1 Bitǝrus 4:11 - Maləmce Məfele mala Ɓakuli: Kurcau Məbəshe

¹¹ Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.

1 Bitǝrus 4:11 ပူးပေါင်းရင်းမြစ်များ

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Yohana 13:31

Anzǝm mana Yahuda nyingŋǝna banì ka, Yesu na ama: Ado ka pwari karǝna mǝnana Muna mala Ɓwa nǝ̀ kutio aɓa gulo male ka, sǝ Ɓakuli ka, nǝ̀ kum gulo ata kusǝì.

Amǝ Mishan 7:38

Yì Musa ka, nda ata amǝ Isǝrayila aban rambǝa a njarnza; ndakam akano ata aká sǝm a tarǝia andǝ mǝturonjar mala Ɓakuli mǝnana na cau nǝi a Nkono Saina, sǝ ak acau mǝpà yilǝmuì, ace yinǝia aban sǝm.

Amǝ Roma 11:36

Agirbunda kat ka, à pur nǝ bani, sǝ nǝ rǝcandǝa male sǝ agir kat pa, sǝ à nda ace gulo male. Gulo kat ka, ɓǝ̀ duk male masǝlǝate pà kàm ɗang! Amin.

Amǝ Roma 12:3

Nǝ ɓwamuru mǝnana à pam ngga, ǝn nggǝ zǝmbǝi koyan ata wun ngga, ɓǝ̀ kǝa twal ɓamuri kǝrkǝr ɓǝ̀ kuti bancame male ɗang. Ɓǝ̀ ɗenyicau mala koya ɓwa ka, ɓǝ̀ karǝ arǝ paɓamuru male mǝnana Ɓakuli pe wi ka.

Amǝ Roma 16:27

Aban kǝ Ɓakuli nǝmurǝì, mǝnana kǝ yì mwashat nda mǝsǝle kat ka, ɓǝ̀ gulo pa, nǝ bu Yesu Kǝrǝsti, málá male pà kàm ɗang! Amin.

Amǝ Roma 3:2

E, duk ɓwa Yahudi ka agir mǝɓoarne nakam kpem a ɓalǝi! A tite ka Ɓakuli pea amǝ Yahudi acau male a buia.

1 Amǝ Korinti 10:31

Sǝ ko ɓǝ̀ girlina na a nǝ li, ko a nǝ nu ka, ko ɓǝ̀ mana a nǝ pak kat ka, pe ace gusǝlǝ lullǝ Ɓakuli.

1 Amǝ Korinti 12:4

Aɓoro mala bangŋo na kam ɗàngɗáng, sǝa ma tǝria ka pur nǝban Bangŋo Mǝfele.

1 Amǝ Korinti 3:10

Nǝ ɓwamuru mala Ɓakuli mǝnana lǝmndǝam ngga, ǝn pak turo a pe mala mǝsǝlǝɓa, ǝn tsǝk kusǝɓǎ, sǝ ɓeɓwa yiu kǝ ɓak ɓa amuri. Sǝ koyan aɓalǝ sǝm ngga ɓǝ̀ tsǝk kiri, ɓǝ̀ ɗenyi nǝ ulang ɓa mǝnana kǝ ɓak ka.

1 Amǝ Korinti 6:20

Yesu kúr wun nǝ gǝna mǝkǝrkǝr nì. Ace mani ka, wu gusǝlǝ Ɓakuli nǝ nggūrǝ wun.

2 Amǝ Korinti 2:17

Sǝm pa kǝla acilia aɓwana, mǝnana à twal cau mala Ɓakuli gir nggaliki na ka ɗang. Sǝm, aɓa tárǝu ma'sǝm sǝnǝa Kǝrǝsti ka, sǝm nggǝ hamnǝ cau nǝ ɓabum sǝm mwashat a ɓadǝm Ɓakuli, kǝla aɓwana mǝnana Ɓakuli nǝ̀ turia ka.

2 Amǝ Korinti 9:13

Sǝ ace mǝnia yì gir mǝɓoarne turo ma'wun lǝmndǝi ka, aɓwana nǝ̀ pe Ɓakuli gulo. Mǝnbu ma'wun aɓa gaugir wunǝia andǝ acili aɓwana ka, nǝ̀ lǝmndǝ pa ɓamuru ma'wun aɓata Cau Amsǝban mala Kǝrǝsti, mǝnana wu bangce a ɓadǝmbǝ aɓwana ka.

Amǝ Afisu 1:19

Ɗǝm ngga, ǝn nggǝ pak hiwi ama ɓǝ̀ wu bwalta gulo mala rǝcandǝa mala Ɓakuli mana à pà nǝ̀ gandǝ kane arǝ kǝ ɓe raka, mǝnana ndanǝi ace sǝm, sǝm mǝnana sǝm pa ɓamur sǝm abani ka. Mǝnia yì rǝcandǝa mana Ɓakuli kǝ pangŋǝna turo nǝi aɓalǝ sǝm ngga, nda kǝ rǝcandǝa

Amǝ Afisu 4:29

Wu kǝa eare cau mǝɓane ɓǝ̀ pur a kun wun ɗang. Wu kǝ na cau mǝnana nǝ̀ ɓakban ngga, ace mǝnana ɓǝa amǝ'oe ɓǝa kum ɓwamuru a ɓalǝi.

Amǝ Afisu 5:20

Wu kǝ pakki Ɓakuli Tarrû yàwá amur koya gir, a koya bu-pwari ka, aɓa lullǝ Mǝtala sǝm Yesu Kǝrǝsti.

Amǝ Afisu 6:10

A masǝlǝate ka, wu tamsǝ kusǝ wun kàngkàng aɓa do kpapi ma'wun wunǝ Mǝtalabangŋo andǝ ɓa rǝcandǝa male.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

Amǝ Kolosi 4:6

Cau mǝnana nǝ̀ puro a kun wun ngga, ɓǝ̀ pa aɓa ɓuɓɓuka mala ɗenyi nǝ ɓwa, sǝ ɓǝ̀ ɓoari ɓwapǝndǝa o, ace mǝnana anggo sǝ wu nǝ̀ surǝ lang sǝ wu nǝ̀ pǝlǝi koyan ngga cau, mana ɓǝa ɗi wun ngga.

1 Amǝ Tasalonika 2:4

Sǝm ngga, sǝm nggǝ na cau kǝla aɓwana mǝnana Ɓakuli earnǝ sǝm sǝ nyingga sǝm turo hamnǝ Cau Amsǝban a bu sǝm ngga. Sǝ sǝm pà aban pe ace mǝnana ɓǝa ɓwapǝndǝa ɓwangsǝ sǝm ngga ɗang; sǝm nggǝ pê ace pwasǝ ɓabum Ɓakuli mǝnana kǝ pelǝki ɓabum sǝm ngga.

1 Timoti 1:17

Adyan ngga, gulo andǝ ɓoarɓwa kat ka, mala Ɓakuli na, mana málá male pà kàm raka. Yì mǝnana nda Murǝm mala anza kat, sǝ pà nǝ̀ wu ɗang, yale ɓwapǝndǝa pa nǝ̀ gandǝ sǝne raka, kǝ yì mwashat nda Ɓakuli. Amin.

1 Timoti 6:16

Kǝ yì mwashat, nda mǝnana pà nǝ̀ wu raka, sǝ ban-do male ka, nda aɓa tǎlaban mǝcande mana kǝɓwa pà nǝ̀ gandǝ sungŋo abani raka. Kǝ mǝsǝu malaká sǝni ɗang, sǝ kǝ ɓe pà kàm nǝ̀ sǝni ɗang. Abani kat, sǝ gulo andǝ rǝcandǝa mǝnana málá male pà kàm raka, pa! Amin.

Titus 2:1

Sǝ we, Titus ka, dumǝna púp a nǝ kànì gir mǝnana nda a tarǝia andǝ kanigir mǝɓoarne mala dokpata Ɓakuli ka.

Titus 2:15

Amǝnia ka, à ndaka gir mǝnana a nǝ kànì aɓwana ka. Ɓak ɓabumia ɓǝa kpatea. A ndanǝ rǝcandǝa mala kwarkir aɓwana, kǝa eare ɓǝ̀ kǝɓwa ɓǝsǝkio ɗang.

Amǝ Ibǝru 13:7

Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

Amǝ Ibǝru 5:12

Wu sauwuna aɓa kpata Yesu, ɓǝ́ ado ka, ɓoaro wu dumǝna amǝkani aɓea ɓwana gir. Sǝ ndo wu ndarǝ kundǝarǝ ɓe ɓwa ɓǝ̀ kǝ̀ kania wun amunacau mǝkeke aɓa cau mala Ɓakuli. Wu nda kǝla abangna-muna; mùr-kiura na wu earkiyi ce ka, wu gandǝ li girlina mǝcande ɗang.

Jemis 1:19

Wun amǝ'eambǝam aɓa earcearǝu, wu parkir wun arǝ mǝnia ka: koyan ngga ɓǝ̀ kaurǝa ta okcau, ɓǝ̀ dǝndi arǝ nacau, sǝ ɓǝ̀ dǝndi arǝ pak bumlulla.

Jemis 1:26

Ɓǝ̀ kǝɓwa kǝ ne ɓamuri ama yì ka, mǝkpata Ɓakuli na, sǝ bwal kuni raka, ɓwarkina aɓa ɗenyicau male. Kpata Ɓakuli male ka mǝɓane na.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Bitǝrus 4:10

Ɓakuli panì koyan ngga ɓoro mala sǝlǝ pak ɓe kǝgir. Ace mani ka, ko yan ngga ɓǝ̀ pakturo nǝ male yi ɓoro ace pakkia acilia ɓwana gbasha, ace mǝnana ɓǝ̀ sǝm duk aɓwana mǝnana Ɓakuli earnǝia arǝ tsǝkir aɓoro male mǝnana à ndakam ɗàngɗáng ngga.

1 Bitǝrus 4:16

Ɓǝ̀ ɓwa nu tanni acemǝnana yì ka, mala Kǝrǝsti na ka, gir kǝsǝkya na ɗang. Ɓwangsǝ Ɓakuli, acemǝnana à kǝ tunǝo nǝ lullǝi ka.

1 Bitǝrus 5:11

Rǝcandǝa kat ka, abani sǝ pa, málá male pà kàm ɗang. Amin.

Yahuda 1:25

Gulo kat ka, ɓǝa pe wi, yì Ɓakuli mwashat, Mǝ'amsǝ sǝm nǝ bu Yesu Kǝrǝsti Mǝtala sǝm. Nggearǝ ɓoarɓwa, andǝ gulo, andǝ rǝcandǝa, andǝ murǝm ngga, male na ɓara-ɓara, arǝ anza mǝnana à kutikina ka, ba adyan, andǝ dǝmbǝa. Amin.