1 Bitǝrus 3:20 - Maləmce Məfele mala Ɓakuli: Kurcau Məbəshe

²⁰ Amǝnia ka, à ndaka abangŋo mǝnana à mgbiki Ɓakuli kiru a pwaryan a nza mala Nuhu, a baku mǝnana Nuhu na aban shar nggea waru male, sǝ Ɓakuli na arǝ kundǝo nǝ́ munyi ka. Kǝ aɓwana tongno-nong-tārú na à amsǝia amǝno yì nggea-murgula ka.

1 Bitǝrus 3:20 ပူးပေါင်းရင်းမြစ်များ

Matiu 7:14

Sǝ kunɓala ká yilǝmu ka mǝɓweari na, sǝ tanjari ka mǝkwane na. Aɓwana mǝnana à kǝ kumi ka, à lakki ɗang.

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Amǝ Mishan 2:41

Aɓwana mǝnana à akcau mala Ɓakuli ka, à pakkia wia batisǝma. Laki mala mǝnia yì aɓwana, à tsǝa amur lakki mala amǝkpata Yesu a pwari mǝno ka à nda á-tārú.

Amǝ Roma 9:22

Anggo gbal, ɓǝ̀ Ɓakuli earce ka, nǝ̀ gandǝ ukki bumlulla male amur aɓwana, sǝ nǝ̀ lǝmndǝ rǝcandǝa male. Sǝa ma yì ka, pak munyi nǝ gandǝrǝu nǝ aɓwana mǝnana ɓoaro ɓǝ̀ lǝmndǝia wia bumlulla ka, yia mǝnana à dupi ká kìɗìkì ka.

Amǝ Afisu 5:26

Kǝrǝsti pa yilǝmi ace mǝnana ɓǝ̀ tar aɓwana male, yì ikǝlisiya, ɓǝa duk a mala Ɓakuli, nǝ̀ nggǝ lea nǝ mur lakban mala cau mala Ɓakuli.

Amǝ Ibǝru 11:7

Paɓamuru mala Nuhu aban Ɓakuli na ci sǝ kpata nunkiru mala Ɓakuli amur agir mǝnana à kǝ yiu a dǝmbǝa, gandǝ sǝnia raka. Lo nǝ ɓangciu mala pagulo aban Ɓakuli, gballì nggea waru ace amsǝ amǝ ɓala male. Nǝ mǝnia ka, yinǝ kasǝ-ɓashi amur ɓanza, pǝlǝa Ɓakuli é mǝ'cauɓoarna na, akban mǝnana à kǝ kumi nǝ paɓamuru ka.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 1:9

Wu ndanǝ ulang man yì banɓoarnado ka acemǝnana wu nda rǝ kum tangnakusǝu mala paɓamuru ma'wun abaní, yi amsǝban mala ayilǝmi wun.

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Bitǝrus 3:19

Sǝ aɓa pa male anggo aɓa bangŋo ka wario kya hama aban abangŋo mǝnana à nda kùrban ngga.

1 Bitǝrus 4:19

Ace mani ka, ɓǝ̀ wu nda ban tanni aɓa kane mala Ɓakuli ka, wu lidǝmbǝa aɓa pak gir mǝnana nda a nzongŋi ka, sǝ wu nying ayilǝmi wun a ɓabu Ɓakuli mǝnana pusǝ wun ngga, acemǝnana yì ka, pà nǝ̀ pà wun kǝsǝkya ɗang.

2 Bitǝrus 2:5

Sǝ aɓwana mǝnana a ɓanza mana ɗiɗyal ka, Ɓakuli sǝn mǝsǝswatǝr malea ɗang, she kǝ Nuhu mǝ hamnǝ cau mala do-ɓealɓoarna andǝ aɓea aɓwana tongno-nong-ɓari na. Ɓakuli amsǝia a baku mǝnana yinǝ nggea-murgula amur ɓanza mala amǝ'cauɓikea ka.

2 Bitǝrus 3:15

Wu ɗenyi ama, munyi mala Mǝtalabangŋo ka, nda rǝ pe ɓwapǝndǝa dǝmbǝu ɓǝ̀ kum amsǝban. Mǝnia ka, nda gir mǝnana mǝ'eamrǝarǝu Bulǝs gbal ka gilǝa wun nǝ sǝlǝe mǝnana Ɓakuli pe wi ka.