “Wun gbal ka wu kya turo a ɓaban mem, mǝ nǝ mbwe wun gir mǝnana ɓoaro ɓǝa pa wun ngga.”

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Amǝ Mishan 16:15

Anzǝm mana à pangŋǝni batisǝma andǝ amǝ ɓala male ka, pǝlǝa tunǝ sǝm ɓǝ̀ sǝm yiu a ɓala male; na ama, “Ɓǝ̀ wu earnǝ mim ama mǝ nda mǝkwaɗi mǝɓafoe aban Mǝtalabangŋo ka, wu yiu, wu sulǝo a ɓala mem.” Cam arǝ ɓuaki arǝ sǝm gandǝa sǝm eare.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Mishan 9:22

Hama mala Sawul ka dum nǝ rǝcandǝa, yale amǝ Yahudi mǝnana a Damaska ka, à gandǝ makgir mǝsǝcau mǝnana lǝmndǝia wia ama Yesu ka nda Kǝrǝsti Mǝ'amsǝban ngga ɗang.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

1 Amǝ Korinti 3:5

Sǝ nggearǝì ka, yana nda Bulǝs? Sǝ yana nda Apolo? Yia ka, kǝ amǝturo mala Ɓakuli mǝnana à hamnǝ cau male sǝ wu yi é, kǝla mǝnana Ɓakuli pe koyan ngga turo male mǝnana nǝ̀ pak ka re?

1 Amǝ Korinti 7:25

A dyan ngga, mǝ nǝ na wun cau amur agir mǝnana wu gilǝa amur ansarina mǝnana à malaká dukɓala raka. Ən panǝ ɓe kǝ nzongcau mǝnana pur nǝban Mǝtalabangŋo ka ɗang, she kǝ gir mǝnana ǝn nggǝ pà ado a twale mem kǝla ɓwa mǝnana nǝ ɓwamuru mala Mǝtalabangŋo, à nǝ̀ earnǝi ka.

2 Amǝ Korinti 4:1

Sǝ acemǝnana Ɓakuli, aɓa sǝn mǝsǝswatǝr male sǝ pà sǝm mǝnia yì turo mishan ngga, ɓabum sǝm pà nǝ̀ ɓunggi ɗang.

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Galati 3:28

Kǝ cau pà kàm ɗǝm ama ɓwa man ngga ɓwa Isǝrayila na ko ɓwa Isǝrayila na raka ɗang, ɓwa man ngga guro na ko guro na raka ɗang, ɓwa man ngga ɓwabura na ko mɓwama na ka ɗang. Wun ado ka, wu dumǝna mwashat aɓa Kǝrǝsti Yesu.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

Amǝ Filipi 4:13

Mǝ nǝ gandǝ pak koya gir ka, nǝ rǝcandǝa mǝnana Kǝrǝsti kǝ pam ngga.

Amǝ Kolosi 1:25

Ɓakuli tsǝngŋǝnami a buam ɓǝn pakki ikǝlisiya, yia amǝkpata Yesu turo, mǝ nggǝ hamnǝ cau male kat aban wun.

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

1 Timoti 1:11

Mǝnia yì kanigir ka pur aɓa Cau Amsǝban mǝɓoarne, mana Ɓakuli mǝnana ɓoaro ɓǝa pe wi ɓwangsǝban ngga, pam a buam ngga.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

1 Timoti 6:13

Ado ka mǝ nda ban tsǝko nzongcau a ɓadǝm Ɓakuli mǝnana pākiyi ko man ngga yilǝmu, sǝ a ɓadǝm Kǝrǝsti Yesu, mǝnana nakuni pepe a ɓadǝm Buntu Bilatus ka.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

2 Timoti 4:17

Sǝa ma Mǝtalabangŋo na atam sǝ pam rǝcandǝa ace mǝnana ɓǝ̀ ǝn hamnǝ Cau Amsǝban kat ace aɓwana mana amǝ Yahudi na raka ɓǝa oe. Nyar ɗǝm ngga, amsǝam a bu lú, a kuna im mǝnana ɓǝ́ à nǝ̀ turam aɓalǝia ka.

Titus 1:4

Ən nggǝ gilǝì Titus, munem mǝ'mǝsǝcau nì aɓa paɓamuru mǝnana sǝm kat sǝm nda a ɓalǝi ka. Ɓǝ̀ Tar sǝm Ɓakuli andǝ Kǝrǝsti Yesu Mǝ'amsǝ sǝm, bwalo kam nǝ ɓwamuru andǝ dorǝpwala!

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.