1 Bitǝrus 1:3 - Maləmce Məfele mala Ɓakuli: Kurcau Məbəshe

³ Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Bitǝrus 1:3 ပူးပေါင်းရင်းမြစ်များ

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 15:13

Ɓǝ̀ Ɓakuli mǝpà tsǝkɓalǝu lumsǝ wun nǝ banɓoarnado, andǝ dorǝpwala, aɓa paɓamuru ma'wun abani, ace mǝnana ɓǝ̀ wu lumsǝ nǝ tsǝkɓalǝu nǝ bu rǝcandǝa mala Bangŋo Mǝfele.

Amǝ Roma 4:25

À twali à pea aɓwana ɓǝà wal-luí ace acauɓikea ma'sǝm, sǝ à yì loasǝi nǝ yilǝmu ace mǝnana ɓǝà pǝlǝ sǝm ɓǝ̀ sǝm duk amǝ'cauɓoarna aban Ɓakuli.

Amǝ Roma 5:10

Kat aɓa do ma'sǝm ɗiɗyal mǝnana sǝm ndaka aɓibura mala Ɓakuli ka, à yì gilǝki nre sǝm sǝnǝa Ɓakuli nǝ lú mala Muni mana yi wú ace sǝm ngga. Ɓǝ̀ mǝno ka yi pa anggo ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa, mǝnana ado ka à yina nǝ sǝm aɓa dotarǝu sǝnǝa Ɓakuli ka. Acemǝnana yì Muna mala Ɓakuli ka ndakam nǝ yilǝmu.

Amǝ Roma 8:11

Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.

Amǝ Roma 8:24

Àkǝ̀ ɓa mǝnia yì tsǝkɓalǝu sǝ sǝm kum auwa. Sǝa ma tsǝkɓalǝu mǝnana ado à nǝ̀ gandǝ sǝni nǝ mǝsǝu ka, à pà nǝ̀ na ama tsǝkɓalǝu na ɗang. Lang sǝ ɓwa nǝ̀ tsǝkɓalǝi ado arǝ gir mǝnana ndanǝi a bui kǝ sǝni ka?

1 Amǝ Korinti 13:13

Ado ka, amǝnia yì agir tārú, à nda à ue ka: paɓamuru, andǝ tsǝkɓalǝu, andǝ earcearǝu; sǝ mǝgule malea kat ka, nda earcearǝu.

1 Amǝ Korinti 15:20

Sǝ ɓafo ka, nda mǝnana ama, à loasǝna Kǝrǝsti a ɓembe nǝ yilǝmu. Lǝmndǝ ama yì nda mǝdǝmbǝa loapi ɓembe aɓalǝ aɓwana mǝnana à nongŋǝna ntulo mala lú, à nǝ̀ loasǝia nǝ yilǝmu ka.

2 Amǝ Korinti 1:3

Ɓwangsǝban ɓǝ̀ o aban Ɓakuli mǝnana nda Tar Yesu Kǝrǝsti Mǝtala sǝm ngga, mǝnana nda Tar sǝm mǝ'sǝn mǝsǝswatǝr nî, andǝ mǝ'pa girikiban kat ka.

Amǝ Galati 6:16

Ɓǝ̀ dorǝpwala andǝ ɓwamuru mala Ɓakuli do ata aɓwana mǝnana à kǝ kpata mǝnia yì nzongcau ka. Yia ka, à nda ka amǝ Isǝrayila mǝbǝshe mala Ɓakuli.

Amǝ Afisu 1:17

Ən nggǝ zǝmbǝi Ɓakuli mǝgulo, yì Tár Mǝtala sǝm Yesu Kǝrǝsti, ɓǝ̀ pa wun sǝlǝe mala Bangŋo mala Ɓakuli andǝ sǝngir, ace mǝnana ɓǝ̀ wu surǝ Ɓakuli kam kpǝm.

Amǝ Afisu 1:3

Ɓǝ̀ sǝm ɓwangsǝ Ɓakuli, Tár Mǝtala sǝm Yesu Kǝrǝsti, mǝnana tsǝngŋǝna sǝm bu nǝ́ ko ya tsǝkbu mala Bangŋo, mana kǝ yiu nǝ́ kuli ka, aɓa kpapi ma'sǝm sǝnǝa Kǝrǝsti.

Amǝ Afisu 1:7

Yì ka, mǝsǝswatǝr andǝ ɓwamuru male ka à gul kǝrkǝr, nda sǝ yi kúr panzǝban ma'sǝm nǝ nkila mala Muni, pǝlǝa twala sǝm ban acauɓikea ma'sǝm ngga.

Amǝ Afisu 2:4

Sǝ acemǝnana mǝsǝswatǝr mala Ɓakuli gul kpǝm, sǝ earce sǝm kǝrkǝr ka,

Amǝ Afisu 3:20

Adyan ngga, gulo kat ka, ɓǝa pe Ɓakuli, mǝnana nǝ̀ gandǝ pak gir mǝnana kuti azǝmba andǝ aɗenyicau ma'sǝm ngga, nǝ rǝcandǝa male mǝnana kǝ pak turo aɓalǝ sǝm ngga.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

1 Amǝ Tasalonika 4:13

Wun amǝ'eamrǝarǝu, sǝm nggǝ earce ama wu kǝa dumnǝ ɗwanyi sǝlǝe amur amǝkwaɗi mǝnana à wuna ka, ko wu nǝ̀ dumnǝ bumkiɗikea, kǝla aɓwana mǝnana à pànǝ tsǝkɓalǝu raka ɗang.

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

1 Timoti 1:14

Sǝ Mǝtala sǝm solǝam ɓwamuru male mǝkǝrkǝr nì a muram, a tarǝia andǝ paɓamuru andǝ earcearǝu mǝnana à nda aɓa Kǝrǝsti Yesu ka.

Titus 2:13

Ɓǝ̀ do ma'sǝm pǎ anggo a pa mǝnana sǝm nda rǝ kundǝ mǝno yì tsǝkɓalǝu mana nǝ̀ yia lumsǝ sǝm nǝ bumpwasǝa ka, yì tsǝkɓalǝu arǝ yiu mala Ɓakuli ma'sǝm mǝgule, Yesu Kǝrǝsti Mǝ'amsǝban, aɓa tǎ mala ɓoarɓwa male.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Bitǝrus 1:23

Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Bitǝrus 2:2

Wu pa kǝla abangna-muna, rǝ wun ɓǝ̀ kǝ ɓǝla arǝ nu kiura mǝɓoarnsari mala cau mala Ɓakuli, ace mǝnana ɓǝ̀ wu gulo a ɓalǝi, ɓǝ̀ kyan nǝ wun a amsǝban,

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.

1 Bitǝrus 3:21

Sǝ mǝno yì mùrgula, mǝnana aɓwana tongno-nong-tārú api wi ka, nda kǝla batisǝma mǝnana kǝ amsǝ wun ado ka. Pà ace lak pǝndǝkea mala nggūrǝu wun ɗang, nda ace lǝmndǝ eare ma'wun aban Ɓakuli nǝ ɓabum mǝɓoarnsari. Kǝ amsǝ wun acemǝnana Yesu Kǝrǝsti lo a ɓembe nǝ yilǝmu ka.

1 Bitǝrus 3:5

Amamǝna mǝnana a pwaryan à dukdo yal ɓamuria ace Ɓakuli sǝ à guli a rǝì ka, anggo sǝ à gilǝki ɓoarnsari malea. À nongsǝ muria aɓata aburria,

1 Yohana 2:29

Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.

1 Yohana 3:9

Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.

1 Yohana 4:7

Wun agyajam mem, ɓǝ̀ sǝm nggǝ earce rǝarǝ sǝm, acemǝnana earcearǝu ka pur nǝban Ɓakuli. Sǝ ɓwa mǝnana kat kǝ lǝmndǝ earcearǝu ka, ɓǝlban mala Ɓakuli na, sǝ surǝ Ɓakuli.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:4

Sǝ koya ɓwa mǝnana kat ɓǝlban mala Ɓakuli na ka, kǝ limurǝm amur ɓanza. Paɓamuru ma'sǝm aban Ɓakuli ka, nda limurǝm ma'sǝm amur ɓanza.