1 Bitǝrus 2:19 - Maləmce Məfele mala Ɓakuli: Kurcau Məbəshe

¹⁹ Ɓakuli ka, bumi kǝ pwasǝ arǝ wun, ɓǝ̀ wu pak gir mǝnana wu sǝlǝ ama mǝɓoarne na, sǝ wu kǝ shakminǝu nǝ munyi aɓa mǝɓane mǝnana kǝ kum wun ata pemǝɓoarne ka.

1 Bitǝrus 2:19 ပူးပေါင်းရင်းမြစ်များ

Luka 6:32

Sǝ ɓǝa aɓwana mǝnana à kǝ earce wun, à nda wu earki cea ka, ya tsǝkbu na wu nǝ̀ kumo a ɓalǝi? Ko nggearǝ “amǝ'cauɓikea” ka à kǝ earce aɓwana mǝnana amǝ'earcea na ka.

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Amǝ Mishan 11:23

Lang yiu yi bwalǝna Antiyok sǝ sǝnǝna tsǝkbu mala Ɓakuli amur aɓwana ka, bumi pwasǝo, camarǝ kwarkiria ɓǝa cam kàngkàng aɓa paɓamuru malea sǝ ɓǝa do nǝ mǝsǝcau aban Mǝtalabangŋo.

Amǝ Roma 13:5

Ace mani ka, wu pa ɓamur rǝ wun aɓatea. Ko ɓǝ̀ pa ace ɓanggi kum pàtanni raka, wu pè ace mǝnana ɓabum wun ɓǝ̀ kǝa mak wun raka.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

2 Amǝ Korinti 1:12

Nggori ma'sǝm ngga, nda mǝnana ama, giu-ɓabum sǝm kǝ bangga sǝm ama aɓa mǝsǝcau ka sǝm dumǝna do ɓanza nǝ ɓabum ɓoarnsari. Sǝm dumǝna gbal nǝ ɓabum sǝm mwashat mǝnana kǝ pur nǝban Ɓakuli ka, nggeamurǝmi ka, mǝnana lǝmndǝa aɓa dotarǝu ma'sǝm sǝnǝa wun ngga. Sǝ mǝno ka sǝm pè aɓa kpata sǝlǝe mala ɓwapǝndǝa ɗang, nda nǝ ɓwamuru mala Ɓakuli.

2 Amǝ Korinti 8:1

Wun amǝ'eamrǝarǝu, sǝm nggǝ earce ɓǝ̀ wu surǝ gir mǝnana Ɓakuli, aɓa ɓwamuru male ka, pè aɓalǝ a'ikǝlisiya mǝnana a nzali Masǝdoniya ka.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

Amǝ Ibǝru 10:2

Ɓǝa bangŋa ama Nggurcau nǝ̀ gandǝi ka, ɓǝ́ amǝno yì agir-nkila ka, à tamsǝnia, sǝ amǝperi gbal ka à langŋǝnia, kusǝia pura; muria pà nǝ̀ halǝkya ɗǝm arǝ cauɓikea ɗang.

1 Bitǝrus 2:20

Ya gir mǝɓoarne na wu nǝ̀ kum a ɓalǝi yi mǝnana ɓǝ̀ wu twal gandǝa nǝ walban mana wu kumo ace mǝɓane mǝnana wu pak ka? Sǝa ma ɓǝ̀ wu kum tanni ace pak mǝɓoarne, sǝ wu twal gandǝa nǝi ka, bum Ɓakuli nǝ̀ pwasǝ arǝ wun.

1 Bitǝrus 4:15

Ɓǝ̀ ɓwa nǝ̀ tanni ata wun ngga, ɓǝ̀ kǝa do ama nda ace wal-lú, ko iun'i, ko altacau, ko oasǝkikun aɓalǝ acau mala aɓwana ɗang.