1 Bitǝrus 3:1 - Maləmce Məfele mala Ɓakuli: Kurcau Məbəshe

¹ Anggo gbal, wun amanɓala ka, wu pà ɓamur rǝ wun aɓata abura wun, ace mǝnana ɓǝ̀ aɓea ɓwana nakam atea mǝnana à earnǝ Cau Amsǝban raka, ɓeal wun nǝ nunia à nǝ̀ pà ɓamuria. Pà nǝ̀ do ama she ɓǝ̀ wu naná kǝ cau ka ɗang,

1 Bitǝrus 3:1 ပူးပေါင်းရင်းမြစ်များ

Matiu 18:15

Ɓǝ̀ mǝ'eambǝo pakko cauɓikea ka, kya bani nǝmurǝo lǝmndǝì wi cauɓikea male, a nre wun ɓari. Ɓǝ̀ oako ka, a nyesǝna mǝ'eambǝo a tanjar.

Amǝ Roma 10:16

Sǝa ma aɓwana kat sǝ ak man yì Cau Amsǝban ngga ɗang. Acemǝnana Ishaya, mǝɓangna mala Ɓakuli nǝ ɓamuri ka, bangŋa ama: “Mǝtalabangŋo, ya ɓwa na earnǝ cau mana sǝm hamnǝi ka?”

Amǝ Roma 6:17

Ɓǝ̀ sǝm pakki Ɓakuli yàwá ama, wun mǝnana ɗiɗyal, wu nda ka aguro mala cauɓikea ka, adyan ngga, wu kpana ata mǝsǝcau mǝnana wu kumi aɓa kanigir ka, nǝ ɓabum wun kat.

Amǝ Roma 7:2

Wu sǝni ani: à nê mala Nggurcau ka, mɓwama pa nǝ̀ nying burri ɗang, yi mana ɓǝ̀ burri nanǝ yilǝmu ka. Sǝ ɓǝ̀ burri wu ka, mɓwame purni mǝno yì Nggurcau mala doɓala ka.

1 Amǝ Korinti 11:3

Ado ka ǝn nggǝ earce ɓǝ̀ wu sǝlǝ ama, múr koya ɓwabura ka, nda Kǝrǝsti, múr koya mɓwama ka, nda ɓwabura, sǝ múr Kǝrǝsti ka, nda Ɓakuli.

1 Amǝ Korinti 14:34

amamǝna ɓǝa do kunia ɗǝong aban koya dapi mala ikǝlisiya, acemǝnana à earia wia ɓǝà na cau ɗang. Akuni ka ɓǝà do aɓa nyesǝmuru kǝla mǝnana Nggurcau mala Musa kànì ka.

1 Amǝ Korinti 7:16

We mɓwama ka, a sǝlǝa ko earka nǝ buo sǝ burrio nǝ̀ kum amsǝban? Sǝ we ɓwabura ka, a sǝlǝa ko earka nǝ buo sǝ mamo nǝ̀ kum amsǝban?

Amǝ Afisu 5:33

Kat andǝ amani ka, koya ɓwabura ka, dumǝni wi pup ɓǝ̀ earce mami kǝla mǝnana kǝ earce ɓamuri ka, sǝ mɓwama gbal ka, dumǝni wi pup ɓǝ̀ pe burri gulo.

Amǝ Kolosi 3:18

Wun amanɓala ka, wu nyesǝ mur wun aɓata abura wun, kǝla mǝnana ɓoaro amǝkwaɗi Mǝtalabangŋo ɓǝa pak ka.

Amǝ Kolosi 4:5

Wu dum nǝ kwaro a do ma'wun aɓalǝ aɓwana mǝnana à ak Cau Amsǝban raka, sǝ koya dǝmbǝu mǝnana wu kum ngga, wu kǝa kiɗiki ce ɓà ɗang.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

Amǝ Ibǝru 11:8

Paɓamuru mala Ibǝrayim aban Ɓakuli na ci sǝ oki Ɓakuli, yì mǝnana Ɓakuli tunǝi ɓǝ̀ purî nzali male, ɓǝ̀ o a ɓe nzali mǝnana bangŋa ama nǝ̀ ngga pe wi ɓǝ̀ duk male ka. Sǝ nying nzali-lá male aban o, kat andǝ amani ama surǝ ban mǝno kákiyi kam ngga raka.

Amǝ Ibǝru 5:9

Lang yi kum lumsǝo nǝ bu mǝno yì njar mala tanni ka, yi duk tǝr amsǝban mǝnana málá male pà kàm raka, ace aɓwana mǝnana à kǝ kwaɗi cau male ka.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 3:2

acemǝnana à nǝ̀ sǝn pagulo, andǝ ɓealǝu mǝɓoarne ma'wun.

1 Bitǝrus 3:7

Anggo gbal, sǝ wun aburala ka, wu lǝmndǝ sǝlǝe aɓa doɓala ma'wun. Amālá wun ngga wu kǝ ɗenyi nǝia kǝla aɓwana mana rǝcandǝa malea bwalta ma'wun raka, sǝ wu bwalia nǝ pagulo acemǝnana yia ka, aɓiwun na aɓa ɓwamuru mala bǝsa do mana Ɓakuli pà ka. Wu bwalia pepe, ace mǝnana kǝgir ɓǝ̀ kǝa tamsǝ ahiwi ma'wun raka.

1 Bitǝrus 4:17

Pwari mala ɓashi karǝna, sǝ ndo nǝ̀ tite nǝ ɓáɓala mala Ɓakuli; sǝ ɓǝ̀ ɓashi tite arǝ sǝm ngga, lang sǝ masǝlǝate nǝ̀ pangnǝ aɓwana mǝnana à mgbikiru nǝ Cau Amsǝban mala Ɓakuli ka?