1 Bitǝrus 2:1 - Maləmce Məfele mala Ɓakuli: Kurcau Məbəshe

¹ Ace mani ka, wu swár koya ulang ɓealɓikea, andǝ koya ulang kutan mǝɓane, andǝ kúnɓárína, andǝ mwararǝu, andǝ koya ulang naki acau kiɗiki ɓwa.

1 Bitǝrus 2:1 ပူးပေါင်းရင်းမြစ်များ

Matiu 15:7

Wun amǝ'kunɓarina! Ɓangna mala Ishaya amur wun ngga nda a njari, mǝnana bangŋa ama:

Matiu 23:28

Ana gbal, a nza ka aɓwana kǝ sǝn wun kǝla wu ndaka amǝ'ɓealɓoarna, sǝ a ɓabum wun ngga wu lumsǝ nǝ swarkiban andǝ ɓealɓikea.

Matiu 24:51

Nǝ̀ yia kwe nǝ̀ kasǝki wi anpenye, sǝ nǝ̀ ramte ata amǝ'kunɓarina, abanì sǝ à nǝ̀ nggǝ ɓua à nǝ̀ nggǝ nǝmnggi munabuia.

Matiu 7:5

We mǝ'kunɓarina, pusǝ gbǝlanggun mǝnana a mǝsǝo ka peatu, sǝ a wu nǝ sǝnban pepe mǝnana a nǝ pusǝî ɓeo kǝkar mana a mǝsǝì ka.

Markus 12:15

Ɓǝ̀ sǝm mbwe le ko ɓǝ̀ sǝm ngga mbwe ɗang?” Yesu ka sǝlǝna kutan malea, pǝlǝa ɗia ama, “Palang sǝ wu kǝ earce tambam? Wu yinǝam nǝ mǝsǝboalo ma'wun mǝ sǝni!”

Luka 11:44

Caukwanban nǝ wun! Acemǝnana wu nda kǝla aɓembe mǝnana à ɓǝa raka, gandǝa aɓwana kǝ gya amuria, à kǝ pǝndǝkea, aɓa ɗwanyi sǝlǝe.

Luka 12:1

Anggo ka, lang ɓwabunda mǝnana lakki malea na á-pas à yì ramǝna aban Yesu gandǝa à kǝ parki rǝarǝia ka, Yesu tita na cau peatu nǝ alaggana male ama: Wu par kir wun arǝ yis mala amǝ Farisi. Mǝ nda ban na cau amur kúnɓárína malea.

Luka 6:42

Palang sǝ a wu ne mǝ'eambǝo ama, “Mǝ'eambǝam, came mǝ pyaupo kǝkar mǝnana a mǝsǝo ka,” yi mǝnana a gandǝ sǝn gbǝlang nggun mana a mo yì mǝsǝu raka? We mǝswarki ɓamuru! Pusǝ gbǝlang nggun mǝnana a mǝsǝo ka peatu, sǝ a nǝ gandǝ sǝnban pepè mǝnana a nǝ pyau kǝkar mǝnana a mǝsǝ ɓeo ka.

Yohana 1:47

Lang Yesu sǝn Nataniyel aban yiu ka, na cau amuri ama, “Mǝnia ka ɓwa Isǝrayila mǝɓafoe na, mǝnana pànǝ nyir a rǝì raka.”

Amǝ Roma 1:29

Yia ka, do malea lumsǝ nǝ koya ulang turo ɓealɓikea, andǝ mɓali, andǝ ɓinǝmuru andǝ mwararǝu, andǝ walki-alú, andǝ munǝki-amunǝo, andǝ swarkiban, andǝ ce'shiria, andǝ twal lullǝú.

1 Amǝ Korinti 14:20

Wun amǝ'eamrǝarǝu, wu kǝa pǝlǝ amuntulo aɓa ɗenyicau ma'wun amur surǝ amǝnia yì agir ka ɗang. Wu duk amuntulo arǝ ɓealɓikea, sǝ wu gul aɓa ɗenyicau ma'wun.

1 Amǝ Korinti 5:8

Ace mani ka, ɓǝ̀ sǝm pakiɗire mala amsǝban ma'sǝm nǝ bǝredi mǝnana yis pà a rǝì raka, bǝredi mǝɓoarnsari andǝ mǝ'mǝsǝcau nì. Ɓǝ̀ sǝm ngga pe nǝ yis mǝ'e mala ce'shiria andǝ ɓealɓikea ɗang.

2 Amǝ Korinti 12:20

Ɓangciu kǝ pakkam ama ɓǝ̀ ǝn yiu ka, yakǝla mǝ nǝ yia kum wun pà kǝla mǝnana mǝ nǝ earce ɓǝ̀ wu pak ka ɗang, sǝ wun ngga, yakǝla wu kumam pa kǝla mǝnana wu nǝ̀ earcem mǝ pak ka ɗang. Ɓangciu kǝ pakkam ama, mǝ nǝ yia kum kúnɓuana, andǝ mɓali, andǝ bumlulla, andǝ earce-ɓamuru, andǝ kiɗikiɓwa, andǝ twal-lullǝu, andǝ candǝmuru, andǝ zuriki nre-rǝarǝu.

Amǝ Afisu 4:31

Ace mani ka, wu ɗeki bumkpǝmna, andǝ ukkio mala ɓabum andǝ bumlulla, andǝ kiɗikiɓwa andǝ loasǝkiaban, andǝ acili aɓealǝu mǝɓike ɗàngɗáng.

1 Amǝ Tasalonika 2:3

Cau kwarkiru mǝnana sǝm yinǝi aban wun ngga, pur aɓa ɓwarkio ɗang, ko nǝ ɓe a ɓalǝi ɗang, sǝ sǝm pà aban swarki wun gbal ɗang.

1 Timoti 3:11

Anggo gbal, sǝ duk pup ama, amamǝna mǝnana amǝ'bwalturo ɓa ndahiwi na ka, ɓǝa kumia nǝ ɓealɓoarna, ɓǝa kǝa duk amǝ twalki alullǝu ɗang, ɓǝa dum nǝ bwalrǝu andǝ mǝsǝcau aɓa koya gir.

Titus 2:3

Anggo gbal, kanî amamǝna mǝnana à gulna ka ɓǝa duk nǝ aɓealǝu mǝnana nǝ̀ pè Ɓakuli gulo ama à ndaka male ka. Ɓǝa kǝa duk amǝ naki acau mala kìdìki lullǝ aɓwana ɗang, sǝ ɓǝa kǝa duk aguro mala mba ɗang. Ɓǝa kǝ kani aɓwana gir mǝnana nda pepe ka.

Amǝ Ibǝru 12:1

Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.

Jemis 1:21

Ace mani ka wu bwaki bu wun arǝ anggaman aɓealɓikea kat sǝ wu ak cau mala Ɓakuli mǝnana à pandǝa a ɓabum wun, mǝnana nǝ̀ amsǝ wun ngga, nǝ nyesǝmuru.

Jemis 3:14

Sǝ ɓǝ̀ wu lumsǝ nǝ mɓali, andǝ ɓinǝmuru, andǝ earce ɓamuru a ɓabum wun ngga, wu ɗeki nggori, wu kǝa gìr mǝsǝcau nǝ nyir ɗang.

Jemis 4:11

Wun amǝ'eambǝam, wu nying twal-lullǝarǝ wun. Ɓwa mǝnana kǝ na cau mǝɓane amur ɓi, ko kǝ kiɗiki ɓi ka, ndaban na mǝɓane amur, andǝ ɓashi nggurcau mala Ɓakuli. Sǝ ɓǝa kǝ ɓashi nggurcau ka a ndarǝ ɓinǝ kpata nzongcau mala earcearǝu. Anggo ka a ndarǝ na ama a ndanǝ rǝcandǝa mala ɓashi nggurcau mala Ɓakuli.

Jemis 4:5

Mana ɗe wu twali nda ɓa mǝnia yì cau mǝnana Ɓakuli bangŋa aɓa Malǝmce male ama: Bangŋo Mǝfele mǝnana ci a ɓabum sǝm ngga earce ɓǝ̀ sǝm kpapì andǝ ɓe kǝgir ɗang.

Jemis 5:9

Wun amǝ'eamrǝarǝu, wu kǝa nggwani arǝarǝ wun ɗang, acemǝnana Ɓakuli ɓǝ̀ kǝa ɓasha wun ɗang. Wu sǝni! Mǝɓashi na aban came a kunkurǝm!

1 Bitǝrus 2:16

Wu dukdo kǝla aɓwana mǝnana à panzǝnia à kumǝna ɓamuria ka, sǝ ce wu pǝlǝ panzǝban ma'wun, dupa wun njargula pakki aɓealɓikea ɗang; ɓǝ̀ do ma'wun pa kǝla aguro mala Ɓakuli.

1 Bitǝrus 2:22

“Yì ka, pak kǝ cauɓikea ɗang, sǝ swarkiban pa a kuni ɗang.”

1 Bitǝrus 3:10

Malǝmce ka, bangŋa ama: “Ɓwa mǝnana kat kǝ earce kum banɓoarnado mala yilǝmu, sǝ nǝ̀ sǝn anonggeo mala bumpwasǝa ka, dumǝna púp nǝ̀ bwal lasǝi arǝ na mǝɓike, sǝ mburkuni ka, nǝ̀ bwali arǝ na nyir.

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

1 Bitǝrus 4:4

Ado ka, agyajam ma'wun mǝnana ɗiɗyal ka, à kǝ ndali acemǝnana wu kǝ kpapi wunǝia ɗǝm aɓa mǝno yì do-kiɗìkì andǝ ɗwanyi bwalrǝu ka ɗang. Nda gir nî sǝ à kǝ sanggi wun,

Sǝna 14:5

À surǝia nǝ kǝ nyir a kunia ɗang. Amǝ ɗwanyi cau a rǝǔ na.