1 Bitǝrus 2:12 - Maləmce Məfele mala Ɓakuli: Kurcau Məbəshe

¹² Do ma'wun aɓalǝ aɓwana mǝnana amǝkwaɗi na raka ɓǝ̀ dum nǝ ɓealɓoarna. Anggo ka ko ɓǝa tsǝka wun cau arǝ wun ama wu ndaka amǝ'ɓealɓikea ka, à nǝ̀ sǝn aturo mǝɓoarne mǝnana wu pakki ka, sǝ à nǝ̀ pè Ɓakuli gulo a pwari mǝnana nǝ̀ yiu a lǝmndǝ rǝì ka.

1 Bitǝrus 2:12 ပူးပေါင်းရင်းမြစ်များ

Matiu 10:25

Mǝ'eaulǝkigir ka ɓǝ̀ alte ɓǝ̀ kum do kǝla malǝm male, sǝ muna-ɓala ka ɓǝ̀ alte ɓǝ̀ kum do kǝla mǝtala-ɓala male. Ɓǝ̀ mǝtala-ɓala ka à tunǝi ama Murǝm mala akukwar ka, acili amǝɓala ka lullǝu mana à nǝ̀ tunǝia nǝi ka nǝ̀ ɓike nǝ̀ kutibanì!

Matiu 5:11

Wu ndanǝ tsǝkbu mala Ɓakuli yi mǝnana aɓwana kǝ sang wun, à kǝ pa wun tanni, à kǝ tsǝka wun acau ɗàngɗáng aɓa nyir, acemǝnana wu ndaka amǝkpatam ngga.

Matiu 5:16

Anggo sǝ wu nǝ̀ nying tǎlaban ma'wun ɓǝ ta a ɓadǝmbǝ aɓwana ace mǝnana ɓǝa sǝn aturo ɓoarna ma'wun, sǝ ɓǝa gusǝlǝ Tar wun mana a kuli ka.

Matiu 9:8

Aɓwana mana à ram ngga, ɓangciu pakkia wia arǝ gir mana à sǝn ngga. À ɓwangsǝ Ɓakuli mǝnana pe aɓwana-mǝpǝnde ulang man yì rǝcandǝa ka.

Luka 1:68

Nokiban ngga dumǝna mala Mǝtalabangŋo Ɓakuli mala amǝ Isǝrayila. Acemǝnana yina ace bwali aɓwana male kam, sǝ angŋǝna muria, pusǝnia a gung.

Luka 19:44

À nǝ̀ yia arkio, à nǝ̀ sukkio a nzali, we wunǝ aɓwana mǝnana a ɓalǝo ka. À pà nǝ̀ ɗeki kǝ tali aban came amur ɓe ɗang, acemǝnana a surǝ pwari mǝnana Ɓakuli yiu nǝi ace amsǝo ka ɗang.”

Luka 6:22

Wu ndanǝ tsǝkbu mala Ɓakuli, wun mana ɓwapǝndǝa kǝ ɓinǝ mǝsǝ wun, à kǝ tar wun kǝla amǝɓane, à kǝ sanggi wun, à kǝ tunǝa wun ɓealɓikea, ata cau mem ngga!

Yohana 13:31

Anzǝm mana Yahuda nyingŋǝna banì ka, Yesu na ama: Ado ka pwari karǝna mǝnana Muna mala Ɓwa nǝ̀ kutio aɓa gulo male ka, sǝ Ɓakuli ka, nǝ̀ kum gulo ata kusǝì.

Amǝ Mishan 15:14

Shiman Bitǝrus no bǝl ɓa lang sǝ Ɓakuli ɗenyi nǝ aɓwana mana amǝ Yahudi na raka ka, mana lǝmndǝia wia ɓwamuru, twal aɓwana aɓalǝia ɓǝa duk amale ka.

Amǝ Mishan 24:13

Sǝ aman yì aɓwana ka, à pà nǝ̀ gandǝ lǝmndǝo kǝgir mǝnana nǝ̀ pà rǝcandǝa arǝ agir mǝnana à kǝ tsǝkam cau a rǝia ka ɗang.

Amǝ Mishan 25:7

Lang Bulǝs yina ka, amǝ Yahudi mǝnana à pur a Urǝshalima sǝ à yiu ka, à yì kàrǝì a ɓalǝu. À kǝ naki acau mala agir mǝɓane amuri kǝrkǝr, a ɓadǝm Festus, sǝ à gandǝ bang kǝgir mǝnana nǝ̀ lǝmndǝ ama acau mǝnana à nakia amuri ka, mǝsǝcau na ka ɗang.

Amǝ Mishan 28:22

Sǝa ma sǝm ngga sǝm nggǝ earce surǝ gir mǝnana a ndanǝi a bumo ka, acemǝnana sǝm sǝlǝna ama arǝ aban kat aɓwana kǝ naki acau mǝɓane amur mǝnia yì njargula kpata Yesu ka.”

Amǝ Roma 12:17

Ce wu nyesǝi kǝ ɓwa ɓealɓikea ace ɓealɓikea ɗang. Wu pak gir mǝnana nǝ̀ lǝmndǝì aɓwana kat pemǝɓoarne ma'wun ngga.

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Roma 14:18

Ɓwa mǝnana kat kǝ pakki Kǝrǝsti turo nǝ ulang mǝnia yì ɓealǝu ka, nǝ̀ kum akban mala Ɓakuli, sǝ aɓwana nǝ̀ earnǝi gbal.

Amǝ Roma 15:9

Ɗǝm ngga Kǝrǝsti pak ture ace mǝnana aɓwana mala acili anzali ka, à nǝ̀ ɓwangsǝ Ɓakuli ace ɓwamuru male. Malǝmce ka bangŋǝna ama, “Ace mǝnia ka mǝ nǝ ɓwangsǝo aɓalǝ aɓwana mala acili anzali. Mǝ nǝ tukia anggyal ɓwangsǝ lullǝo.”

1 Amǝ Korinti 14:25

Ɓǝ̀ à ndarǝ oe ka, aɗenyicau ɓa-sǝmbǝrǝa malea ka, à nǝ̀ pusǝrǝia a banfana. Sǝ à nǝ̀ ɓun amur ankunia, à nǝ̀ peri aban Ɓakuli, à nǝ̀ nggǝ na ama, “Ɓafo na, Ɓakuli ka ndakani aɓalǝ wun!”

2 Amǝ Korinti 1:12

Nggori ma'sǝm ngga, nda mǝnana ama, giu-ɓabum sǝm kǝ bangga sǝm ama aɓa mǝsǝcau ka sǝm dumǝna do ɓanza nǝ ɓabum ɓoarnsari. Sǝm dumǝna gbal nǝ ɓabum sǝm mwashat mǝnana kǝ pur nǝban Ɓakuli ka, nggeamurǝmi ka, mǝnana lǝmndǝa aɓa dotarǝu ma'sǝm sǝnǝa wun ngga. Sǝ mǝno ka sǝm pè aɓa kpata sǝlǝe mala ɓwapǝndǝa ɗang, nda nǝ ɓwamuru mala Ɓakuli.

2 Amǝ Korinti 13:7

Hiwi ma'sǝm ado aban Ɓakuli ka, nda mǝnana ama wu kǝa pak kǝgir mǝɓane ɗang. Pà ace mǝnana sǝm nǝ̀ lǝmndǝ ɓamur rǝ sǝm ama sǝm pangŋǝna pepe ka ɗang, nda ace mǝnana ɓǝ̀ wu pak gir mana mǝɓoarne na ka, ko ɓǝ̀ ndo ama sǝm ngga sǝm kpana ka.

2 Amǝ Korinti 8:21

Sǝm ngga, sǝm nggǝ earce pak gir mǝnana nǝ̀ pwasǝ bum Mǝtalabangŋo ka, andǝ mǝnana ɓwapǝndǝa nǝ̀ sǝni nda a nzongŋi ka.

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

Amǝ Afisu 4:22

Ace mani ka, wu sukki aɓealǝu mǝ'e ma'wun mala cauɓikea, sǝ wu nying ado mǝ'ɗiɗyali ma'wun, mǝnana à kǝ kánǝ wun nǝ ká aɓa kìɗìkì nǝ swarkiban mala asuno mǝɓane ka.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

Amǝ Filipi 4:8

A masǝlǝate ka, wun amǝ'eamrǝarǝu, ɓǝ̀ ɗenyicau ma'wun ɓǝ̀ do amur gir mǝnana kat mǝsǝcau na, nǝ̀ yinǝ gulo, à nǝ̀ pe aɓa kpate a njari, mǝɓoarnsari na, mǝɓoarne na, andǝ mǝnana à nǝ̀ earce ka. Gir mǝnana kat karban nǝ̀ ɓoaro, sǝ gir mǝnana kat nǝ̀ yinǝ ɓwangsǝban ngga, wu tsǝk ɗenyicau ma'wun amuria.

1 Amǝ Tasalonika 4:12

Ɓǝ̀ wu kǝ pa anggo ka, nggearǝ aɓwana mǝnana amǝkwaɗi na raka, à nǝ̀ sǝn wun pepe nǝ pagulo. Sǝ pa wu nǝ̀ kúndǝo arǝ kǝɓwa ace kum gir mǝnana wu pak tǝle ka ɗang.

1 Timoti 2:2

Wu kǝ pak hiwi anggo, ace amurǝma andǝ aɓwana mǝnana à ndanǝ gulo a banturo nggwamnati ka, ace mǝnana ɓǝ̀ sǝm dukdo rǝpwala, andǝ ɓanggi Ɓakuli andǝ bwalrǝu.

1 Timoti 4:12

Kǝa eare ɓǝ̀ kǝ ɓwa nyesǝo ɓà, acemǝnana a nda lo-ɓwa ka ɗang. Duk girkani aban amǝkwaɗi aɓa nacau, andǝ domǝɓoarne, andǝ earcearǝu, andǝ paɓamuru, andǝ domǝɓoarnsari mo.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Amǝ Ibǝru 13:18

Wu pak hiwi ace sǝm. A ɓabum sǝm ngga sǝm sǝlǝ ama gir mǝnana sǝm pakki ka, nda pepe, sǝ sǝm nggǝ earce dukdo pak mǝɓoarne a koya pwari.

Amǝ Ibǝru 13:5

Wu kǝa dum nǝ ɓealǝu mala rufi ata boalo ɗang. Agir mǝnana wu ndanǝia ka, ɓǝa ɗǝmsǝ wun. Acemǝnana Ɓakuli bangŋǝna ama, “Pà mǝ nǝ ɗekio ɗang; pà mǝ nǝ nying buam a rǝo ɗang.”

Jemis 3:13

Ɓǝ̀ wu ndanǝ sǝlǝe sǝ wu surǝna rǝ anjargula mala Ɓakuli ka, wu lǝmndǝi aɓa do mǝɓoarne, wu kǝ pak aturo mǝɓoarne nǝ nyesǝɓamuru mǝnana kǝ pur aɓa sǝlǝe ka.

1 Bitǝrus 2:15

Ɓakuli ka, kane male na ama nǝ́ pakki aturo cauɓoarna ma'wun ngga, ɓǝ̀ wu gir kun amǝ'ɗwanyi-sǝle arǝ nakia acau mǝɓane.

1 Bitǝrus 3:16

Sǝa ma wu pe nǝ ɓukɓuka, andǝ pagulo a ɓalǝi. Ɓǝ̀ ɗenyicau ɓabum wun do nǝ ɓoarnsari, ace mǝnana ko ɓǝa ɓwana kiɗiki wun nǝ kunia ka, kǝsǝkya nǝ̀ pakkia wia, yi mǝnana ɓǝa sǝn do ma'wun mǝɓoarnsari, acemǝnana wu nda ka mala Kǝrǝsti ka.

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.

2 Bitǝrus 3:11

Sǝ acemǝnana koya gir nǝ̀ kiɗiki anggo ka, ya ulang aɓwana na ɓoaro ɓǝ̀ sǝm pǎ? Ɓoaro ɓǝ̀ sǝm do aɓa do mǝfele andǝ do ulang mǝnana Ɓakuli earkiyice ka!