1 Bitǝrus 2:15 - Maləmce Məfele mala Ɓakuli: Kurcau Məbəshe

¹⁵ Ɓakuli ka, kane male na ama nǝ́ pakki aturo cauɓoarna ma'wun ngga, ɓǝ̀ wu gir kun amǝ'ɗwanyi-sǝle arǝ nakia acau mǝɓane.

1 Bitǝrus 2:15 ပူးပေါင်းရင်းမြစ်များ

Matiu 25:2

Aman tongno atea ka à kwar ɗang, sǝ aman tongno ka à kwaro.

Matiu 7:26

Sǝ ɓwa mana kat kǝ ok amǝnia yì acau mem sǝ kǝ kpatea raka à nǝ̀ kànì arǝ gǝmɓwa mǝnana ɓak ɓala male amur sala ka.

Amǝ Roma 1:21

E, à surǝna Ɓakuli, sǝ à ɓinǝ peri abani kǝla Ɓakuli, à kǝ pakki wi yàwá ɗang. A kun mani ka, ɗenyicau malea pǝlǝ mǝɓane, sǝ ɓabumia do a pǝndǝa.

Amǝ Galati 3:1

Wun amǝ Galati mǝnana wu gǝmi ka. Yana ɓwe pyauta wun? Nda àkǝ̀ ɓamǝsǝ wun sǝ à bǝlki ce lú mala Yesu Kǝrǝsti amur nggun-gangndi.

1 Amǝ Tasalonika 4:3

Mǝnia ka nda kani mala Ɓakuli aban wun, ama ɓǝ̀ wu tàr ɓamur rǝ wun aɓa do aceì, wu ɓanggi ɓealǝu mala kìɗìkì mala nongginǝ rǝarǝu.

1 Amǝ Tasalonika 5:18

wu dumnǝ ɓabum yàwá aɓa ko man ngga; mǝnia ka nda kani mala Ɓakuli aban wun mǝnana wu ndaka mala Kǝrǝsti Yesu ka.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.

Titus 2:8

Acau mǝnana à kǝ pur a kuno aɓa kanigir ka, ɓǝa duk mǝsǝcau, ɓwarkio pa a rǝì ɗang, ace mǝnana kǝ ɓwa ɓǝ̀ kǝa kum mǝɓane arǝ kanigir mo ɗang. Anggo sǝ aɓwana mǝnana à kǝ ɓinǝmuro ka, à nǝ̀ kum kǝsǝkya, acemǝnana à pà nǝ̀ kum kǝ cau mǝɓane mǝnana à nǝ̀ bangŋa amur sǝm ngga ɗang.

Titus 3:3

Sǝm ɗiɗyal gbal ka, sǝm ndaka aɓwana anggo sǝm kwar ɗang, amǝ'ɗwanyi okiru, à swarki sǝm, sǝm duk aguro mala gyata asuno andǝ anpel ɗàngɗáng mala nggūrǝu. Sǝm do aɓa bumkpǝmna andǝ mɓali. Aɓwana ɓinǝmǝsǝ sǝm, sǝ sǝm ɓinǝmǝsǝ arǝ sǝm.

1 Bitǝrus 2:12

Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.

1 Bitǝrus 3:17

Nǝ̀ ɓoaribanì ɓǝ̀ ɓwa tanni ace pak gir mǝɓoarne, ɓǝ̀ mǝno nda eare mala Ɓakuli ka, amur mǝnana ɓwa ɓǝ̀ tanni ace ɓealɓikea ka!

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

2 Bitǝrus 2:12

Amǝnia yì amǝkanigir mǝ'nyirì ka, à kǝ gyata oe malea a rǝǔ, kǝla anyamɓikea mǝnana à pànǝ ɗenyicau raka, mana à pusǝia ace mǝnana ɓǝa bwalia ɓǝa wallia ka. À kǝ na mǝɓane amur gir mǝnana à bwalta kusǝì raka, sǝ acemǝnana à nda kǝla agirkusǝu ka, à nǝ̀ kiɗikia.

Yahuda 1:10

Sǝ amǝnia yì aɓwana ka, à kǝ bangcau nǝ ɓǝsǝkiban amur agir mǝnana à bwaltea raka. Sǝ agir mǝnana à bwaltea nǝ gyata oe malea a rǝǔ, andǝ ɗwanyi ɗenyicau kǝla agirkusǝu ka, à ndaka kǝ gir mǝnana à kǝ kiɗikia ka.