1 Bitǝrus 2:23 - Maləmce Məfele mala Ɓakuli: Kurcau Məbəshe

²³ Lang aɓwana sanggì ka, nyesǝî kǝɓwa nǝ sangban ɗang; sǝ lang à pe wi tanni ka, ɓalbura kǝɓwa ama nǝ̀ ɗi tangna a kúnì mǝnana à pakki wi ka ɗang. Tanni male ka, nyinggi Ɓakuli mǝnana kǝ pak ɓashi nǝ mǝsǝcau ka, a bui.

1 Bitǝrus 2:23 ပူးပေါင်းရင်းမြစ်များ

Luka 23:41

Ma'sǝm ngga à kasǝa sǝm ɓashi amur mǝsǝcau gir mǝnana sǝm pe ka. Sǝ mǝnia yì ɓwa ka pak kǝ mǝɓane ɗang.”

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Luka 23:9

Pǝlǝa ɗiki nǝ aɗiban pas, sǝ kǝ do mala Yesu kuni piu.

Amǝ Mishan 17:31

Acemǝnana yì ka, tsǝngŋǝna pwari mana nǝ̀ ɓashi ɓanza nǝi aɓa mǝsǝcau, nǝ bu ɓwa mǝnana ci ka. Lǝmndǝna mǝnia yì ɓwa ka aban aɓwana kat, nǝ loasǝo mana loasǝi a ɓembe nǝ yilǝmu ka.

Amǝ Mishan 4:29

Sǝ adyan ngga, Mǝtalabangŋo, ok cau ɓunggi ɓabum malea, pa sǝm sǝnǝa guro mo, rǝcandǝa mala bang cau mo nǝ ɓabumcandǝa.

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

Amǝ Mishan 9:1

Aɓa mǝno anggo ka, Sawul na arǝ lidǝmbǝa nǝ nabura arǝ amǝkpata Mǝtalabangŋo, kǝ earce ama nǝ̀ wal-luia. Wario aban Pǝris Mǝgule,

Amǝ Roma 2:5

Sǝ acemǝnana we ka a ndanǝ murcandǝa, a ɓinǝ nying buo arǝ cauɓikea ka, a nda rǝ rambǝi ɓamuro candǝna tanni. Acemǝnana pwari mala bumlulla na kǝ yiu ka, mǝnana ɓashi mǝɓafoe mala Ɓakuli nǝ̀ lǝmndǝ rǝì ka.

Amǝ Afisu 6:9

Wun amǝtala-ɓala, wu pakki aguro gbal anggo kǝla mǝnana à banggia wia ama ɓǝa kǝ pang nǝ wun ngga. Wu kǝa pea wia ɓangciu ɗang. Wu sǝlǝ ama wun kat wunǝia ka, mǝtala-ɓala ma'wun na a kuli, mǝnana kǝ tàrban raka.

2 Amǝ Tasalonika 1:5

Amǝnia ka à lǝmndǝ ama Ɓakuli kǝ pak ɓashi male nǝ mǝsǝcau, sǝ a masǝlǝate ka nǝ̀ tsǝk wun wu nǝ̀ duk aɓwana mǝnana à karǝna à nǝ̀ kutia Domurǝm male mǝnana wu kǝ nu tanni ace ka.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Amǝ Ibǝru 12:3

Wu ɗenyi nǝ mǝno yì nggea tanni mǝnana yi kumi a bu amǝ'cauɓikea ka, ace mǝnana rǝ wun ɓǝ̀ kǝa wuki arǝ wun, gandǝa wu nǝ̀ bwaki bu wun ngga ɗang.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

1 Bitǝrus 4:19

Ace mani ka, ɓǝ̀ wu nda ban tanni aɓa kane mala Ɓakuli ka, wu lidǝmbǝa aɓa pak gir mǝnana nda a nzongŋi ka, sǝ wu nying ayilǝmi wun a ɓabu Ɓakuli mǝnana pusǝ wun ngga, acemǝnana yì ka, pà nǝ̀ pà wun kǝsǝkya ɗang.

Sǝna 19:11

Pǝlǝa ǝn sǝn kuli mǝna, sǝ ǝn sǝn pǝ̀r mǝpwasǝe aban came kam. Ɓwa mǝnana do a nzǝmi kwakiyi ka, lullǝi nda Mǝ'mǝsǝcaunì andǝ Mǝɓafoe. Aɓa ɓashiki aɓashi male andǝ munǝki amunǝo male ka, kǝ kpata agir kat a nzongŋi.