1 Bitǝrus 3:22 - Maləmce Məfele mala Ɓakuli: Kurcau Məbəshe

²² Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

1 Bitǝrus 3:22 ပူးပေါင်းရင်းမြစ်များ

Matiu 22:44

“ ‘Mǝtalabangŋo ne Mǝtalem ama: Do a buam mǝli, she ɓǝ̀ ǝn tsǝngŋǝna aɓeo-amǝbura aɓata kusǝo ka.’

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Markus 12:36

Dauda nǝ nggearǝì ka, na cau aɓa Bangŋo Mǝfele ama: “Mǝtalabangŋo ne Mǝtalem ama, ‘Do a buno gulo, ata buam mǝli she ɓǝ̀ ǝn nyesǝna aɓeo amǝbura a ɓakusǝo ka.’

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Luka 20:42

Dauda nǝ nggearǝì ka bangŋa aɓa malǝmce mala Anggyal ama, “ ‘Ɓakuli, Mǝtalabangŋo, ne Mǝtalem ama, Do a buam mǝli

Yohana 13:32

Sǝ acemǝnana Ɓakuli nǝ̀ kum gulo ata kusǝ Muni ka, banì pà nǝ̀ sau ɗang, Ɓakuli nǝ̀ pe Muni gulo.

Amǝ Mishan 1:11

Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Roma 8:34

Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le?

Amǝ Roma 8:38

Ən earǝna nǝi a ɓabumam ama kǝgir pà nǝ̀ gau sǝm sǝnǝa earcearǝu mala Ɓakuli ɗang. Ko ɓǝ̀ lú na, ko auwa, ko amǝturonjar, ko arǝcandǝa mala akukwar, ko ɓǝ̀ ya rǝcandǝa nani ka, à karǝa à nǝ̀ gau sǝm ɗang. Ko ɓǝ̀ agir mǝnana à kǝ kumban a nza man, ko a nza mǝno nǝ̀ yiu ka,

1 Amǝ Korinti 15:24

Anzǝm mǝno ka, sǝ masǝlǝate nǝ̀ yiu; anggo ka, Kǝrǝsti nyesǝna domurǝm pani Ɓakuli Tarrû, anzǝm mǝnana kiɗikina koya yalmuru, andǝ koya garamurǝm, andǝ koya rǝcandǝa ka.

Amǝ Kolosi 3:1

Acemǝnana à loasǝna wun nǝ bǝsa yilǝmu aɓa Kǝrǝsti ka, wu tsǝk ɓabum wun arǝ agir mǝnana a kuli, aban mǝnana Kǝrǝsti dukam abuno gulo a bu-mǝli mala Ɓakuli ka.

Amǝ Ibǝru 1:13

Ata amǝturonjar ka, yana Ɓakuli ne wi àkǝ̀ pwari ama, “Do a buam-mǝlì, she ɓǝ̀ ǝn nyesǝna aɓeo-amǝbura à pǝlǝna buno-tsǝk kusǝu a ɓakusǝo ka?”

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 1:6

Ɗǝm ngga, mǝnana Ɓakuli yinǝ Muna-dǝmbǝa male a ɓanza ka, na ama, “Amǝturonjar mala Ɓakuli kat ka, ɓǝa peri abani.”

Amǝ Ibǝru 10:12

Sǝ Kǝrǝsti ka, pa ɓamuri kǝla gir'nkila kusǝ mwashat ɓǝrɓǝr ace acauɓikea, pàɓoro mǝnana karǝna ace twalban cauɓikea, málá male pà kàm raka, pǝlǝa ɓùn tè do a bu-mǝli mala Ɓakuli.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

Amǝ Ibǝru 6:20

Yesu angŋa dǝmbǝa warina kam ace sǝm. Dumǝna Pǝris Mǝgule mǝnana dobuno-pǝris male pà nǝ̀ mal raka, kǝla mala Melkizedek.

Amǝ Ibǝru 8:1

Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

Amǝ Ibǝru 9:24

Pà aɓa ban mǝfele mǝnana bu ɓwapǝndǝa nǝ pè ka sǝ Kǝrǝsti kuti ɗang. Mǝno ka yilǝmi gir mǝɓafoe na. Yì ka, kutio a nggearǝ kuli, ace lǝmndǝ rǝì ado a ɓadǝm Ɓakuli a kúnì sǝm.