1 Bitǝrus 2:5 - Maləmce Məfele mala Ɓakuli: Kurcau Məbəshe

⁵ Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Bitǝrus 2:5 ပူးပေါင်းရင်းမြစ်များ

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

Amǝ Roma 15:16

mǝ duk mǝturo mala Kǝrǝsti Yesu aban aɓwana mala acili anzali ka. Ɓakuli twalam ace mǝnana mǝ pak turo kǝla pǝris, aban hamnǝ bǝsa Cau Mǝɓoarne male. Sǝ aɓa mǝno anggo ka aɓwana mala acilia nzali ka ɓǝa duk ɓoro mǝnana gir-á na aban Ɓakuli, yia aɓwana mǝnana Bangŋo Mǝfele tarnia ace Ɓakuli ɓǝa duk amale ka.

1 Amǝ Korinti 3:16

Wun ngga wu sǝlǝ mbak ama wu ndaka Ndàmǝgule mala Ɓakuli, sǝ Bangŋo mala Ɓakuli ka ndanǝ do aɓalǝ wun?

1 Amǝ Korinti 3:9

Sǝm ngga sǝm ndaka amǝturo sǝnǝa Ɓakuli. Sǝ wun ngga, wu nda ka ɓaban mala Ɓakuli mǝnana rikiyi ka. Ɗǝm ngga, wu nda ka ɓah mala Ɓakuli mǝnana ɓakkiyi ka.

1 Amǝ Korinti 6:19

Sǝ wun ngga, wu sǝlǝ mbak ama nggurǝ wun ngga Ndàmǝgule mala Bangŋo mala Ɓakuli na, mǝnana do a ɓabum wun, mana Ɓakuli pa wun ngga? Wun ngga, wu dupi ɓamur rǝ wun ɗang,

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Filipi 2:17

Paɓamuru andǝ aturo ma'wun aɓa kpata Mǝtalabangŋo ka, à ndà kǝla pa ɓoro abani. Sǝ ko ɓǝ̀ yi do ama à nda rǝ ɗarǝ yilǝmem kǝla gir-ɗarǝa amur mǝnia yì ɓoro mala paɓamuru ma'wun ngga, bumam nǝ̀ pwasǝo, sǝm nǝ̀ pak banɓoarnado a tarǝ sǝm kat.

Amǝ Filipi 4:18

Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

1 Bitǝrus 2:9

Sǝ wun ngga, wu ndaka ɓwamǝpǝnde mǝnana Ɓakuli tar wun ngga. Wu nda ka amurǝma pǝris, aɓwana ace Ɓakuli, andǝ agirkuma male. Tàr wun ace mǝnana ɓǝ̀ wu hami aɓwana aɓealɓoarna male, yi mǝnana tunǝ wun aɓa pǝndǝa aban yiu aɓa tǎlaban male mǝ pà ndali ka.

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.

1 Bitǝrus 4:17

Pwari mala ɓashi karǝna, sǝ ndo nǝ̀ tite nǝ ɓáɓala mala Ɓakuli; sǝ ɓǝ̀ ɓashi tite arǝ sǝm ngga, lang sǝ masǝlǝate nǝ̀ pangnǝ aɓwana mǝnana à mgbikiru nǝ Cau Amsǝban mala Ɓakuli ka?

Sǝna 1:6

sǝ nyesǝ sǝm, sǝm pǝlǝna apǝris a Domurǝm mala Ɓakuli, yì Tarrí ka. Ɓǝ̀ gulo kat andǝ rǝcandǝa duk male, masǝlǝate pà kàm ɗang! Amin.

Sǝna 20:6

Amǝnia yia aɓwana à kum kāmbe aɓa lo a ɓembe nǝ yilǝmu a dǝmbe ka, à ndanǝ tsǝkbu mala Ɓakuli, sǝ yia ka amǝfele na. Ɓaria lú pà nǝ rǝcandǝa amuria ɗang. A kúnì ka, à nǝ̀ duk apǝris mala Ɓakuli andǝ mala Kǝrǝsti, sǝ à nǝ̀ duk amurǝma ata Kǝrǝsti arǝ apǝlǝa á-mwashat.

Sǝna 3:12

Ɓwa mǝnana limurǝm ngga, mǝ nǝ ci nǝ̀ duk tanggea-nggun, aɓa ndàmǝgule mala Ɓakuli mem, sǝ pà nǝ̀ puri ɓālǝi ɗǝm ɗang. Mǝ nǝ nyouli wi a rǝì lullǝ Ɓakuli mem andǝ lullǝ bǝsa Urǝshalima mǝnana kǝ sulǝ nǝ kuli ka, yì nggeala mala Ɓakuli mem; ɗǝm ngga mǝ nǝ nyouli wi bǝsa lullǝam a rǝì.

Sǝna 5:10

A nyesǝnia à pǝlǝna aɓwana mǝnana Ɓakuli ma'sǝm nda murǝm amuria, sǝ apǝris ace pakki wi turo, sǝ à nǝ̀ duk agbani a ɓanza.”