1 Bitǝrus 3:9 - Maləmce Məfele mala Ɓakuli: Kurcau Məbəshe

⁹ Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

1 Bitǝrus 3:9 ပူးပေါင်းရင်းမြစ်များ

Matiu 19:29

Sǝ ɓwa mǝnana kat nying ɓala ko amǝ'eambǝu andǝ amǝnggaula, ko tarrû, ko nggeau, ko amuna, ko anzali, ace lullǝam ngga, nǝ̀ kumia kusǝ gbǝman. Sǝ nǝ̀ kum yilǝmu mǝnana málá male pà kàm raka.

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Matiu 5:39

Sǝ mim ngga ǝn nggǝ na wun ama, kǝa nyesǝ mǝɓane a kun mǝɓane mǝnana à pakko ka ɗang. Ɓǝ̀ ɓwa kweo a takiro mǝli ka, pǝlǝi wi ɓe takiro.

Matiu 5:44

Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pak hiwi ace aɓwana mǝnana à ɓinǝ mǝsǝ wun sǝ à kǝ pa wun tanni ka.

Markus 10:17

Lang Yesu longŋǝna nǝ̀ o ka, ɓeɓwa ɓangŋa ate kya kūndǝo a ɓadǝmbǝi, sǝ zǝmbǝi wi ama, “Malǝm mǝɓoarne, mana gir ni mǝ nǝ pa sǝ mǝ nǝ kum yilǝmu mǝnana málá male pà kàm raka?”

Luka 10:25

A ɓe kǝ pwari ka, ɓe mǝsǝlǝ Nggurcau mala Musa lo nǝ̀ karǝki Yesu. Pǝlǝa ɗi ama, “Malǝm, mana mǝ nǝ pa sǝ mǝ nǝ kum yilǝmu mǝnana málá male pà kàm raka?”

Luka 18:18

Ɓe ɓwamǝgule mala amǝ Yahudi mǝkume ɗi ama, “Malǝm mǝɓoarne, mana gir ni na mǝ nǝ pa sǝ mǝ nǝ kum yilǝmu mǝnana málá male pà kàm raka?”

Amǝ Roma 12:14

Wu tsǝki aɓwana mǝnana à kǝ pa wun tanni ka bu; wu tsǝkia wia bu, ce wu suia ɗang.

Amǝ Roma 12:17

Ce wu nyesǝi kǝ ɓwa ɓealɓikea ace ɓealɓikea ɗang. Wu pak gir mǝnana nǝ̀ lǝmndǝì aɓwana kat pemǝɓoarne ma'wun ngga.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

Amǝ Roma 8:30

Sǝ aɓwana mǝnana Ɓakuli tària ka, à nda ka amǝnana gbal tunǝia ka, sǝ aɓwana mǝnana tunǝia ka, angŋǝnia, à dumǝna aɓwana amǝ'cauɓoarna abani, sǝ aɓwana mǝnana angŋǝnia ka, à nda gbal yinǝia aɓa kum gulo male ka.

Amǝ Galati 3:14

Kǝrǝsti akmúr sǝm ace mǝnana tsǝkbu mǝ'mwashati mǝnana Ɓakuli banggi Ibǝrayim ama nǝ̀ tsǝki wi ka, ɓǝ̀ yiu amur aɓwana arǝ anzali kat, nǝ bu Kǝrǝsti Yesu. Acemǝnana sǝm mana sǝm ndaka amǝkwaɗi ka, sǝm nǝ̀ gandǝ ak pacau mala Bangŋo Mǝfele nǝ paɓamuru.

Amǝ Afisu 4:32

Wu lǝmndǝì arǝ wun pe mǝɓoarne andǝ ɓuɓɓuka, wu sǝn mǝsǝswatǝr mala rǝarǝ wun, wu twali arǝ wun banì, kǝla mǝnana Ɓakuli twala wun banì aɓa kpapi ma'wun wunǝa Kǝrǝsti ka.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

Amǝ Ibǝru 12:17

Wu sǝlǝna ama nǝ nzǝmo ka, yi earce ama ɓǝa pe wi tsǝkbu mala tarrí; sǝa ma à ginǝi wi, acemǝnana kum njar mala nggaɗi gir mǝnana ak dǝmbǝa pè ka ɗang, kat andǝ amani ama alta mǝnia yì tsǝkbu nǝ mǝrǝm a mǝsǝì ka.

Amǝ Ibǝru 6:14

Kan ama, “Ɓafo, mǝ nǝ tsǝko bu, sǝ mǝ nǝ tsǝk amǝkeo ɓǝa lakki pas.”

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.