1 Bitǝrus 2:24 - Maləmce Məfele mala Ɓakuli: Kurcau Məbəshe

²⁴ Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

1 Bitǝrus 2:24 ပူးပေါင်းရင်းမြစ်များ

Matiu 27:26

Bilatus pǝlǝa panzǝia wia Barabbas, sǝ Yesu ka tsǝa ɓǝa kwe, pǝlǝa tasǝi a buia ɓǝa kya gballì a nggun.

Matiu 5:20

Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.

Matiu 8:17

Yesu pak mǝnia yì gir ka ace mǝnana ɓǝa lumsǝ ɓangna mala Ishaya mǝnana ama: “Yi ak arǝpangŋa ma'sǝm sǝ twal akwano ma'sǝm.”

Markus 15:15

Sǝ acemǝnana Bilatus earce ama nǝ̀ pwasǝ bumia ka, pǝlǝa panzǝia wia Barabbas. Tsǝa à kwak Yesu, pǝlǝa pea asoje mala amǝ Roma ɓǝa kya gballì a nggun-gangndi.

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 19:1

Bilatus pǝlǝa tsǝa à kwak Yesu nǝ kamso.

Amǝ Mishan 10:35

A koya kun ngga, kǝ ak aɓwana mǝnana à kǝ peri abani, sǝ à kǝ pak gir mana kǝ pwasǝ bumi ka.

Amǝ Mishan 10:39

Sǝ sǝm, amǝ'mishan ngga, sǝm ndaka amǝnakun mala agir mana sǝm sǝn Yesu pea kat a nzali mala amǝ Yahudi andǝ ɓa Urǝshalima ka. À wal-lui nǝ gbaliban amur nggun-gangndi.

Amǝ Mishan 13:29

Lang à lumsǝna gir mana kat à gilǝ amuri ama à nǝ̀ pakki wi ki ka, pǝlǝa à sulǝi nggun-gangndi, à kya ci a ɓembe.

Amǝ Mishan 5:30

Ɓakuli mala aká sǝm na loasǝ Yesu a ɓembe, anzǝm mǝnana wu gballì amur nggun-gangndi, wu wal-luí

Amǝ Roma 6:11

Anggo gbal, wu sǝn ɓamur rǝ wun ado, wu nda ka alú aban cauɓikea, sǝ aban Ɓakuli ka, wu ndanǝ yilǝmu aɓa Kǝrǝsti Yesu.

Amǝ Roma 6:13

Wu kǝa pà abare nggurǝ wun aban cauɓikea ɓǝa duk agirturo mala ɓealɓikea ɗang. A kun mani ka, wu pe Ɓakuli rǝwun, kǝla aɓwana mǝnana à loasǝnia a lú à kumǝna yilǝmu ka; sǝ wu pà abare wun aban Ɓakuli ɓǝa duk agirturo ace turo cauɓoarna.

Amǝ Roma 6:16

Wu sǝlǝ mbak ama, ɓwa mǝnana wu pa ɓamur rǝ wun, wu kǝ oki wi kǝla aguro ka, wu dumǝna aguro male, ko mala cauɓikea na, mǝnana nǝ̀ kánǝ wun a lú, ko mala okiru mǝnana nǝ̀ kánǝ wun a docauɓoarna ka?

Amǝ Roma 6:2

Awo! Ɓakuli twalbani! Lang sǝ sǝm mǝnana sǝm angŋa dǝmbǝa sǝm wunî cauɓikea ka, sǝm nǝ̀ lidǝmbǝa nǝ do ɗǝm a ɓalǝi le?

Amǝ Roma 6:22

Sǝ ado ka, à panzǝkina wun a bu cauɓikea, wu dumǝna aguro mala Ɓakuli, gir mǝnana wu nǝ̀ kum a ɓalǝi ka nda do mǝfele, sǝ masǝlǝate ka nda yilǝmu mǝnana málá male pà kàm raka.

Amǝ Roma 6:7

Sǝ ɓwa mǝnana wuna andǝa Kǝrǝsti ka, à panzǝni, cauɓikea pa nǝ rǝcandǝa amuri ɗǝm ɗang.

Amǝ Roma 7:6

Sǝ adyan ngga, sǝm purnì Nggurcau, acemǝnana sǝm wuna aban agir mǝnana ɗiɗyal à bwal sǝm a guro ka. Sǝm ado ka, sǝm nggǝ pak turo ɗǝm a njar mǝ'e mala Nggurcau mana à gilǝì nǝ́ gilǝa ka ɗang; turo ma'sǝm a dyan ngga, nda a njar mǝbǝshe mala Bangŋo.

1 Amǝ Korinti 15:3

Ən pana wun gir mǝnana kutibanì kat ka, yì gir mǝnana à pami gbal ka ama: Kǝrǝsti wu ace acauɓikea ma'sǝm, kǝla mana Malǝmce na ka.

2 Amǝ Korinti 6:17

“Ace mani ka, wu puri ɓalǝ amǝ'ɓealɓikea, wu duk zak! Wu kǝa gbashi rǝia ɗang, anggo sǝ Mǝtalabangŋo na. Wu kǝa je kǝgir mǝnana mim Ɓakuli ǝn ginǝce ka ɗang, sǝ mǝ nǝ gingsǝ wun.”

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

Amǝ Afisu 5:9

Acemǝnana mǝnia yì tǎlaban aɓalǝ wun ngga, nda nǝ̀ pusǝ mǝɓoarne, andǝ mana pepe, andǝ mǝnana mǝsǝcau na ka.

Amǝ Filipi 1:11

Wu lumsǝ nǝ aɓealǝu mala docauɓoarna, mǝnana Yesu Kǝrǝsti pea aɓalǝ wun ngga. Mǝnia ka, nǝ̀ pè Ɓakuli gulo andǝ ɓwangsǝban.

Amǝ Kolosi 2:14

Yi panzǝki ɓashi mǝnana à gilǝì amur sǝm ngga, yi kasǝki kat andǝ anzongcau mala nggurcau mǝnana à bwal sǝm nǝi ka; twalia umia kya gballia a nggun-gangndi.

Amǝ Kolosi 2:20

Wun ngga, wu wuna wunǝa Kǝrǝsti sǝ à panzǝna wun a bu rǝcandǝa mala abangŋo mala mǝnia yì ɓanza ka. Sǝ ace mana sǝ wu kǝ dukdo kǝla weama wu ndaka mala ɓanza ka? Man tsǝa sǝ wu kǝ kpata anzongcau mala amǝɓanza mǝnana ama:

Amǝ Kolosi 3:3

Acemǝnana wun ngga, wu wunî doɓanza man, sǝ mǝsǝrǝ yilǝmi wun ngga à sǝmbǝrǝni ata Kǝrǝsti aban Ɓakuli.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 12:13

“Wu tsǝk njar ma'wun ɓǝ̀ sarǝ pǝrapǝra,” ace mǝnana agbakǝre ɓǝa kǝa kpa ɗang, ɓǝa kum sonzǝban.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

Jemis 5:16

Ace mani ka wu banggi arǝ wun acauɓikea ma'wun, sǝ wu pakki arǝ wun hiwi, ace mǝnana ɓǝa twala wun ban arǝkwana ma'wun ngga. Hiwi mala mǝɓealɓoarna mǝnana pe nǝ ɓabumi mwashat ka, ndanǝ rǝcandǝa sǝ kǝ pak turo.

1 Yohana 2:29

Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 3:7

Wun amunem, wu kǝa eare ɓǝ̀ kǝɓwa ɓǝ̀ ɓosǝki wun ɗang: Ɓwa mǝnana kat kǝ pak mǝɓoarne ka, mǝ'cauɓoarna na, kǝla mǝnana Kǝrǝsti ka mǝ'cauɓoarna na ka.

Sǝna 22:2

Ɓangŋa kǝ kuti nǝ ɓaɓalǝu mala njar mǝgule mala ɓa nggeala. A koya nkaring mala kun múr mala nggeasala ka, nggun na kam mǝnana kǝ pa yilǝmu ka. Nggunî kǝ pusǝ a'ulang aɓǝle ɗàngɗáng lum-nong-ɓari aɓa pǝlǝa mwashat; koya zongŋo ka, kǝ pusǝ ulang male yì ɓǝle. Ambu nggunì ka ɓuri na ace wal kwano mala anzali mala aɓwapǝndǝa.