1 Bitǝrus 2:6 - Maləmce Məfele mala Ɓakuli: Kurcau Məbəshe

⁶ Aɓa Malǝmce ka à gilǝa ama: “Wu sǝni, ndya ǝn nggǝ tsǝk tali a Siyona ka, tali kwakita kusǝɓa, mǝnana ǝn tarì, sǝ ɓoaro male ka à pà nǝ̀ kani arǝ kǝgir raka. Ɓwa mǝnana kat guli a rǝì ka, pà nǝ̀ kum kǝsǝkya ɗang.”

1 Bitǝrus 2:6 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Markus 12:10

Wun ngga wu ɓal mǝnia yì ban ngga mbo aɓa Malǝmce, mǝnana ama: “Tali mǝnana amǝɓa ginǝi ka, nda ɗǝm yi bwal kusǝɓa kàngkàng ngga.

Luka 20:17

Pǝlǝa Yesu sǝnia kyap-kyap sǝ na ama, “Sǝ mana ɗe nda tǝrcau mǝnana malǝmce bangŋi ama: “ ‘Tali mǝnana amǝɓa ginǝi ka, nda à nyesǝi yi bwal ɓǎ kàngkàng ngga.’

Luka 23:35

Ɓwapǝndǝa came aban sǝnban, sǝ aɓwana-mǝgule oali, ama, “Kǝ amsǝ aɓea aɓwana, ɓǝ̀ amsǝ ɓamuri, ɓǝ̀ yì ka, nda Kǝrǝsti, Mǝ'amsǝban mǝnana Ɓakuli tarì ka!”

Yohana 7:38

Ɓwa mǝnana kat pà ɓamuri abanam ngga, a bumi sǝ amealmur mala mur mǝpà yilǝmu nǝ̀ puro, à nǝ̀ nggǝ ɓangŋa, kǝla mǝnana Malǝmce na ka.”

Amǝ Mishan 1:16

Wun amǝ'eambǝam, dumǝna púp ama à nǝ̀ lumsǝ cau Malǝmce mala Ɓakuli mǝnana Bangŋo Mǝfele bangŋi ɗiɗyal nǝ kun Murǝm Dauda amur Yahuda ka. Yahuda ka nda ɓwa mǝnana lǝmndǝ njar aban ká nǝ́ aɓwana mǝnana à bwal Yesu ka.

Amǝ Roma 10:11

Kǝla mǝnana Malǝmce na ka, “Ɓwa mǝnana kat paɓamuri abani ka, pà nǝ̀ nu kǝsǝkya ɗang.”

Amǝ Afisu 1:4

Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

2 Timoti 3:16

Malǝmce mǝfele kat ka, ǝn'yali mala Ɓakuli na, sǝ ndanǝ ɓoaro ace kani mǝsǝcau, andǝ lǝmndǝ ɓwarkio, andǝ gilǝkiban aɓa ɓwarkio, andǝ kwarkiru ace pak mǝɓoarne.

1 Bitǝrus 2:4

Wu yiu aban Kǝrǝsti, yì tali mǝyilǝmuì, mǝnana aɓwana ginǝki, sǝ Ɓakuli twali acemǝnana abani ka ndanǝ ɓoaro ka.

1 Bitǝrus 2:8

Sǝ ɗǝm ngga, “Nda tali mǝnana kǝ tsǝk ɓwapǝndǝa à kǝ anndǝ ka, tali mǝnana kǝ cia à kǝ kpa ka.” À kǝ annda, acemǝnana à kpata cau mala Ɓakuli ɗang, sǝ mǝnia ka, nda gir mǝnana Ɓakuli tsǝkia wia ka.

2 Bitǝrus 1:20

Gir mǝnana kutibanì kat ka, wu sǝlǝ ama ɓe kǝ cau ɓangna pa kàm aɓa Malǝmce mǝnana pur nǝ ɓa mǝnggicau mala mǝɓangna ka ɗang.

2 Bitǝrus 3:16

Kǝ na cau amur amǝnia yì agir ka aɓalǝ acautera male kat. Aɓea cau male ka, surǝe kwan kǝrkǝr, sǝ aɓwana mǝnana à ɗwanyi sǝlǝe sǝ à kǝ came amur cau mǝ'mwashati raka, à kǝ pūrǝ acautera male nǝ mgbasho, kǝla mǝnana à kǝ pak nǝ cili Amalǝmce ka. Mǝnia ka, nda gir mǝnana nǝ̀ nunmbia wia nggea kiɗikea mǝgule ka.