1 Bitǝrus 5:14 - Maləmce Məfele mala Ɓakuli: Kurcau Məbəshe

¹⁴ Wu makki arǝ wun kun nǝ earcearǝu mala amǝkwaɗi. Ɓǝ̀ rǝpwala do ata wun kat, wun aɓwana mǝnana wu nda aɓa Kǝrǝsti ka.

1 Bitǝrus 5:14 ပူးပေါင်းရင်းမြစ်များ

Matiu 5:47

Sǝ ɓǝ̀ amǝ'eam wun na nǝmurǝia wu makkiyia kun ngga, nǝ man sǝ wu kuti acili aɓwana mǝnana amǝkpatam na raka? Nggearǝ amǝɓanza ka anggo sǝ à pakkiyia.

Yohana 14:27

Mǝ ndya ǝn nggǝ nying wun nǝ dorǝpwala ka. Sǝ mǝnia yì dorǝpwala ǝn pākiyi ka, ɓanza pànǝi nǝ̀ pà ɗang. Ace mani ka, ɓǝ̀ ɓabum wun ɓǝ̀ kǝa kiɗiki ɗang, sǝ ɓangciu ɓǝ̀ kǝa pakka wun ɗang.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 20:19

Nǝ pwarikpǝra a mǝno yì pwari a nzǝm pwari Sabbat ka, alaggana mala Yesu na a tarǝia aɓa kurǝm. À girki akunkurǝm acemǝnana à kǝ ɓanggi aɓwana-mǝgule mala amǝ Yahudi. Ɓalǝia ama nǝ̀ kasǝ ka, kara à sǝn Yesu purna, camǝna aɓalǝia, sǝ nea wia ama, “Ɓǝ̀ rǝ wun pwalo.”

Yohana 20:26

Anzǝm nongŋo tongno-nong-tārú ka, alaggana na ɗǝm a tarǝia a ɓala andǝ Toma, sǝ akunakurǝm ngga à girkinia kat; kara Yesu yi cam ɗǝm aɓalǝia sǝ bangŋa ama, “Ɓǝ̀ rǝ wun pwalo.”

Amǝ Roma 1:7

Ən nggǝ gilǝa wun, wun kat a Roma, mǝnana Ɓakuli earce wun sǝ tunǝ wun ɓǝ̀ wu duk amale ka. Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, pa wun ɓwamuru andǝ dorǝpwala.

Amǝ Roma 16:16

Wu makki arǝ wun kun, nǝ kur rǝarǝu mala amǝkpata Ɓakuli. Amǝkwaɗi mǝnana arǝ a'ikǝlisiya mala Kǝrǝsti kat à kǝ makka wun kun.

Amǝ Roma 8:1

Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

1 Amǝ Korinti 16:20

Amǝ'eamrǝarǝu mǝnana a kani kat ka, à kǝ makka wun kun. Wu makki arǝ wun kun kat nǝ earcearǝu mǝfele mala amǝkwaɗi.

2 Amǝ Korinti 13:12

Wu makki arǝ wun kun nǝ earcearǝu mala aɓwana mala Ɓakuli.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

Amǝ Afisu 6:23

Ɓǝ̀ rǝ wun pwalo, wun amǝ'eamrǝarǝu, sǝ ɓǝ̀ Ɓakuli Tarrû andǝ Mǝtalabangŋo Yesu Kǝrǝsti, pa wun ɓabum earcearǝu andǝ domǝsǝcau.

1 Amǝ Tasalonika 5:26

Wu makkia amǝ'eamrǝarǝu kun kat, nǝ makkun earcearǝu ulang mala amǝkpata Ɓakuli.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

3 Yohana 1:14

Mǝ ndanǝ tsǝkɓalǝu mǝ nǝ yiu abano banì pà nǝ̀ sau ɗang, sǝ sǝm nǝ̀ yia na cau a kunnarǝ sǝm.