1 Bitǝrus 5:12 - Maləmce Məfele mala Ɓakuli: Kurcau Məbəshe

¹² Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Bitǝrus 5:12 ပူးပေါင်းရင်းမြစ်များ

Yohana 21:21

Lang Bitǝrus nǝ̀ sǝni ka, pǝlǝa ɗi Yesu ama, “Mǝtalabangŋo, sǝ lagga man ngga, mana nǝ̀ kumi?”

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Mishan 15:22

Pǝlǝa amǝ'mishan, andǝ aɓwana-mǝgule amur amǝkwaɗi, andǝ cili ikǝlisiya mana a Urǝshalima ka, sǝni ka ɓoaro ɓǝa twal aɓwana aɓalǝia ɓǝa tasǝia à Antiyok, a tarǝia andǝ a Bulǝs andǝ Barnabas. À twal aɓwana ɓari ata aɓwana-mǝgule amur amǝkwaɗi mana amǝkwaɗi kǝ pea wia gulo ka; ɓwa kǝla Yahuda mana à tunǝki ama Barsabas ka, sǝ Silas.

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

1 Amǝ Korinti 15:1

Adyan ngga, wun amǝ'eamrǝarǝu, ǝn nggǝ kasǝɓalǝ wun arǝ Cau Amsǝban mǝnana ǝn hamba wunì a dǝmbǝa ka. Sǝ wu angŋǝni gbal, wu tamsǝna kusǝ wun amuri kàngkàng.

2 Amǝ Korinti 1:19

Acemǝnana Yesu Kǝrǝsti Muna mala Ɓakuli, mǝnana mim sǝnǝ Silas andǝ Timoti, sǝm hamnǝ cau male aban wun ngga, “E” na andǝ “Awo” a tarǝia ɗang. A ɓalǝi ka, “E” na, a koya pwari ka.

2 Amǝ Korinti 1:24

Sǝm pa aban ɓariki ama sǝm nǝ̀ tsǝk wun ɓǝ̀ wu kpata gir mǝnana sǝm earkiyice amur paɓamuru ma'wun ngga ɗang; a kun mani ka sǝm ndarǝ pak turo sǝnǝa wun ace banɓoarnado ma'wun. Acemǝnana paɓamuru ma'wun na tsǝa sǝ wu cam kàngkàng ngga.

Amǝ Afisu 3:3

Kǝla mǝnana ǝn ak dǝmbǝa ǝn gilǝa wun cau amuri mgbeatuk ka, Ɓakuli nǝ nggearǝì, nǝ̀ mǝnggiam ɓa kane male mǝnana nda aɓa sǝmbǝrǝa ka.

Amǝ Afisu 6:21

Gir mana mǝ nda ɓālǝi ado, turo mǝnana ǝn pakkiyi ka, andǝ rǝcandǝa mala nggūrǝam ngga, Tikikus nǝ yia bǝla wun ɓālǝi kat. Yì ka, mǝ'eamrǝarǝu na, mǝnana sǝm earkiyi ace raka, sǝ ɓwa na mǝnana dum nǝ mǝsǝcau aɓa turo aban Mǝtalabangŋo ka.

Amǝ Kolosi 1:7

Abafǝras, ɓi'sǝm mǝturo mǝnana sǝm earkiyi ace raka, nda ɓwa mǝnana nǝ baní sǝ wu kum sǝlǝe amur mǝnia yì ɓwamuru ka. Yì ka, mǝturo mala Kǝrǝsti na nǝ mǝsǝcau, sǝ nda mǝnana kǝ bwala sǝm turo ace wun ngga.

Amǝ Kolosi 4:7

Gyajam mǝɓoarne ma'sǝm Tikikus nǝ̀ bǝla wun ce gir mǝnana mǝ nda a ɓalǝi ka kat. Yì ka, mǝ'eamrǝarǝu mǝɓafoe na aɓa turo, ɓwa na mǝnana à nǝ̀ guli a rǝì ka, sǝ ɓi'sǝm guro na aɓa turo mala Mǝtalabangŋo.

Amǝ Kolosi 4:9

Ndya ɗǝm ǝn nggǝ tasǝ Onisǝmu ka. Yì gbal ka, mǝ'eamrǝarǝu mǝɓafoe na mǝnana à nǝ̀ guli a rǝì ka, nggearǝ yì ka, kǝ ɓwa ma'wun na. Yì andǝ Tikikus ka à nǝ̀ bangga wun gir mǝnana kat kǝ kumban kani ka.

1 Amǝ Tasalonika 1:1

Mǝnia yì cautera ka pur nǝban Bulǝs, andǝ Silas, andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tarrû, andǝa mala Mǝtalabangŋo Yesu Kǝrǝsti. Ɓǝ̀ ɓwamuru andǝ dorǝpwala mala Ɓakuli do ata wun.

2 Amǝ Tasalonika 1:1

Mǝnia yì cautera ka, pur nǝban Bulǝs andǝ Silas andǝ Timoti. Aban ká aban ikǝlisiya mala amǝ Tasalonika, aɓwana mala Ɓakuli Tár sǝm andǝ Mǝtalabangŋo Yesu Kǝrǝsti.

Amǝ Ibǝru 13:22

Ən nggǝ zǝmbǝa wun, wun amǝ'eamrǝarǝu, wu tsǝk ɓalǝ wun arǝ mǝnia yì gbǝlǝm cau ɓakɓabum ǝn gilǝa wun ngga.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 4:10

Ɓakuli panì koyan ngga ɓoro mala sǝlǝ pak ɓe kǝgir. Ace mani ka, ko yan ngga ɓǝ̀ pakturo nǝ male yi ɓoro ace pakkia acilia ɓwana gbasha, ace mǝnana ɓǝ̀ sǝm duk aɓwana mǝnana Ɓakuli earnǝia arǝ tsǝkir aɓoro male mǝnana à ndakam ɗàngɗáng ngga.

2 Bitǝrus 1:12

Ace mani ka, mǝ ndanǝi a ɓabumam mǝ nggǝ kasǝɓalǝ wun koya pwari arǝ amǝnia yì acau ka, kat andǝ amani ama wu surǝnia, sǝ wu tamsǝna kusǝ wun kàngkàng amur mǝsǝcau mǝnana wu angŋǝni ka.

2 Bitǝrus 2:15

À nyingŋǝna njar mala mǝsǝcau sǝ à ɓwarkini tanjar mǝɓoarne. À kpanata njar mala Balaam muna mala Beyo, mǝnana earce kum boalo nǝ njar gir mala cauɓikea ka.

3 Yohana 1:12

Ɓwapǝndǝa kat kǝ na mǝɓoarne amur Demitǝrǝyus, ko nggearǝ do male ka kǝ lǝmndǝ mǝsǝcau a ko ya njari. Sǝm gbal ka, sǝm nggǝ bang mǝɓoarne amuri, sǝ wu sǝlǝna ama mǝsǝcau na sǝm nggǝ na ka.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.