1 Bitǝrus 4:4 - Maləmce Məfele mala Ɓakuli: Kurcau Məbəshe

⁴ Ado ka, agyajam ma'wun mǝnana ɗiɗyal ka, à kǝ ndali acemǝnana wu kǝ kpapi wunǝia ɗǝm aɓa mǝno yì do-kiɗìkì andǝ ɗwanyi bwalrǝu ka ɗang. Nda gir nî sǝ à kǝ sanggi wun,

1 Bitǝrus 4:4 ပူးပေါင်းရင်းမြစ်များ

Matiu 23:25

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu nda kǝla akwar andǝ atasau mana à lak nzǝmia pepe ka, sǝ ɓalǝ wun ngga lumsǝ nǝ aturo ɓealɓikea andǝ mɓali.

Luka 15:13

Anzǝm anonggeo shen ngga, ɓwa mǝkyauwe kùr twalo male kat, kara twal bǝri o a ɓe la a bansauwa. Akano ka kya kasǝ kume male aɓa do mǝɓane.

Amǝ Mishan 13:45

Lang aɓwana-mǝgule mala amǝ Yahudi nǝ̀ sǝn aɓwabunda ka, kara mɓali pakkia wia, à kǝ makgir nǝ cau kat mǝnana Bulǝs bang ngga, à kǝ sanggì.

Amǝ Mishan 18:6

Amǝ Yahudi ka à ɓinǝna à pa nǝ̀ ak cau mala Bulǝs ɗang. À camarǝ banggi wi acau mǝɓane. Bulǝs pǝlǝa kǝtǝri tu mana arǝ agir-nggurǝu male ka, ace mǝnana ɓǝ̀ lǝmndǝia wia ama yì ka, pusǝkina abui. Sǝ banggia wia ama, “Ɓǝ̀ nkila ma'wun, ueo amur wun. Ɓǝ̀ wu kutio a lu-bǝsa ka, wu nǝ̀ ɓua nǝ ɓamur rǝ wun! Mim ngga ǝn pusǝkina abuam. Twal ado aban ká a dǝmbǝa ka, mǝ nǝ o a hamnǝ cau aban aɓwana mana amǝ Yahudi na raka.”

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Afisu 5:18

Wu kǝa wal-walo mùr-anap ɗang, acemǝnana nǝ̀ ká nǝ wun a do kiɗìkì. Wu lumsǝ nǝ Bangŋo mala Ɓakuli akuni.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.

2 Bitǝrus 2:12

Amǝnia yì amǝkanigir mǝ'nyirì ka, à kǝ gyata oe malea a rǝǔ, kǝla anyamɓikea mǝnana à pànǝ ɗenyicau raka, mana à pusǝia ace mǝnana ɓǝa bwalia ɓǝa wallia ka. À kǝ na mǝɓane amur gir mǝnana à bwalta kusǝì raka, sǝ acemǝnana à nda kǝla agirkusǝu ka, à nǝ̀ kiɗikia.

2 Bitǝrus 2:22

Yia ka, à lǝmndǝna mǝsǝcau mala mǝnia yì kun-nacau mana ama, “Nvwa nyarǝna a li gir mǝnana ukki ka.” “Tǝmbǝrǝm ɓala mana à sussǝi ka, nyarǝna aban tapiki a dǝɓang.”

Yahuda 1:10

Sǝ amǝnia yì aɓwana ka, à kǝ bangcau nǝ ɓǝsǝkiban amur agir mǝnana à bwaltea raka. Sǝ agir mǝnana à bwaltea nǝ gyata oe malea a rǝǔ, andǝ ɗwanyi ɗenyicau kǝla agirkusǝu ka, à ndaka kǝ gir mǝnana à kǝ kiɗikia ka.