1 Bitǝrus 4:13 - Maləmce Məfele mala Ɓakuli: Kurcau Məbəshe

¹³ A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Bitǝrus 4:13 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 25:21

Ɓwamǝgule male ne wi ama, “À pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 25:23

Ɓwamǝgule male ne wi ama, “A pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 5:12

Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kuli. Anggo sǝ à pe amǝ'ɓangna mala Ɓakuli mǝnana à aka wun dǝmbǝa ka tanni.

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 17:30

Anggo sǝ nǝ̀ kumban a pwari mǝnana Muna Mala Ɓwa nǝ̀ yia pusǝna rǝì nǝi ka.

Amǝ Mishan 16:25

Nǝ ɓadu ka Bulǝs andǝ Silas camarǝ pak hiwi, sǝ à kǝ tukia anggyal aban Ɓakuli, sǝ acili aɓwana mana à girria andǝia ka, à kwaki kiria à kǝ oea.

Amǝ Mishan 5:41

Lang amǝ'mishan nying bania ka, à pak banɓoarnado, acemǝnana Ɓakuli sǝnǝnia ama à karǝna nutanni ace lullǝ Yesu.

Amǝ Roma 5:3

Ban kǝ ɓoara sǝm gbal, yi mǝnana ɓǝ̀ sǝm kuti aɓalǝ atanni ka. Acemǝnana sǝm sǝlǝna ama tanni ka, nǝ̀ yina sǝm nǝ do gandǝrǝu,

Amǝ Roma 8:17

Sǝ acemǝnana sǝm nda ka amuna male ka, sǝm nǝ̀ kum banì ma'sǝm mala liɓala male, mǝnana ci ace aɓwana male ka. Ɗǝm ngga, sǝm nǝ̀ kum sǝnǝa Yesu, gir mǝnana kat Ɓakuli ci ace ka. Ɓǝ̀ kàngkàng sǝm nu tanni ata Kǝrǝsti ulang mǝnana nu ka, sǝm nǝ̀ kum gbal aɓa male yì gulo.

Amǝ Roma 8:18

Ən nggǝ sǝni, atanni mǝno sǝm nggǝ nu ado ka, à kārǝa à nǝ̀ kārǝia arǝ gulo mǝnana à nǝ̀ ngga lǝmndǝa sǝmi nǝ nzǝmo ka ɗang.

2 Amǝ Korinti 1:5

Sǝ kǝla mǝnana sǝm nggǝ nu tanni kpǝm ata Kǝrǝsti ka, anggo gbal sǝ sǝm nǝ̀ kum girikiban kpǝm nǝ bu Kǝrǝsti.

2 Amǝ Korinti 1:7

Tsǝkɓalǝu ma'sǝm arǝ came ma'wun kàngkàng ngga kǝ dǝurǝ ɗang, acemǝnana sǝm sǝlǝna ama, kǝla mǝnana wu kǝ nu tanni ata sǝm ngga, anggo gbal sǝ wu nǝ̀ kum girikiban ata sǝm.

2 Amǝ Korinti 4:10

Sǝm dukdo mala aɓwana mǝnana à wuna aɓa nggūrǝu sǝm sǝnǝa Yesu ko aya pwari ka, ace mǝnana do male nǝ yilǝmu gbal ka à nǝ̀ sǝni aɓa nggurǝ sǝm.

2 Amǝ Korinti 4:17

Amǝnia yì atanni ma'sǝm mǝkeke mana bania pà nǝ̀ sau raka, à nda ban gilǝki sǝm ace kum ɓoarɓwa mǝnana málá male pà kàm ɗang, sǝ gulo male ka kǝ ɓe pà kàm à nǝ̀ kani a rǝi ɗang.

Amǝ Filipi 3:10

Ən nggǝ earce surǝ Kǝrǝsti andǝ rǝcandǝa mǝnana loasǝi a ɓembe ka. Ən earǝna mǝ kum kāmbe mem aɓa nu tanni ate, mǝ nǝ wú a cau male,

Amǝ Kolosi 1:24

Sǝ ado ka ban kǝ ɓoaram arǝ tanni mǝnana ǝn nggǝ nu ace wun ngga. Acemǝnana aɓa tanni mem a nggūrǝu ka, mǝ nda ban ɓariki mǝ lumsǝkun gir mǝnana ueo aɓa tanni mala Kǝrǝsti ace nggūrǝi, yì amǝkpate.

2 Timoti 2:12

Ɓǝ̀ sǝm twal gandǝrǝu aɓa tanni ka, sǝm nǝ̀ duk amurǝma ate. Ɓǝ̀ sǝm tǝmce surǝe ka, yì gbal ka, nǝ̀ tǝmce surǝ sǝm.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 2:21

Nda àkǝ̀ ce mǝnia ka sǝ Ɓakuli tunǝ wun, acemǝnana Kǝrǝsti gbal ka, nu tanni ace wun sǝ nyingga wuni kǝla girkani, ace mǝnana ɓǝ̀ wu twal kusǝì ka.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.