1 Bitǝrus 2:21 - Maləmce Məfele mala Ɓakuli: Kurcau Məbəshe

²¹ Nda àkǝ̀ ce mǝnia ka sǝ Ɓakuli tunǝ wun, acemǝnana Kǝrǝsti gbal ka, nu tanni ace wun sǝ nyingga wuni kǝla girkani, ace mǝnana ɓǝ̀ wu twal kusǝì ka.

1 Bitǝrus 2:21 ပူးပေါင်းရင်းမြစ်များ

Matiu 10:38

Ɓwa mǝnana twal nggun-gangndi male sǝ yiu atam raka, kārǝa nǝ̀ duk mǝkpatam ɗang.

Matiu 11:29

Wu pa ɓamur rǝ wun aɓata nzongcau mem, kǝla mana nda-rya kǝ pa ɓamuri aɓata nggun-rya ka. Acemǝnana mǝ nda ɓukɓuk, nǝ nwangsǝmuru a ɓabum ngga, wu kànì a rǝam, sǝ yilǝmi wun nǝ̀ kum usǝlǝo.

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Luka 24:26

Wu sǝlǝ mbo ama dumǝna púp Kǝrǝsti ka nǝ̀ nu tanni nǝ̀ amǝnia yì agir ka, sǝ nǝ̀ kutio aɓa gulo male?”

Yohana 13:15

Ado ka, gir mǝnana ǝn pe ka, kusǝu na ǝn tsǝka wun ngga, ace mǝnana ɓǝ̀ wu kǝ pakkia rǝ wun anggo ka.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Mishan 17:3

kǝ mǝnggi ɓalǝ acau, kǝ lǝmndǝia wia ama, Kǝrǝsti Mǝ'amsǝban ngga dumǝna púp nǝ̀ nu tanni sǝ nǝ̀ loapi ɓembe nǝ yilǝmu. Ɓǝsǝlǝi banggia wia ama, “Yì Yesu mana ǝn nggǝ hamnǝ ce ka, nda kǝ Kǝrǝsti Mǝ'amsǝban.”

Amǝ Mishan 9:16

Mǝ nǝ lǝmndǝì wi agir mǝnana nǝ̀ tanni a rǝia kat ace lullǝam ngga.”

Amǝ Roma 8:29

Aɓwana mǝnana Ɓakuli angŋa dǝmbǝa twalǝnia ka, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.

1 Amǝ Korinti 11:1

Wu sǝn a rǝam, kǝla mǝnana ǝn nggǝ sǝn arǝ Kǝrǝsti ka.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Filipi 2:5

Ɓǝ̀ ɓabum wun pa kǝla mala Kǝrǝsti Yesu:

1 Amǝ Tasalonika 3:3

Sǝm pa anggo, ace mǝnana ɓǝ̀ ɓeɓwa aɓalǝ wun, ɓǝ̀ kǝa dǝurǝo ata cau mala amǝnia yì atanni ka ɗang. Sǝ wu sǝlǝna ama mǝno ka kàni mala Ɓakuli na ace sǝm.

1 Amǝ Tasalonika 4:2

Wun ngga, wu surǝna rǝ akwarkiru mǝnana sǝm pà wun nǝ rǝcandǝa mala Mǝtalabangŋo Yesu ka.

2 Timoti 3:12

E, sǝ koya ɓwa na ear ama nǝ̀ duk do ɓealɓoarna aɓa Kǝrǝsti Yesu ka, à nǝ̀ pe wi tanni.

Amǝ Ibǝru 2:10

Ɓakuli ka nda mǝnana pusǝ agir kat ka. Sǝ agir kat ka àkǝ̀ ce ɓoarɓwa male sǝ à pa. Yi sǝni ka nda a njari ɓǝ̀ yinǝ amuna male mǝnana à nda pas ka, ɓǝa kum kāmbe aɓa ɓoarɓwa male. Pǝlǝa tsǝk Yesu, yì ɓwamǝgule malea, ɓǝ̀ kum lumsǝo aɓalǝ agir kat kǝla mǝnana Ɓakuli earkiyice ka nǝ njar mala nu tanni, ace mǝnana ɓǝ̀ duk ɓwa mǝnana karǝna nǝ̀ yinǝia aɓa amsǝban malea ka.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

1 Bitǝrus 2:24

Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Bitǝrus 3:9

Wu kǝa wu mbweban nǝ ɓealɓikea a kun ɓealɓikea ɗang. Ɓǝ̀ aɓwana sanggi wun ngga, ce wu nyesǝia wia nǝ sanggiban ɗang; a kun mani ka wu tsǝkia wia bu, acemǝnana nda àkǝ̀ ce mani sǝ Ɓakuli tunǝ wun, ama ɓǝ̀ wu kum tsǝkbu.

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Yohana 2:6

Ɓwa mǝnana bangŋa ama nda aɓa dotarǝu andǝa Ɓakuli ka, dumǝna ama nǝ̀ dukdo mǝnana Yesu duk ka.

1 Yohana 3:16

Ani sǝ sǝm nǝ̀ surǝ mana nda earcearǝu, yi mǝnana Kǝrǝsti pa yilǝmi ace sǝm ngga. Sǝm gbal ka, ɓoaro ɓǝ̀ sǝm pa yilǝmi sǝm ace amǝ'eam sǝm.

Sǝna 12:11

À limurǝm amuri nǝ nkila mala Mǝgam, andǝ nakun malea nǝ mǝsǝcau amur Mǝgam a ɓadǝmbǝ aɓwana; yia ka à eare à pa yilǝmia, à nyar nǝ tea ɗang yi pur a lú malea.