1 Bitǝrus 4:17 - Maləmce Məfele mala Ɓakuli: Kurcau Məbəshe

¹⁷ Pwari mala ɓashi karǝna, sǝ ndo nǝ̀ tite nǝ ɓáɓala mala Ɓakuli; sǝ ɓǝ̀ ɓashi tite arǝ sǝm ngga, lang sǝ masǝlǝate nǝ̀ pangnǝ aɓwana mǝnana à mgbikiru nǝ Cau Amsǝban mala Ɓakuli ka?

1 Bitǝrus 4:17 ပူးပေါင်းရင်းမြစ်များ

Luka 23:31

Ɓǝ̀ ɓwapǝndǝa kǝ pak amǝnia yì agir, mǝnana nggun na andǝa pwale ka, lang sǝ nǝ̀ pa, yi mǝnana ɓǝ̀ imǝna ka?

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

Amǝ Roma 2:9

Nggea tanni nakam andǝ rǝpina amur aɓwana mǝnana à lidǝmbǝa nǝ gya aɓa ɓealɓikea ka. Nǝ̀ tite nǝ ɓwa Yahudi sǝ ɓwa mǝnana ɓwa Yahudi na raka.

Amǝ Galati 3:1

Wun amǝ Galati mǝnana wu gǝmi ka. Yana ɓwe pyauta wun? Nda àkǝ̀ ɓamǝsǝ wun sǝ à bǝlki ce lú mala Yesu Kǝrǝsti amur nggun-gangndi.

Amǝ Galati 5:7

Wu tite ka, wu nda arǝ lidǝmbǝa pepe. Sǝ yana yi tamsǝ wun ɗǝm arǝ kpata mǝsǝcau?

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

Amǝ Ibǝru 11:8

Paɓamuru mala Ibǝrayim aban Ɓakuli na ci sǝ oki Ɓakuli, yì mǝnana Ɓakuli tunǝi ɓǝ̀ purî nzali male, ɓǝ̀ o a ɓe nzali mǝnana bangŋa ama nǝ̀ ngga pe wi ɓǝ̀ duk male ka. Sǝ nying nzali-lá male aban o, kat andǝ amani ama surǝ ban mǝno kákiyi kam ngga raka.

Amǝ Ibǝru 2:2

Ɓǝ̀ cau mǝnana amǝturonjar ne ka, kum came kàngkàng, sǝ koya yàl nzongcau andǝ mgbicau ka, à kum tangnakusǝu mǝnana karǝ a rǝia ka,

Amǝ Ibǝru 2:4

Ɓakuli gbal ka, pu nzǝm cau malea nǝ agir-lǝmndǝa, andǝ agir-gyambǝliban, andǝ agir-ndǝlǝki ɗàngɗáng, andǝ aɓoro mala Bangŋo Mǝfele mǝnana gakia kǝla mana bumi kani wi ka.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.