1 Bitǝrus 3:18 - Maləmce Məfele mala Ɓakuli: Kurcau Məbəshe

¹⁸ Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Bitǝrus 3:18 ပူးပေါင်းရင်းမြစ်များ

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Yohana 16:10

Nǝ̀ lǝmndǝìa wia ɓwarkio malea amur gir mana nda pepè a njari ka, acemǝnana mǝ ndo mǝ nǝ nyare mǝ nǝ o aban Tárram, sǝ pà wu nǝ̀ sǝnam ɗǝm.

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 3:14

Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.

Amǝ Roma 1:4

Sǝ à yì lǝmndǝí, Muna mala Ɓakuli na, nǝ loasǝo mǝnana à loasǝi a ɓembe nǝ rǝcandǝa mala Bangŋo Mǝfele ka. Yì nda Yesu Kǝrǝsti Mǝtala sǝm.

Amǝ Roma 4:25

À twali à pea aɓwana ɓǝà wal-luí ace acauɓikea ma'sǝm, sǝ à yì loasǝi nǝ yilǝmu ace mǝnana ɓǝà pǝlǝ sǝm ɓǝ̀ sǝm duk amǝ'cauɓoarna aban Ɓakuli.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Roma 8:11

Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

2 Amǝ Korinti 1:24

Sǝm pa aban ɓariki ama sǝm nǝ̀ tsǝk wun ɓǝ̀ wu kpata gir mǝnana sǝm earkiyice amur paɓamuru ma'wun ngga ɗang; a kun mani ka sǝm ndarǝ pak turo sǝnǝa wun ace banɓoarnado ma'wun. Acemǝnana paɓamuru ma'wun na tsǝa sǝ wu cam kàngkàng ngga.

2 Amǝ Korinti 13:4

Kat andǝ amani ama à gballì a nggun-gangndi aɓa rǝwukya ka, ado ka, ndanǝ yilǝmu nǝ rǝcandǝa mala Ɓakuli. Sǝm gbal ka, sǝm ndanǝ rǝwukya, sǝa ma aɓa do ma'sǝm aɓa Kǝrǝsti ka, sǝm ndanǝ rǝcandǝa mala Ɓakuli mǝnana sǝm nggǝ pakka wun turo nǝi ka.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 1:4

Yesu pa yilǝmi ace acauɓikea ma'sǝm, kǝla mǝnana Ɓakuli Tar sǝm kani ka, ace mǝnana ɓǝ̀ amsǝ sǝm, a bu mǝnia yì nza mǝɓealɓike sǝm nda a ɓalǝi ka.

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

Amǝ Afisu 3:12

Aɓa kpapi ma'sǝm sǝnǝa Kǝrǝsti andǝ paɓamuru ma'sǝm abani ka, sǝm nǝ̀ gandǝ yiu a ɓadǝm Ɓakuli nǝ mǝsǝkang-kangŋa andǝ guliarǝu.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Jemis 5:6

Wu kumsǝna kun amǝ'kunpwasǝa a ɓashi, wu walna luia, yia mǝnana à pànǝ kǝ cau arǝ wun raka.

1 Bitǝrus 3:19

Sǝ aɓa pa male anggo aɓa bangŋo ka wario kya hama aban abangŋo mǝnana à nda kùrban ngga.

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.

1 Bitǝrus 4:6

Nda gir mǝnana tsǝa sǝ à hamnǝ Cau Mǝɓoarne gbal aban aɓwana mǝnana à wuna ado ka, ace mǝnana yia ka, ɓǝa ɓashia wia kǝla aɓwapǝndǝa aɓa nggūrǝu, sǝ ɓǝa dum nǝ yilǝmu aɓa bangŋo aban Ɓakuli.

1 Yohana 1:9

Sǝa ma ɓǝ̀ sǝm bang acauɓikea ma'sǝm ngga, yì ka, mǝ'mǝsǝcau na, mǝɓealɓoarna na, mǝnana nǝ twala sǝm ban acauɓikea ma'sǝm, sǝ nǝ̀ lak sǝm aɓalǝ aɓealɓikea ma'sǝm kat ka.