1 Bitǝrus 1:6 - Maləmce Məfele mala Ɓakuli: Kurcau Məbəshe

⁶ Mǝnia ka kǝ pa wun banɓoarnado kǝ̀rkǝ́r, kat andǝ amani ama adyan aɓa bu-pwari bǝti ka, dumǝna ama wu nǝ̀ kutio aɓa bumkiɗikea ata cau mala akárǝkiban ɗàngɗáng.

1 Bitǝrus 1:6 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 26:37

Tunǝ Bitǝrus andǝ amuna mala Zabadi ɓari, Yohana andǝ Jemis ate, sǝ tita pak bumkiɗikea, sǝ ɓabumi zuriki.

Matiu 5:12

Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kuli. Anggo sǝ à pe amǝ'ɓangna mala Ɓakuli mǝnana à aka wun dǝmbǝa ka tanni.

Luka 1:47

sǝ ɓabumam kǝ pak banɓoarnado ata cau mala Ɓakuli Mǝ'amsǝam,

Luka 10:20

Sǝ ban ɓǝ̀ kǝa ɓoara wun ama akukwar kǝ oka wun ɗang, wu pak bumpwasǝa ama alullǝ wun ngga à gilǝnia a kuli.”

Luka 2:10

Mǝturonjar banggia wia ama, “Ɓangciu ɓǝ̀ kǝa pakka wun ɗang. Wu sǝni, ǝn ndya yina wun nǝ bǝsa Cau Mǝɓoarne mǝ'pwasǝ ɓabumì kǝrkǝr mǝnana nda ace ɓwapǝndǝa kat ka.

Yohana 16:22

Anggo sǝ wu pa: Adyan ngga wu ndanǝ bumkiɗikea, sǝ ǝn nggǝ na wun ama, mǝ nǝ ngga sǝn wun ɗǝm, sǝ ɓabum wun ngga nǝ̀ pakiɗire, ulang bumpwasǝa mǝnana kǝɓwa pà nǝ̀ é arǝ wun raka.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 5:11

Sǝ mǝno na nǝmurǝì ɗang; sǝm nda aɓa banɓoarnado ace bǝsa dotarǝu ma'sǝm sǝnǝa Ɓakuli ace gir mǝnana pè nǝ bu Mǝtala sǝm Yesu Kǝrǝsti ka. Yì Kǝrǝsti ka, nda ɓwa mǝnana pǝlǝ sǝm ado, nre sǝm gilǝki sǝnǝa Ɓakuli ka.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Roma 9:2

mǝ ndanǝ bumkiɗikea kǝrkǝr andǝ pi mala ɓabum koya pwari

2 Amǝ Korinti 4:17

Amǝnia yì atanni ma'sǝm mǝkeke mana bania pà nǝ̀ sau raka, à nda ban gilǝki sǝm ace kum ɓoarɓwa mǝnana málá male pà kàm ɗang, sǝ gulo male ka kǝ ɓe pà kàm à nǝ̀ kani a rǝi ɗang.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Filipi 2:26

Ado ka, rǝì kǝ ɓǝla ace sǝn wun. Banɓoari wi ɗang, mǝnana sǝlǝ ama wu ongŋǝna ce rǝkwana male ka.

Amǝ Filipi 3:3

Sǝm mǝnana sǝm nggǝ peri aban Ɓakuli aɓa Bangŋo ka, sǝm ndaka aɓwana mǝnana à kasǝa sǝm ɓatau aɓa mǝsǝcau ka. Sǝm ngga, sǝm nggǝ nggori nǝ Kǝrǝsti Yesu, sǝm guli arǝ agir mǝnana à pe aɓa nggūrǝu ka ɗang,

Amǝ Filipi 4:4

Wu dum nǝ banɓoarnado aɓa dotarǝu ma'wun wunǝa Mǝtalabangŋo, a koya pwari ka. Nyare mǝ nǝ na wun ɗǝm: Wu pak banɓoarnado!

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

Jemis 1:2

Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Jemis 1:9

Mǝ'eamrǝarǝu mǝnana mǝtǝr na ka ɓǝ̀ pak banɓoarnado acemǝnana Ɓakuli kǝ twali nǝ gulo kǝrkǝr.

Jemis 4:9

Ɓǝ̀ ɓabum wun kìɗìkì, wu ɓua, sǝ wu dukdo tímúrû. Ɓǝ̀ oalo ma'wun nyar a doatu, sǝ ɓǝ̀ banɓoarnado ma'wun nyar a tímúrû.

1 Bitǝrus 3:17

Nǝ̀ ɓoaribanì ɓǝ̀ ɓwa tanni ace pak gir mǝɓoarne, ɓǝ̀ mǝno nda eare mala Ɓakuli ka, amur mǝnana ɓwa ɓǝ̀ tanni ace ɓealɓikea ka!

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.