1 Bitǝrus 4:19 - Maləmce Məfele mala Ɓakuli: Kurcau Məbəshe

¹⁹ Ace mani ka, ɓǝ̀ wu nda ban tanni aɓa kane mala Ɓakuli ka, wu lidǝmbǝa aɓa pak gir mǝnana nda a nzongŋi ka, sǝ wu nying ayilǝmi wun a ɓabu Ɓakuli mǝnana pusǝ wun ngga, acemǝnana yì ka, pà nǝ̀ pà wun kǝsǝkya ɗang.

1 Bitǝrus 4:19 ပူးပေါင်းရင်းမြစ်များ

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

1 Bitǝrus 2:15

Ɓakuli ka, kane male na ama nǝ́ pakki aturo cauɓoarna ma'wun ngga, ɓǝ̀ wu gir kun amǝ'ɗwanyi-sǝle arǝ nakia acau mǝɓane.

1 Bitǝrus 3:17

Nǝ̀ ɓoaribanì ɓǝ̀ ɓwa tanni ace pak gir mǝɓoarne, ɓǝ̀ mǝno nda eare mala Ɓakuli ka, amur mǝnana ɓwa ɓǝ̀ tanni ace ɓealɓikea ka!

1 Bitǝrus 3:20

Amǝnia ka, à ndaka abangŋo mǝnana à mgbiki Ɓakuli kiru a pwaryan a nza mala Nuhu, a baku mǝnana Nuhu na aban shar nggea waru male, sǝ Ɓakuli na arǝ kundǝo nǝ́ munyi ka. Kǝ aɓwana tongno-nong-tārú na à amsǝia amǝno yì nggea-murgula ka.