1 Bitǝrus 1:7 - Maləmce Məfele mala Ɓakuli: Kurcau Məbəshe

⁷ Amǝnia yì akárǝkiban ngga, à nda à nǝ̀ lǝmndǝ ama paɓamuru ma'wun ngga, mǝɓafoe na ka. Ko nggearǝ zǝnariya mǝnana kǝ kiɗiki ka, à kǝ mwami nǝ bǝsa; anggo gbal, paɓamuru ma'wun mǝnana doɓoaro male kuti mala zǝnariya ka, dumǝna pup à nǝ̀ mwami, ace mǝnana ɓǝa sǝn came male aɓa mǝkwane ka. Anggo ka sǝ wun nǝ̀ kum ɓwangsǝban, andǝ ɓoarɓwa, andǝ gusǝlǝban aban Ɓakuli, a Pwari mǝnana Yesu Kǝrǝsti nǝ̀ lǝmndǝna rǝì nǝi aban ɓwapǝndǝa kat ka.

1 Bitǝrus 1:7 ပူးပေါင်းရင်းမြစ်များ

Matiu 19:28

Yesu nea wia ama: Ən nggǝ na wun mǝsǝcau, a pwari mana bǝsa ɓanza nǝ̀ yiu ka, Muna mala Ɓwa nǝ̀ do a bunomurǝm mǝɓoarɓwe male. Sǝ wun mǝnana wu kǝ kpatam ngga, wu nǝ̀ do amur abuno-murǝm lum-nong-ɓari gbal. Wu nǝ̀ pakki atau mala amǝ Isǝrayila lum-nong-ɓari ɓashi.

Matiu 25:21

Ɓwamǝgule male ne wi ama, “À pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Matiu 25:23

Ɓwamǝgule male ne wi ama, “A pangŋǝna pepe, a nda mǝturo-ɓala mǝɓoarne andǝ mǝ'mǝsǝcau nì! A lǝmndǝ mǝsǝcau arǝ agir bǝti. Mǝ nǝ nyinggo agir pas a buo. Yiu li banɓoarnado mala mǝtala-ɓala mo!”

Luka 12:33

Wu makki agirkuma ma'wun, wu pe amǝtǝr boale. Wu kumbi ɓamur rǝ wun andaboalo mǝnana à kǝ sanggi raka, sǝ wu tsǝk kume ma'wun a kuli aban mǝnana pà nǝ̀ amsǝa, sǝ amǝn'i pa nǝ̀ gbashì, ko tatǝmdi nǝ̀ kiɗiki raka.

Luka 17:30

Anggo sǝ nǝ̀ kumban a pwari mǝnana Muna Mala Ɓwa nǝ̀ yia pusǝna rǝì nǝi ka.

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Amǝ Mishan 8:20

Sǝ Bitǝrus banggi wi ama, “We wunǝ boalo mo ka, wu kya bǝsa, acemǝnana a kǝ sǝni kǝla ɓoro mala Ɓakuli ka, à nǝ̀ kúrí nǝ boalo!

Amǝ Roma 2:10

Sǝ aɓwana mǝnana à kǝ pak mǝɓoarne ka, ɓoarɓwa andǝ gulo andǝ dorǝpwala mala Ɓakuli nǝ̀ sulǝo amuria. Tite nǝ ɓwa Yahudi sǝ ɓwa mǝnana ɓwa Yahudi na raka.

Amǝ Roma 2:29

Awo pa anggo ɗang, ɓwa Yahudi mǝɓafoe ka, nda ɓwa mǝnana ɓabumi ka à nggaɗini, nrě gilǝkina andǝa Ɓakuli; sǝ mǝno ka turo mala Bangŋo mala Ɓakuli na, kpata Nggurcau na ɗang. Ɓwa kǝla mǝno ka, ɓwangsǝban male kǝ pur aban ɓwapǝndǝa ɗang, kǝ pur nǝban Ɓakuli.

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

Amǝ Roma 8:19

Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.

1 Amǝ Korinti 3:13

turo mala ko ya ɓwa ka nǝ̀ pusǝrǝi, acemǝnana a Pwari mala Kǝrǝsti ka, tea nǝ̀ puro. Bǝsa na nǝ̀ pusǝ tea ka. Sǝ bǝsa na nǝ̀ karǝki koya turo nani ɓwa pè ka.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

Jemis 1:12

Ɓakuli nǝ̀ tsǝkbu amur aɓwana mǝnana à dum nǝ mǝsǝcau abani aɓa karǝkiban mana yiu amur paɓamuru malea ka. Acemǝnana ɓǝa camǝna kàngkàng ngga, a masǝlǝate ka à nǝ̀ kum tangnakusǝu mala yilǝmu mǝnana Ɓakuli pacau ama nǝ̀ pea aɓwana mǝnana à lǝmndǝi wi earcearǝu ka.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Bitǝrus 2:4

Wu yiu aban Kǝrǝsti, yì tali mǝyilǝmuì, mǝnana aɓwana ginǝki, sǝ Ɓakuli twali acemǝnana abani ka ndanǝ ɓoaro ka.

1 Bitǝrus 2:7

Sǝ wun mana wu guli a rǝì ka, ɓoaro male aban wun ngga ulang yi pà kàm ɗang. Sǝ aban aɓwana mǝnana à earnǝi raka dumǝna, “Tali mǝnana amǝɓa ginǝki ka, nda yi duk Tali kwakita kusǝɓa ka.”

1 Bitǝrus 4:12

Wun amǝ'eambǝam, wu kǝa ndali arǝ akárǝkiban mǝkwane mǝnana wu kǝ tanni aɓalǝia, kǝla ɓe kǝgir mǝbǝshe na kǝ kum wun ngga ɗang.

1 Bitǝrus 4:13

A kun mani ka, ɓǝ̀ ban ɓoara wun ama wu ndarǝ nu tanni arǝ agir mǝ'mwashati mǝnana Kǝrǝsti twal gandǝa nǝia ka. Wu pak bumpwasǝa ado ace mǝnana ɓǝ̀ wu kum banɓoarnado mǝgule a pwari mǝnana nǝ̀ nyar nǝi sǝ nǝ̀ lǝmndǝ ɓoarɓwa male ka.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

2 Bitǝrus 1:4

Sǝ ata cau mala gulo andǝ ɓoaro male ka, ɓwamur sǝm pà sǝm aɓoro amǝgulke kǝrkǝr andǝ amǝɓoarne mǝnana bangŋa ama nǝ̀ pà ka. Pak mǝnia ka ace mǝnana nǝ amǝnia yia aɓoro ka, ɓǝ̀ sǝm kum kāmbe aɓa pa male mala do Ɓakuli, sǝ ɓǝ̀ sǝm api kiɗikiban mala ɓanza mǝnana suno mǝɓane kǝ yiu nǝi ka.

2 Bitǝrus 3:14

Ace mani ka, wun amǝ'eamrǝarǝu, mǝno ado wu nda aban kundǝ amǝnia yì agir ɓǝa yiu ka, wu ɓariki wu do aɓa ɓoarnsari, andǝ ɗwanyi cau a rǝǔ, sǝ wu dukdo rǝpwala.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.

Sǝna 3:18

Ace mǝno ka, ǝn nggǝ kwarkiro wu kúr zǝnariya mǝɓoarne a buam, zǝnariya mǝnana à gilǝkice nǝ bǝsa ka, ace mǝnana wu duk mǝkume. Kúr agir-nggurǝu mǝpwasǝe a buam, mǝnana a nǝ túr a rǝo sǝ a nǝ kumsǝ do-gbǝrangtang mo mǝpà kǝsǝke ka. Sǝ wu kúr mùru-ɓuri mǝsǝu a buam, mǝnana a wu nǝ hasǝ a mǝsǝo ace mǝnana wu sǝnban ngga!