1 Timoti 1:11 - Maləmce Məfele mala Ɓakuli: Kurcau Məbəshe

¹¹ Mǝnia yì kanigir ka pur aɓa Cau Amsǝban mǝɓoarne, mana Ɓakuli mǝnana ɓoaro ɓǝa pe wi ɓwangsǝban ngga, pam a buam ngga.

1 Timoti 1:11 ပူးပေါင်းရင်းမြစ်များ

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Amǝ Roma 2:16

Sǝ mǝnia ka nda Cau Amsǝban mǝnana ǝn nggǝ hamnǝi ka, ama pwari na kǝ yiu ka, mana Ɓakuli nǝ̀ ɓashi aɓwana amur aɗenyicau ɓa-sǝmbǝrǝa malea nǝ bu Yesu Kǝrǝsti.

1 Amǝ Korinti 9:17

Ɓǝ̀ twale mala ɓamuram na sǝ ǝn nggǝ hamnǝ cau ka, à nǝ̀ mbwem; sǝ ǝn nggǝ pe, acemǝnana gir na mǝnana Ɓakuli nǝ̀ pam ama ɓǝ̀ ǝn pe ka.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Amǝ Galati 2:7

Gir mǝnana ndakam ngga, nda mǝnana ama, Ɓakuli panam turo hamnǝ Cau Amsǝban aban aɓwana arǝ aɓea anzali, kǝla mǝnana Ɓakuli pe Bitǝrus hamnǝ Cau Amsǝban aban amǝ Isǝrayila ka.

Amǝ Afisu 1:12

Kànì mala Ɓakuli ka nda mǝnana ama, sǝm amǝ Yahudi mana sǝm nda ka amǝdǝmbǝa paɓamuru aban Kǝrǝsti ka, ɓǝ̀ sǝm yinǝ ɓwangsǝban andǝ pagulo aban Ɓakuli.

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Afisu 2:7

Ɓakuli pe anggo ace mǝnana arǝ anza mǝnana à kǝ yiu a dǝmbǝa ka, nǝ̀ lǝmndǝ bui arǝ sǝm. Nǝ̀ na ama, sǝm ndaka turo mala ɓwamuru andǝ mǝsǝswatǝr male mǝgule andǝ mǝɓoarne kǝrkǝr, mǝnana lǝmndǝa sǝmi ata cau mala gir mǝnana Kǝrǝsti Yesu pè ka.

Amǝ Afisu 3:10

Kànì mala Ɓakuli aɓa mǝnia kat ka, nda mǝnana ama, adyan ngga nǝ̀ pak turo nǝ ikǝlisiya, amǝkpata Yesu, nǝ̀ lǝmndǝ sǝlǝe male mǝnana ndakam arǝ anjari ɗàngɗáng ngga, aban amǝ yalmuru andǝ amǝ-gara aɓa ɓanza mala abangŋo.

Amǝ Kolosi 1:25

Ɓakuli tsǝngŋǝnami a buam ɓǝn pakki ikǝlisiya, yia amǝkpata Yesu turo, mǝ nggǝ hamnǝ cau male kat aban wun.

1 Amǝ Tasalonika 2:4

Sǝm ngga, sǝm nggǝ na cau kǝla aɓwana mǝnana Ɓakuli earnǝ sǝm sǝ nyingga sǝm turo hamnǝ Cau Amsǝban a bu sǝm ngga. Sǝ sǝm pà aban pe ace mǝnana ɓǝa ɓwapǝndǝa ɓwangsǝ sǝm ngga ɗang; sǝm nggǝ pê ace pwasǝ ɓabum Ɓakuli mǝnana kǝ pelǝki ɓabum sǝm ngga.

1 Timoti 2:7

Àkǝ̀ ce mani sǝ à taram kǝla mǝhama andǝ mǝ'mishan, mǝ kani aɓwana mala acili anzali gir, amur paɓamuru andǝ mǝsǝcau. Mǝnia ka nyir na ǝn nakiyi ka ɗang, nggearǝ mǝsǝcau na ǝn nggǝ na ka.

1 Timoti 6:15

Ɓǝ̀ pwari nì yi karǝna ka, Ɓakuli mana ɓwangsǝban kat abani sǝ pa, sǝ yì nǝmurǝì nda Mǝyalban, yì Murǝm mala amurǝma andǝ Gbani amur amǝ'talanzali ka, nǝ̀ yia lǝmndǝ Kǝrǝsti nǝ kuli.

1 Timoti 6:20

Timoti, tsǝk kir gir mǝnana Ɓakuli po a buo ka. Yal ɓamuro arǝ naki acauɓana mala agir mǝnana à kǝ yinǝi Ɓakuli gulo raka, andǝ acau a mgbasho mǝnana aɓea ɓwana tunǝi aɓa ɓwarkio ama “Sǝlǝe” ka.

2 Timoti 1:11

Sǝ Ɓakuli twalam ɓǝn duk mǝ hamnǝ cau male, andǝ mǝ'mishan, andǝ mǝkanigir mala mǝnia yì Cau Amsǝban.

2 Timoti 1:14

Tsǝk kiro arǝ cau mǝ'mǝsǝcau nì, mǝnana à po a buo, nǝ rǝcandǝa mala Bangŋo Mǝfele mǝnana do a ɓabum sǝm ngga.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

Titus 1:3

Anggo lang pwari male mǝnana tsǝk ka yi karǝna ka, Ɓakuli yi lǝmndǝi a banfana aɓa cau male. Mǝnia yì cau ka, à pam sǝ ǝn yi hamnǝi kǝla mǝnana Ɓakuli Mǝ'amsǝ sǝm tasǝam ngga.