1 Bitǝrus 5:1 - Maləmce Məfele mala Ɓakuli: Kurcau Məbəshe

¹ Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:1 ပူးပေါင်းရင်းမြစ်များ

Luka 24:48

Wu nda ka amǝnakun mala mǝnia yì agir ka aban aɓwana.

Amǝ Mishan 1:22

Ɓǝ̀ twal a pwari mǝnana Yohana pakki Yesu batisǝma nǝi, yi bwal a pwari mǝnana à twali nǝi arǝ sǝm aban o a kuli ka. Ɓǝ̀ yana sǝ à twali ka, nǝ̀ duk mwashat ata sǝm aban hamnǝ cau mala loapi ɓembe mala Yesu.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 11:30

Anggo sǝ à pa, à tasǝ boale aban aɓwana-mǝgule mala amǝkwaɗi nǝ bu Barnabas andǝ Sawul.

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 15:6

Pǝlǝa amǝ'mishan andǝ aɓwana-mǝgule amur amǝkwaɗi yi do ace sǝnggi ɓa mǝnia yì cau ka.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 20:17

A Miletus sǝ Bulǝs turban ata aɓwana-mǝgule mala ikǝlisiya mana a Afisu ɓǝa yiu ɓǝa yi kumi a Miletus.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Mishan 21:18

Ban fana ka, sǝm sǝnǝa Bulǝs sǝm wario aban Jemis, ace nacau nǝi. Aɓwana-mǝgule mala ikǝlisiya kat ka, à nda abanì.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

2 Amǝ Korinti 5:1

Anggurǝ sǝm ngga à nda kǝla agumli mǝnana sǝm dukiyi aɓalǝia akani a ɓanza. Sǝa ma ɓǝ amǝnia yì agumli sanggina ka, sǝm sǝlǝna ama Ɓakuli nǝ̀ pe ko yan ata sǝm ngga ɓala a kuli, nggūrǝu mǝnana malkiyi raka, mǝnana Ɓakuli nǝ nggearǝì gilǝki ace sǝm, bu ɓwapǝndǝa nǝ̀ pè raka.

2 Amǝ Korinti 5:8

E, sǝm ndanǝ mǝsǝkang-kangŋa, ɓǝ́ eare ma'sǝm ngga, ɓǝ̀ sǝm gapi tarǝ sǝm sǝnǝ mǝnia yì nggūrǝu mala ɓanza ka, ɓǝ̀ sǝm do aban Mǝtalabangŋo.

Amǝ Filipi 1:19

acemǝnana ǝn sǝlǝna ama nǝ ahiwi ma'wun, andǝ gbasha mǝnana Bangŋo mala Yesu Kǝrǝsti pam ngga, agir mǝnana à kumam ngga, à nǝ̀ ngga duk panzǝban mem.

1 Timoti 5:1

Ce a pyau jamgula ɗang, ne wi cau ɓukɓuk nǝ pagulo, kǝla mǝnana a nǝ ne tárro ka. Ne alaggana cau kǝla mǝnana a nǝ ne amǝ'eambǝo ka.

1 Timoti 5:19

Ce a na ama a nǝ earnǝ cau-kiɗikiban mǝnana à ne amur ɓwamǝgule ikǝlisiya ka ɗang, she ɓǝ̀ ce purna a kun aɓwana ɓari ko tārú ka.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Titus 1:5

Gir mǝnana tsǝa sǝ ǝn nyio a luran Kǝreti ka, nda mǝnana ama wu masǝlǝata pakki aturo mǝnana ɓoaro ɓǝa pea ka, sǝ wu twal aɓwana aɓa koya la, wu cia ɓǝa duk aɓwana-mǝgule mala turo mala Ɓakuli. Kǝla mǝnana ǝn banggo ka,

Filimon 1:9

Kat andǝ amani ka, mǝ nda rǝ zǝmbǝo ace earcearǝu, mim Bulǝs, mǝnana ǝn ena, sǝ ɗǝm adyan ngga mǝ nda kuro ace Kǝrǝsti Yesu ka.

Amǝ Ibǝru 12:1

Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

1 Bitǝrus 1:7

Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

1 Yohana 3:2

Wun agyajam, sǝm ado ka, sǝm ndaka amuna mala Ɓakuli, sǝ à malaká lǝmndǝa sǝm ulang pa mǝnana sǝm ngga pak ka ɗang. Sǝa ma sǝm sǝlǝna ama ɓǝ̀ Yesu yi pusǝna rǝì ka, sǝm nǝ̀ pa kǝla yi, acemǝnana sǝm nǝ̀ yia sǝni kǝla mǝnana ndakam ngga.

2 Yohana 1:1

Mǝnia yì cautera ka, pur nǝ banam, mim jamgula Yohana aban ká aban Nggeaka amuna mǝnana Ɓakuli tárì, andǝ amuni, mǝnana ǝn earcea nǝ mǝsǝcau ka. Mǝ nda nǝmurǝam ǝn earkiyi ace wun ngga ɗang, sǝm nda kat sǝnǝ aɓwana mǝnana à surǝna rǝ mǝsǝcau ka.

3 Yohana 1:1

Mǝnia yì cautera ka, pur nǝ banam, mim ɓwamǝgule Yohana aban ká aban Gayus, gyajam mem mǝ'mǝsǝcau nì, mǝnana ǝn earkiyi ace raka.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.