1 Bitǝrus 1:23 - Maləmce Məfele mala Ɓakuli: Kurcau Məbəshe

²³ Wun ngga, à ɓǝsǝlǝna ɓǝl wun a bǝshe, sǝ mǝnia yì bǝsa ɓǝlban ngga, pur aɓa mǝsǝɓeale mǝnana kǝ kìɗìkì ka ɗang, pur aɓa mǝsǝɓeale mala cau mǝyilǝmuì mala Ɓakuli, yì cau male mana te malkiyi raka.

1 Bitǝrus 1:23 ပူးပေါင်းရင်းမြစ်များ

Matiu 24:35

Agir mǝnana a bumkuli andǝa mǝnana a nzali ka tea nǝ̀ malâ, sǝ cau mem ngga te pà nǝ̀ mal ɗang.

Luka 8:11

Mǝnia ka ndà ɓa man yì kanicau: Mǝsǝɓeale ka nda cau mala Ɓakuli.

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Yohana 1:3

Nǝ yi sǝ Ɓakuli pusǝ agir kat. Kǝgir pà kàm mwashat mana à pusǝì mǝnana nǝ yi sǝ à pusǝì raka.

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Amǝ Roma 1:23

Amur mǝnana ɓǝa peri aban Ɓakuli mǝɓoarɓwe mǝnana nǝ yilǝmu málá male pà kàm raka, à kara à kutia peri aban aɓǝ̀nzál mǝnana à pea kǝla ɓwapǝndǝa andǝ anyal, andǝ agirkusǝu andǝ agir-nzali ka.

Amǝ Ibǝru 4:12

Cau mala Ɓakuli ka, ndanǝ yilǝmu, sǝ ndanǝ rǝcandǝa. Cyauwe kuti koya ulang ya nggeabyau mǝnana kuni ɓari ka. Kǝ soaban, kǝ kutia ban gakya mala bangŋe ɓwa andǝ yilǝmi. Kǝ kutio aban kpakǝri mala mú andǝ girɓamu. Kǝ pusǝta mana nda mǝɓoarne andǝ mǝɓane arǝ ɗenyicau andǝ kani mala ɓabum ɓwa.

Jemis 1:18

Aɓa kane male sǝ yi ɓǝl sǝm nǝ cau mǝ'mǝsǝcau nì; tàr sǝm ata dǝmbe aɓalǝ aɓwana mǝnana pusǝia kat ka.

1 Bitǝrus 1:25

sǝ cau mala Mǝtalabangŋo ka, masǝlǝate pà kàm ɗang.” Sǝ mǝnia yì cau ka, nda Cau Amsǝban mǝnana à hamba wunì ka.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Yohana 3:9

Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.