1 Bitǝrus 3:13 - Maləmce Məfele mala Ɓakuli: Kurcau Məbəshe

¹³ Yana ɓwe na nǝ̀ pakka wun kǝgir, yi mǝnana rǝ wun nǝ̀ nggǝ ɓǝla arǝ pak gir mǝɓoarne ka?

1 Bitǝrus 3:13 ပူးပေါင်းရင်းမြစ်များ

Amǝ Roma 13:3

Ayalban ngga à cia ace pa ɓangciu aban aɓwana mǝnana à kǝ pak mǝɓoarne ka ɗang, she aban amǝ'ɓealɓikea. Ɓǝ̀ a kǝ́ earce ama a pà nǝ dum nǝ ɓangciu a rǝia raka, pak gir mǝnana mǝɓoarne na ka, sǝ yia ka à nǝ̀ ɓwangsǝo.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

1 Amǝ Korinti 14:1

Ɓǝ̀ earcearǝu duk gir mǝnana nda wu nǝ̀ ɓangŋa ate amur acili agir ka, sǝ ɓǝ̀ rǝ wun ɓǝla arǝ kum aɓoro mala Bangŋo, nggeamurǝmi ka ɓoro mala na gì Ɓakuli.

Amǝ Afisu 5:1

Acemǝnana wu nda ka amuna mala Ɓakuli ka, ɓǝ̀ mana wu nǝ̀ pak ka wu kànì arǝ Ɓakuli.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.