1 Bitǝrus 1:21 - Maləmce Məfele mala Ɓakuli: Kurcau Məbəshe

²¹ Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Bitǝrus 1:21 ပူးပေါင်းရင်းမြစ်များ

Matiu 28:18

Yesu pǝlǝa yiu abania sǝ na ama: “Rǝcandǝa mǝnana a kuli andǝ mana a ɓanza kat ka Ɓakuli panami!

Yohana 12:44

Pǝlǝa Yesu loasǝ gi kpǝm sǝ na ama: Ɓwa mǝnana kat guli a rǝam, mǝ nda gulikiyi a rǝam nǝmurǝam ngga ɗang, ndaban guli gbal arǝ Tárram mǝnana tasǝam ngga.

Yohana 14:1

“Ɓǝ̀ ɓabum wun ɓǝ̀ kǝa kiɗiki ɗàng. Wu pà ɓamur wun aban Ɓakuli, sǝ wu pà ɓamur wun gbal abanam.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 17:24

Dâ! Ən nggǝ earce nǝma aɓwana mǝnana a pamia ka, ɓǝa do atam aban mǝnana mǝ nda kam ngga; sǝ ɓǝa sǝn gulo mem mǝnana a pam, acemǝnana a kǝ earcem sǝ a yi pusǝ ɓanza ka.

Yohana 17:5

Sǝ ado ka, Dâ, nyesǝam gulo a ɓadǝmbǝo, gulo mǝnana mǝ ndanǝi sǝnǝ we ɗiɗyal sǝ a yi pusǝ ɓanza ka.

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 4:10

Came ɓǝ̀ ǝn bangga wun bwāng, wun, wunǝa amǝ Isǝrayila kat ama, nda aɓa lullǝ Yesu Kǝrǝsti ɓwa Nazarat, yì ɓwa mǝnana wu gballì amur nggun-gangndi, sǝ Ɓakuli loasǝi a ɓembe ka, sǝ mǝnia yì ɓwa ka kum rǝcandǝa.

Amǝ Roma 10:9

Ɓǝ̀ a wu nǝ na nǝ kuno ama, “Yesu ka Mǝtalabangŋo na,” sǝ a nǝ earnǝi nǝ mǝsǝcau a ɓabumo ama Ɓakuli loasǝi a ɓembe ka, a nǝ kum amsǝban.

Amǝ Roma 4:24

Nda gbal ace sǝm sǝ à gilǝì, sǝm mǝnana Ɓakuli nǝ̀ ak sǝm kǝla amǝ'cauɓoarna, acemǝnana sǝm pa ɓamur sǝm abani, yì ɓwa mana loasǝ Yesu Mǝtala sǝm a ɓembe ka.

2 Amǝ Korinti 6:15

Sǝ ya dotarǝu na dapi Kǝrǝsti andǝ Shetan? Sǝ mana dapi mǝkwaɗi andǝ ɓwa mǝnana mǝkwaɗi na raka?

Amǝ Afisu 1:15

Ace mǝnia ka, lang ǝn ongŋǝna ce paɓamuru ma'wun aban Mǝtalabangŋo Yesu andǝ earcearǝu mana wu ndanǝi aban aɓwana mala Ɓakuli a koya ban ngga,

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

1 Timoti 1:1

Mǝnia yì cautera ka, pur nǝ ban Bulǝs, mǝ'mishan mala Kǝrǝsti Yesu nǝ tasǝban mala Ɓakuli mǝ'amsǝ sǝm, andǝ mala Kǝrǝsti Yesu mǝnana nda tsǝkɓalǝu ma'sǝm ngga.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 2:9

Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.

Amǝ Ibǝru 6:1

Ace mani ka, ɓǝ̀ sǝm ɗeki akanigir mala tita eaulǝki acau amur Kǝrǝsti. Ɓǝ̀ sǝm tùr a dǝmbǝa, ɓǝ̀ sǝm lumsǝ aɓa bwaltagir. Ɓǝ̀ sǝm ngga nyar ɗǝm aban kwakita kusǝɓǎ amur pwanzali andǝ vwaki bu arǝ aturo mǝnana à nǝ̀ kánǝban a lú, andǝ paɓamuru aban Ɓakuli ɗang.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

1 Bitǝrus 1:11

À alte à nǝ̀ surǝ pwari mǝnana Bangŋo mala Kǝrǝsti mana aɓalǝia nakiyicau amuri ka. Bangŋo mala Kǝrǝsti ak dǝmbǝa lǝmndǝia wia, atanni mǝnana Kǝrǝsti nǝ̀ yia nu sǝ nǝ̀ kutia ɓoarɓwa male ka, sǝ lang sǝ mǝnia yì gir ka nǝ̀ yia pǎ.

1 Bitǝrus 1:3

Ɓwangsǝban kat ka, ɓǝa pe Ɓakuli, Tár Mǝtala sǝm Yesu Kǝrǝsti! Ace mǝsǝswatǝr male mǝgule ka yina nǝ sǝm aɓa bǝsa ɓǝlban. Sǝm kum mǝnia yì bǝsa ɓǝlban ngga acemǝnana Ɓakuli loasǝ Yesu Kǝrǝsti a ɓembe ka. Ado ka sǝm ndanǝ do tsǝkɓalǝu mǝyilǝmui,

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.