1 Bitǝrus 2:11 - Maləmce Məfele mala Ɓakuli: Kurcau Məbəshe

¹¹ Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

1 Bitǝrus 2:11 ပူးပေါင်းရင်းမြစ်များ

Luka 21:34

Wu parkir wun wu kǝa eare ɓǝ̀ ɗenyicau ma'wun lumsǝ nǝ likiagir, wal-wale andǝ pisǝ ɓalǝu arǝ alta agir ɓanza, gandǝa mǝno yì pwari ka nǝ̀ yia yasǝlǝ wun ngga ɗang.

Amǝ Mishan 15:20

Gir mana kutibanì ka, sǝm nǝ̀ gilǝ cautera, sǝm nǝ̀ banggia wia ama ɓǝa kǝa li girlina mana à pea alú ata ankúl ka ɗang. Ɓǝa puri ɓa kìɗìkì mala nongginǝban. Ɓǝa kǝa li nyam girkusǝu mana à pūrǝ meali nǝ pūrǝo ka ɗang, sǝ ɓǝa kǝa li nkila ɗang.

Amǝ Mishan 15:29

Wu kǝa li girlina mǝnana à pea alú ka ɗang; wu kǝa li nkila ɗang; wu kǝa li nyam girkusǝu mana à pūrǝ meali nǝ puro ka ɗang; wu kǝa kutia pakkiagir kìɗìkì mala nonggi nǝ rǝarǝu ɗang. Ɓǝ̀ wu yal ɓamur rǝ wun arǝ amǝnia ka, wu pangŋa mǝɓoarne. Ɓǝ̀ rǝ wun pwalo.

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

Amǝ Roma 7:23

Sǝa ma ǝn nggǝ sǝn ɓe kǝ rǝcandǝa a ɓalǝam aban munǝo arǝ ɓabumam, kǝ ciem mǝ duk guro aɓata nggurcau mala cauɓikea mǝnana do a ɓalǝam ngga.

Amǝ Roma 8:13

Ɓǝ̀ wu kǝ dukdo kpata nê mala nggūrǝu ka, wu nǝ̀ wú. Sǝa ma ɓǝ̀ aɓa rǝcandǝa mala Bangŋo, wu tamsǝ pakkia aturo cauɓikea mala nggūrǝu, ɓǝa wu mak ka, wu nǝ̀ dum nǝ yilǝmu.

2 Amǝ Korinti 5:20

Ace mani ka, sǝm nda ka mǝ'pwantu mala Kǝrǝsti; Ɓakuli na rǝ ɓuaki arǝ wun nǝ kun sǝm ama wu kwaki kir wun arǝ cau ma'sǝm. Sǝm nggǝ ɓuaki arǝ wun a kuni Kǝrǝsti ama, wu gilǝki nre wun wunǝa Ɓakuli.

2 Amǝ Korinti 6:1

Acemǝnana sǝm nda ɓituro sǝnǝa Ɓakuli ka, sǝm nggǝ zǝmbǝa wun, wu kǝa ak ɓwamuru mala Ɓakuli mǝnana pa wun ngga ɓa, wu pangŋǝna turo nǝi ɗang.

2 Amǝ Korinti 7:1

Wun amǝ'eamrǝarǝu, acemǝnana sǝm ndanǝ amǝnia yì apacau ka, ɓǝ̀ sǝm lak ɓamur rǝ sǝm arǝ agir kat mǝnana à nǝ̀ ká nǝ nggurǝ sǝm ko bangŋo ma'sǝm aɓa pě mǝnana Ɓakuli ginǝce ka. Ɓǝ̀ sǝm nggǝ pa anggo ka, sǝm nǝ̀ kum lumsǝo nǝ domǝfele aɓa ɓanggi Ɓakuli.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Afisu 2:19

Sǝ adyan ngga, wun aɓwana mǝnana wu ndaka amǝ Yahudi raka, wu nda ka abǝri andǝ amǝ'kunɗangna ɗǝm ɗang, wu nda ka aɓwana mala nzali mwashat wunǝ aɓwana mala Ɓakuli. Wu nda aɓalǝ amǝɓala mala Ɓakuli.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

2 Timoti 2:22

Ɓanggi koya suno mala lo-ɓwa, sǝ wu ɓangŋa ata ɓealɓoarna, andǝ paɓamuru, andǝ earcearǝu, andǝ do rǝpwala, ata re wun wunǝ aɓwana mǝnana à kǝ tunǝ lullǝ Mǝtalabangŋo nǝ ɓabum mǝɓoarnsari ɓǝ̀ ɓwalia wia kam ngga.

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Amǝ Ibǝru 6:9

Wun amǝ'eamrǝarǝu mǝnana ǝn earkiyi cea ka, ko kat andǝ amani ama sǝm bangŋa ana ka, sǝm ndanǝ mǝsǝkang-kangŋa ama, wu ndanǝ agir mǝɓoarne mǝnana à kǝ yiu a tarǝia andǝ amsǝban ngga.

Jemis 4:1

Mana gir nì na yiki nǝ munǝo sǝ mana gir nì na yiki nǝ loasǝkiaban aɓalǝ wun ɗe? Asuno ma'wun mala earce banɓoarnado mǝnana à kǝ munǝ a ɓabum wun ngga, à nǝ̀ yiki nǝia re?

1 Bitǝrus 1:1

Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.

1 Bitǝrus 1:17

Wu ɗenyi ama, Tárru mǝnana a kuli, wu pakkiyi hiwi abani ka, kǝ lǝmndǝ tarban ɗang. Yì ka, nǝ̀ kasǝi ɓwa ɓashi, ko nǝ̀ pe wi tangnakusǝi mǝnana karǝ arǝ gir mǝnana pè ka. Ace mani ka, wu masǝlǝ do yilǝmu ma'wun kǝla abǝri akani a ɓanza, nǝ ɓanggi Ɓakuli.

1 Bitǝrus 4:12

Wun amǝ'eambǝam, wu kǝa ndali arǝ akárǝkiban mǝkwane mǝnana wu kǝ tanni aɓalǝia, kǝla ɓe kǝgir mǝbǝshe na kǝ kum wun ngga ɗang.

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

2 Bitǝrus 3:1

Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.